Skip to main content

சென்னையில் ரப்பர் கண்காட்சி.!!!




ஆசியாவின் மிகபெரிய ரப்பர் கண்காட்சியாகிய “Indian Rubber Expo-2011”வரும் ஜனவரி 19 முதல் 22ம் தேதி வரை சென்னை நந்தம்பாக்கத்தில் உள்ள சர்வதேச வர்த்தக மையத்தில் நடக்க உள்ளது.

இந்தியாவின் ரப்பர் கண்காட்சி முதல்முதலாக 2001ல் நடத்தபட்டது. அதன் பின் ஈராண்டுக்கு ஒரு முறை என்னும் வகையில் இது வரை மொத்தம் ஐந்து முறை நடத்தப்பட்டுள்ளது.

ஒவ்வொரு முறையும் வளர்ச்சியை பெருமளவில் கண்ட இக்கண்காட்சி மளமளவென்று வளர்ந்து இப்போது 15000 சதுர மீட்டர் பரப்பளவில் நடைப்பெற உள்ளது. இக்கண்காட்சி ஆசியாவிலேயே மிகப்பெரியது என்பதும் உலகிலே இரண்டாவது பெரிய கண்காட்சி என்பதும் குறிப்பிடதக்கது.

இந்நிகழ்ச்சி மூன்று பிரிவுகள் கொண்டுள்ளது. கண்காட்சி,கருத்தாய்வு மற்றும் டயர் மெக்கானிக் பயிற்சி. கண்காட்சியில் 300க்கும் மேற்பட்ட நிறுவனங்கள் கலந்துகொள்ள இருக்கின்றன. ம0 நாடுகளிலிருந்து 20ஆயிரத்துக்கும் மேற்பட்ட பார்வையாளர்கள் வருவார்கள் என எதிர்பார்க்கபடுகிறது.

அமெரிக்கா,மத்திய அமெரிக்கா, ஐரோப்பா, ஆசிய நாடுகளிலிருந்து பெருமளவில் பிரதிநிதிகள் கலந்துகொள்கின்றனர். கடந்த ஐந்து முறைகளில் இல்லாமல் இம்முறையே கருத்தரங்கம் ஏற்பாடு செய்யப்பட்டுள்ளது. ரப்பர் துறையை சேர்ந்த 40க்கும் அதிகமான சர்வதேச நிபுணர்களின் கருத்துகளை கேட்டறியலாம். நிபுணர்கள் இப்போது பின்பற்றும் தொழில்நுட்பத்தை பற்றியும் இயற்கை மற்றும் செயற்கை சிந்தடிக் ரப்பர் தொழில்நுட்பங்களை பற்றியும் விரிவாக விளக்குவர்.

நிபுணர்கள் இப்போது பின்பற்றும் தொழில்நுட்பத்தை பற்றியும் இயற்கை மற்றும் செயற்கை சிந்தடிக் ரப்பர் தொழில்நுட்பங்களை பற்றியும் விரிவாக விளக்குவர்.இது தவிர, வாங்குவோர்-விற்பவர் சந்தித்து பேசவும் ஏற்பாடுகள் செய்யப்பட்டுள்ளது. மேலும், மத்திய அரசின் கேபெக்ஸல் மையம், 30 சர்வதேச நிறுவன பிரதிநிதிகளை பொருள்கள் வாங்குவதற்காக அழைத்து வர உள்ளது.

கருத்தரங்குகள் இந்திய ரப்பர் வாரியத்தின் உதவியோடு நடத்தப்பட உள்ளது. மாலை வேலையில் இந்திய கலாசாரத்தை பறைசாற்றும் வகையில் பல கலை நிகழ்ச்சிகள் ஏற்பாடு செய்யப்பட்டுள்ளன.

இந்திய ரப்பர் கண்காட்சி 2011-ன் ஏற்பாட்டு குழு தலைவர் ஆர்.கே.ராமன்,'' முதன் முதலில் 2001ம் ஆண்டில் 2 ஆயிரம் சதுர மீட்டர் அளவில் தொடங்கபட்ட இந்த கண்காட்சி.. இன்று 15 ஆயிரம் சதுர மீட்டர் தாண்டி அமைக்கப்பட்டுள்ளது..'' என்றார்.

