Skip to main content

என் தந்தை கொடியவரா.???


தளர்த்திவிட்ட தலைமுடி,
இஸ்திரி போட்ட ஆடைகள்,
முறுக்கி விட்டமீசை,
சிறிது கொழுத்திருக்கும் தாடி,
மிரட்டும் நடை,
வியக்கவைக்கும் மனிதர்...
அவர் எனது தந்தை...

அடுத்த நாள் பரீட்சைக்கு
முட்டி மோதி மனதிலேத்தி,
தேர முடியா தேர்வுலயும்
தேர்ச்சி பெற்று களித்தேனே-தோழா.!!
மாறாய்,
மதிப்பெண் குறைவென கடிந்திட்டாரே
என் தந்தை கொடியவர் தானா.?

வீதியில் திரியும் வயதில்
வெளியில் செல்லவிடாது
காத்து காத்து வைத்தாரே.!
நான் காக்க வேண்டிய பொருளா..
உலகை சுற்றி வந்தால் தான்
உணர்வை அறிய முடியும்
அதை அறியாதவரானாரே-தோழா.!
என் தந்தை கொடியவர் தானா.?

முதல் மாத சம்பளத்தை
முழுதும் வீட்டிற்கு செலவழித்து
பண்டம், துணியென களிப்புற்றேனே-தோழா.!
கடிந்தே-இன்பத்தை துன்பமாக்கிட்டாரே
என் தந்தை கொடியவர் தானா.?

செய்யா தப்பொன்றால்
துன்பம் கண்டிற்றேன்..
சின்ன துயருக்கும்
சினம் கொளும் அவர்
என்ன செய்திடுவாரோ.??
காண ஓடிவந்த அவர்,
கையை இருக பிடித்திட்டாரே.! தோழா.!
என்னை கட்டியணைத்து அழுதிட்டாரடா..
அவர் கொடியவர் அல்லடா..
டே.! அவர் நான் விரும்பிடும் குழந்தையடா.!!

எனக்கு,
துன்பம் காணா வாழ்க்கை அளிக்க
கொடியவர் போல காட்சியளித்தார்..!!
துன்பம் கண்ட வேலையிலே
அவர் இன்னும் குழந்தை தானடா..!!
அவர் கொடியார் அல்ல-குழந்தை.!!
என்னை திட்டி மிரட்டும்
என் மேல் அனபுகொண்ட
இன்றும் ஒருவருக்கொருவர் அரவணைப்பில்
என்றும் என் அன்பு குழந்தையாக.!!!


Comments

  1. பல அப்பாக்கள் இப்படி தான் கூர்மதி...பாசம் எக்கச்சக்கமா இருக்கும்....ஆனால் வெளியில் கடிஞ்சுகிட்டே இருக்கிற மாதிரி இருக்கும்...ஆனால் அவர்கள் குழந்தை வளர்ந்த பிறகு ,அந்த குழந்தை அப்பா ஆனபிறகு தான் அந்த பாசத்தை உணர முடியும்...:)) அப்போ கட்டாயமா கடிஞ்ச அப்பா நமக்கு குழந்தையா தான் தெரிவார்...:))

    ReplyDelete
  2. @ஆனந்தி: ஆம்..!!! ஆனால் என் அப்பா அப்படி பட்டவர் இல்லை.. பாசம் கொண்டவர் அதையே வெளிப்படையாக காட்டகூடியவர்.. இது என் நண்பர் ஒருவர் வாழ்க்கை... அவரது வாழ்க்கையில் என்னை புகுத்தி கவிதையாக படைத்திட்டேன்... மன்னிக்கவும் பதிவோடு இந்த குறிப்பையும் போட்டிருக்க வேண்டும்.. மறந்துட்டன்...

    ReplyDelete
  3. தந்தையின் கண்டிப்புக்குள் அடங்கியிருக்கும் அன்பை அழகானவரிகளில் கோர்த்துள்ளிர்கள் அருமை நண்பரே

    ReplyDelete
  4. @dineshkumar: வருகைக்கும் கருத்துக்கும் நன்றிகள் நண்பரே.!!! தொடர்ந்த ஆதரவுக்கு மீண்டும் ஒரு நன்றி..

    ReplyDelete
  5. நுண்ணிய உணர்வை , நேசத்தை அருமையாக வார்த்தைகளில் கொண்டு வந்து விட்டீர்கள்

    ReplyDelete
  6. @பார்வையாளன்: யப்பா..!!! நீங்க ரொம்ப ரோச காரரு.. உங்க வீட்டுக்கு வந்ந்தா தான் என் வீட்டுக்கு வருவேன்னு ஒரு பெரிய குறிக்கோளோட இருந்தீங்க போல... இருந்தாலும், எனக்குன்னு ஒதுக்கிய அந்த நேரத்தும், உங்களுக்கும், உங்க கருத்துக்கும் ரொம்ப நன்றி.. மீண்டும் வருக..