இதை பற்றி அகில இந்திய ரப்பர் குழுவின் தலைவர் வினோத் சைமன் கூறுகையில்,''முதல் மூன்றாண்டும் மும்பையில் நடைபெற்ற இந்நிகழ்ச்சி நான்காவதாகசென்னையிலும் அடுத்தது கல்கத்தாவிலும் நடைபெற்றது. இம்முறை மீண்டும் சென்னையில் நடைபெற இருக்கிறது.. அதற்கு காரணம் 2007ல் சென்னையில் நடந்ததின் வெற்றியே.. அதிக அளவில் விற்பனையாளர்களும், வாங்குபவர்களும் இன்னும் பல உபகரணங்களும் சென்னையில் அதிகமாக கிடைக்கிறது.. இந்நிகழ்ச்சிக்கு சென்னை சிறந்த இடம்.'' என்றார்.

ஆட்டோமொபைல், கெமிக்கல், டெக்ஸ்டைல் போன்ற பல துறையினரும் பங்கெடுத்து பயன்பெற கூடிய சிறந்த கண்காட்சி..



Comments

  1. மேற்கூறிய துறைகளில் எனக்கு ஈடுபாடு இல்லாதமையால் ஒட்டு மட்டும் போட்டுவிட்டு கிளம்புறேன்...

    ReplyDelete
  2. @philosophy prabhakaran://மேற்கூறிய துறைகளில் எனக்கு ஈடுபாடு இல்லாதமையால் ஒட்டு மட்டும் போட்டுவிட்டு கிளம்புறேன்...//

    ஈடுபாடு இல்லாவிட்டாலும் வந்து எட்டிபார்த்து கருத்து சொன்ன உங்க இரும்பு மனச பாராட்டி நன்றி மட்டும் சொல்லிக்கிறன்..

    ReplyDelete
  3. பகிர்வுக்கு நன்றி. உங்களுக்கு என் புத்தாண்டு வாழ்த்துக்கள்

    ReplyDelete
  4. @எல் கே:நன்றி.. வருகைக்கும் கருத்துக்கும் வாழ்த்துக்கும்... கண்டிப்பாக இப்புத்தாண்டு உங்களுக்கு பொலிவுறும் ஆண்டாக இருக்கும்..இனிய புத்தாண்டு வாழ்த்துக்கள்..

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

மாலை 6.30 மணி.
இரண்டு கிலோமீட்டர் முன்னிருந்தே பேரணியாக பலர் சென்றுக்கொண்டிருநனர். அங்கங்கே தன்னார்வாலர்கள் நின்று அறிவிப்புகள் செய்துக்கொண்டிருந்தனர். சட்டையில் ஜல்லிக்கட்டுக்கு ஆதரவான வாசக மற்றும் படம் பதிப்பை இலவசமாக நண்பர்கள் செய்துக்கொண்டிருந்தார்கள். வண்டியை நிறுத்திவிட்டு நாங்களும் இணைந்துக்கொண்டோம் நடைபயணத்தில்.
கோஷங்கள் எழுப்பபட்டன. ஆளும் வர்கத்தை எதிர்த்தும், சர்வதேச அரசியலை கேலியாக விமர்சித்தும் கோஷங்கள் போடபட்டன. அப்பொழுதே கிளப்பிவிட்டன நம் ரோமங்களை. அங்கங்கே சில தகாத வார்த்தைகள் இருந்தாலும், அவை தோழர்களின் கோபத்தை வெளிப்படுத்தும் ஒரு முறை என்று உணர்ந்து நடந்தோம். கோபத்தை நாகரீகமாக சொல்லும் தமிழ் இனம் என்பதை தோழர்கள் நினைவுபடுத்திக்கொள்ள வேண்டும்.
எங்கும் நுழைய முடியவில்லை. குடும்பமாக, நண்பர்களாக, தன்னார்வலராக என எங்கினும் கூட்டம் அலைமோதிக்கொண்டிருந்தது. மத்திம பகுதி விவேகானந்தர் இல்லம் தான் எனினும் கலங்கரை விளக்கத்திலிருந்தே அலைகடலென மக்கள் மட்டும் தான் தெரிந்தார்கள்.
நாங்கள் முன்னேறினோம். அங்கங்கே தோழர்கள் பதாதைகளை பகிர்ந்துக்கொண்டார்கள். கோஷ முழக்கமிடையே நாங்கள் முன்னேறி …

ஏழு நாட்கள்...

என் பெயர் ரகு. அடிக்கடி இரவு வரும்பொழுது ஒரு இனிப்பு என்று வாங்கிக்கொண்டு சந்தோசமாக வீடும் ஏறும் அளவுக்கு எனக்கு குடும்பமும் இல்லை. அந்த அளவுக்கு மகிழ்வும் வந்ததில்லை. அதே சமயம், வாழ்க்கை இப்படி ஆகிவிட்டதே என வருந்தும் அளவுக்கும் ஒரு கவலை வந்ததில்லை. வாழ்க்கை என்னும் போக்கில் நாட்களை கடந்து செல்லும் நீங்கள் பார்க்கும் ஒரு சாதாரண மனிதன் தான் நான்.
அம்மா ஊரில். இங்கு தனியாக ரூம் எடுத்து தங்கியிருக்கிறேன். கம்ப்யூட்டர், செல்ஃபோன் போன்னற இக்கால வாழ்க்கை டெக்னாலஜி எதுவும் அண்டாத ஒரு பிரஜை. என்னிடம் இருக்கும் சொத்து என்று சொன்னால் ஒரு மூன்று செட் துணி, ஒரு ஜோடி ஷூ மற்றும் செருப்பு, ஒரு பர்ஸ் மற்றும் ஒரு கைகடிகாரம். இதில் எதில் பாதிப்பு வந்தாலும் உடனே மாற்று வாங்கிவிடுவேன். வேறு எதுவும் செலவு இல்லை. சமீபத்தில் தொலைந்த கடிகாரத்திற்கு பதிலாய் மற்றொன்று குடிக்கொண்டிருக்கிறது. அவ்வளவு தான்.
அன்று அலுவலகத்தில் இருந்தேன்.
‘ரகு… உன்ன சார் உள்ள கூப்பிடுறாரு..’ சக அலுவலர் வந்து சொன்னார்.
‘ரகு… நீங்க சேர்ந்து கொஞ்ச நாள் தான் ஆகுது. ஃபீல்ட் சமயம் இப்போ சரியில்ல. வேலைய விட்டு எல்லாரையும் தூக்கிட்டு இருக்காங…

ஒரு அப்பாவின் வாழ்க்கை

நான் கடைசியா இந்தியா வந்து ஒரு வருசம் கடந்துருச்சு. இப்போ நான் கிளம்பிட்டேன். என்னோட இந்தியாவுக்கு, என்னோட ஊருக்கு, என் சொந்த மண்ணுக்கு போறேன். அதைவிட சந்தோசம் நான் என் அப்பாவ பாக்க போறேன். நினைக்கிறப்பவே மனசு சில்லுனு இருக்கு. அப்பா…
என் அப்பா ஒரு கூத்து ரசிகர். ஊருல நடக்குற ஒரு நாடகம் கூத்து எதையும் விடமாட்டார். அன்னைக்கு ஊருக்குள்ள சங்கரன் குழுவோட நாடகம் நடந்துச்சு. மகாபாரத கதை. கிருஷ்ணன் அர்ஜூனனுக்கு உபதேசம் சொல்லிகிட்டு இருந்தாரு.
’கத்தும் நீதிகூட்டம் காட்டில் ஒரு குரங்காட்டம் ஒன்னு ஆடுது நாட்டில் மழியும் உலகம் ஆட்சி அதை அழிக்கத்தான் புறப்படும் தர்மத்தின் கோட்டை கத்தும் கதமறுக்கும் காட்டில்’
’ஆதாகபட்டது வில்லை ஏந்திக்கொண்டு யோசித்து நிற்கும் அர்ஜூனனிடம் கிருஷ்ணன் சொல்கிறான்.’
‘எது நடந்ததோ அது நன்றாகவே நடந்தது எது நடக்கிறதோ அது நன்றாகவே நடக்கிறது’ என நாடகம் உச்சகட்டத்தில் அக்கால உடையோட நடந்துகிட்டிருந்தப்போ மேடையில ஒருத்தர் இக்கால உடையோட நடந்து வந்து கிருஷ்ணன் காதுல ரகசியம் பேசினாரு. இது என்னடா மகாபாரத்ததுல ஒரு திருப்பம்னு கூட்டமே உத்து பாத்துகிட்டு இருந்தப்போ, கிருஷ்ணர் மக்கள் கூட்டம் இரு…