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

மாலை 6.30 மணி.
இரண்டு கிலோமீட்டர் முன்னிருந்தே பேரணியாக பலர் சென்றுக்கொண்டிருநனர். அங்கங்கே தன்னார்வாலர்கள் நின்று அறிவிப்புகள் செய்துக்கொண்டிருந்தனர். சட்டையில் ஜல்லிக்கட்டுக்கு ஆதரவான வாசக மற்றும் படம் பதிப்பை இலவசமாக நண்பர்கள் செய்துக்கொண்டிருந்தார்கள். வண்டியை நிறுத்திவிட்டு நாங்களும் இணைந்துக்கொண்டோம் நடைபயணத்தில்.
கோஷங்கள் எழுப்பபட்டன. ஆளும் வர்கத்தை எதிர்த்தும், சர்வதேச அரசியலை கேலியாக விமர்சித்தும் கோஷங்கள் போடபட்டன. அப்பொழுதே கிளப்பிவிட்டன நம் ரோமங்களை. அங்கங்கே சில தகாத வார்த்தைகள் இருந்தாலும், அவை தோழர்களின் கோபத்தை வெளிப்படுத்தும் ஒரு முறை என்று உணர்ந்து நடந்தோம். கோபத்தை நாகரீகமாக சொல்லும் தமிழ் இனம் என்பதை தோழர்கள் நினைவுபடுத்திக்கொள்ள வேண்டும்.
எங்கும் நுழைய முடியவில்லை. குடும்பமாக, நண்பர்களாக, தன்னார்வலராக என எங்கினும் கூட்டம் அலைமோதிக்கொண்டிருந்தது. மத்திம பகுதி விவேகானந்தர் இல்லம் தான் எனினும் கலங்கரை விளக்கத்திலிருந்தே அலைகடலென மக்கள் மட்டும் தான் தெரிந்தார்கள்.
நாங்கள் முன்னேறினோம். அங்கங்கே தோழர்கள் பதாதைகளை பகிர்ந்துக்கொண்டார்கள். கோஷ முழக்கமிடையே நாங்கள் முன்னேறி …

ஏழு நாட்கள்...

என் பெயர் ரகு. அடிக்கடி இரவு வரும்பொழுது ஒரு இனிப்பு என்று வாங்கிக்கொண்டு சந்தோசமாக வீடும் ஏறும் அளவுக்கு எனக்கு குடும்பமும் இல்லை. அந்த அளவுக்கு மகிழ்வும் வந்ததில்லை. அதே சமயம், வாழ்க்கை இப்படி ஆகிவிட்டதே என வருந்தும் அளவுக்கும் ஒரு கவலை வந்ததில்லை. வாழ்க்கை என்னும் போக்கில் நாட்களை கடந்து செல்லும் நீங்கள் பார்க்கும் ஒரு சாதாரண மனிதன் தான் நான்.
அம்மா ஊரில். இங்கு தனியாக ரூம் எடுத்து தங்கியிருக்கிறேன். கம்ப்யூட்டர், செல்ஃபோன் போன்னற இக்கால வாழ்க்கை டெக்னாலஜி எதுவும் அண்டாத ஒரு பிரஜை. என்னிடம் இருக்கும் சொத்து என்று சொன்னால் ஒரு மூன்று செட் துணி, ஒரு ஜோடி ஷூ மற்றும் செருப்பு, ஒரு பர்ஸ் மற்றும் ஒரு கைகடிகாரம். இதில் எதில் பாதிப்பு வந்தாலும் உடனே மாற்று வாங்கிவிடுவேன். வேறு எதுவும் செலவு இல்லை. சமீபத்தில் தொலைந்த கடிகாரத்திற்கு பதிலாய் மற்றொன்று குடிக்கொண்டிருக்கிறது. அவ்வளவு தான்.
அன்று அலுவலகத்தில் இருந்தேன்.
‘ரகு… உன்ன சார் உள்ள கூப்பிடுறாரு..’ சக அலுவலர் வந்து சொன்னார்.
‘ரகு… நீங்க சேர்ந்து கொஞ்ச நாள் தான் ஆகுது. ஃபீல்ட் சமயம் இப்போ சரியில்ல. வேலைய விட்டு எல்லாரையும் தூக்கிட்டு இருக்காங…

ஒரு அப்பாவின் வாழ்க்கை

நான் கடைசியா இந்தியா வந்து ஒரு வருசம் கடந்துருச்சு. இப்போ நான் கிளம்பிட்டேன். என்னோட இந்தியாவுக்கு, என்னோட ஊருக்கு, என் சொந்த மண்ணுக்கு போறேன். அதைவிட சந்தோசம் நான் என் அப்பாவ பாக்க போறேன். நினைக்கிறப்பவே மனசு சில்லுனு இருக்கு. அப்பா…
என் அப்பா ஒரு கூத்து ரசிகர். ஊருல நடக்குற ஒரு நாடகம் கூத்து எதையும் விடமாட்டார். அன்னைக்கு ஊருக்குள்ள சங்கரன் குழுவோட நாடகம் நடந்துச்சு. மகாபாரத கதை. கிருஷ்ணன் அர்ஜூனனுக்கு உபதேசம் சொல்லிகிட்டு இருந்தாரு.
’கத்தும் நீதிகூட்டம் காட்டில் ஒரு குரங்காட்டம் ஒன்னு ஆடுது நாட்டில் மழியும் உலகம் ஆட்சி அதை அழிக்கத்தான் புறப்படும் தர்மத்தின் கோட்டை கத்தும் கதமறுக்கும் காட்டில்’
’ஆதாகபட்டது வில்லை ஏந்திக்கொண்டு யோசித்து நிற்கும் அர்ஜூனனிடம் கிருஷ்ணன் சொல்கிறான்.’
‘எது நடந்ததோ அது நன்றாகவே நடந்தது எது நடக்கிறதோ அது நன்றாகவே நடக்கிறது’ என நாடகம் உச்சகட்டத்தில் அக்கால உடையோட நடந்துகிட்டிருந்தப்போ மேடையில ஒருத்தர் இக்கால உடையோட நடந்து வந்து கிருஷ்ணன் காதுல ரகசியம் பேசினாரு. இது என்னடா மகாபாரத்ததுல ஒரு திருப்பம்னு கூட்டமே உத்து பாத்துகிட்டு இருந்தப்போ, கிருஷ்ணர் மக்கள் கூட்டம் இரு…