என்னை துயருக்குள்ளாக்கிய என் அம்மா.!!!


கண்டதில்லை இதுபோல் எங்கும்..
என்ன ஒரு பாசமென
கர்வம் கொண்டிருந்தேனடா தோழா..!
உலகில் யாரும் பெற்றிடாத
அன்பை அள்ளி படைத்திட்டாளே.!
பாசம் கலந்த உணவை
உள்ளே எனக்கு புகுத்திட்டாளே.!
எனக்கு கிடைத்தார் போல
பாசமிகு தாய் கிடைத்திடுவாளோ என்றிருந்தேன்..
ஆனால்,
கனவுகள் அனைத்தும் கரைபுரள
இன்பம் அனைத்தும் இகழ்ச்சிபெற
அன்று என்ன ஆனது அவளுக்கு..??

கர்வம் கொண்ட என்னை கலகம் செய்திட்டாளே.!
அன்பை பொழிந்த அவள்
அன்று என்னை அரவணைக்க தவறியதேன்.?
பாசம் கொண்டவளாய் இதுவரை
என்னிடம் பாசாங்கு செய்திட்டாளோ.??
காட்டிய பாசமனைத்தும்
காட்சிக்காக மட்டும் தானா.??
குழப்பம் அடைந்தேனடா தோழா.!!

என்ன செய்துவிட்டாள் என்கிறாயா.??
சொல்கிறேன் அக்கொடுமையை..

என்றும் போல் அன்றும்
அனைத்து பாசமாய் என்னை எழுப்பிட்டாளடா..
பல்லை சுத்திகரித்து உணவுக்காக உட்காரும் நான்
என்றும் இல்லாதவாறு
முன்னரே குளிக்க அனுப்பபட்டேன்..
அந்நிலையே,
என் மனதில் சஞ்சலம் உருவானதடா..
புதியதோர் விந்தையாக உள்ளதென
குழப்பத்தோடு குளித்துவந்த எனக்கு
பாசமாய் அவள் ஊட்டிய உணவில்
குழப்பம் மறந்துட்டேன்
குதூகலம் கொண்டிட்டேன்..
ஆனால் அதன் பிறகே
அவளின் விஸ்வரூபம் கண்டிட்டேன்..
உணவு உண்ட மயக்கத்தில்
செரித்த ஏப்பம் வருமுன்னே
மூட்டையை முதுகில் சுமக்க செய்தாள்
வீட்டை விட்டு வெளியேற்றினாள்..
கத்தினேன்.. கதறினேனடா தோழா.!
அவள் மனமொரு இரும்பா.??
கரைந்திட மருத்திட்டாளடா..
அவளுக்கு கூட்டாளியானர் என்
நயவஞ்சக குடும்பத்தினர்..
விழுந்து புரண்டு எழுந்து கதறிட்டேன்..
செவி கொடுத்து கேக்கா
கொடிய மனிதர் என்னை சுற்றி..
கொடுமைகள் உச்சம் அன்றுதானோ.??
மூட்டையை சுமந்த நான்
நால் புறமும் மறிக்கப்பட்ட
ஒரு கட்டிடத்தினுள்ள் அனுப்பபட்டேன்..
அங்கே,
இன்னும் கொடுமையடா தோழா..!!
என் தாய் என்னை..
ஐயோ.!
கொடுமையின் உச்சியில் தள்ளிவிட்டாள்..
மனதில் கொண்ட பாசமெல்லாம்
மங்கிவிட்டது தோழா.!!
மனதில் ஒருவித கோபத்துடனே சொல்லிவருகிறேன்..
'' அ-அம்மா
 ஆ-ஆடு
 இ-இலை....''



 டிஸ்கி : இப்புத்தாண்டின் என் முதல் பதிவு.. மறக்காமல் அனைவரையும் வாக்கு பட்டையை தட்டவும், கருத்துகளை பதிவிடவும் வேண்டுகிறேன்.. அன்பர்கள் அனைவருக்கும் புதிய ஆண்டு சிறந்து விளங்கும்.. மகிழ்ச்சி கொள்ளுங்கள்(எப்படி எல்லாம் பேச வேண்டியிருக்கு.!!)


Comments

  1. ஒரு எஸ் எம் எஸ் ஜோக் இதே கருத்தில் எனக்கு வந்தது கூர்மதி...ஆனால் செமையா இதை ஒரு கவிதையா வடிசிட்டிங்க...பயங்கர சீரியஸ் ஆ படிச்சிட்டு வந்தேன்...கடைசி வரிகளை பார்த்து சிரிச்சுட்டேன்...

    ReplyDelete
  2. //இப்புத்தாண்டின் என் முதல் பதிவு.. மறக்காமல் அனைவரையும் வாக்கு பட்டையை தட்டவும், கருத்துகளை பதிவிடவும் வேண்டுகிறேன்.. அன்பர்கள் அனைவருக்கும் புதிய ஆண்டு சிறந்து விளங்கும்.. மகிழ்ச்சி கொள்ளுங்கள்(எப்படி எல்லாம் பேச வேண்டியிருக்கு.!!)//

    சரியான டீல் தான்...:))))

    ReplyDelete
  3. @ஆனந்தி..(மதுரை) :

    //ஒரு எஸ் எம் எஸ் ஜோக் இதே கருத்தில் எனக்கு வந்தது கூர்மதி...//

    அதெப்படி என் யோசனை எனக்கு வருவதற்கு முன்பே திருடிடுறாங்கன்னு தெரியல...(சமாளிபிகேஷன்...!)

    //ஆனால் செமையா இதை ஒரு கவிதையா வடிசிட்டிங்க...//

    உங்களபோல முடியுமா..??(டவுட்டு.!!)

    //பயங்கர சீரியஸ் ஆ படிச்சிட்டு வந்தேன்...கடைசி வரிகளை பார்த்து சிரிச்சுட்டேன்...//

    ஒரு குழந்தையின் கதறல் உங்களுக்கு சிரிப்பா இருக்கு.???(கோபம்.!!)

    ReplyDelete
  4. ////ஆனால் செமையா இதை ஒரு கவிதையா வடிசிட்டிங்க...//

    உங்களபோல முடியுமா..??(டவுட்டு.!!)//

    எனி உள்குத்து?!!...ஹ ஹ# (செம டவுட்டு..) :)))

    ReplyDelete
  5. @ஆனந்தி..(மதுரை):

    //எனி உள்குத்து?!!...ஹ ஹ# (செம டவுட்டு..) :)))//

    அதெல்லாம் இல்லீங்க.!! என்ன போய் தப்பா நினச்சிட்டீங்களே..!!(பீலிங்.!!)

    ReplyDelete
  6. நல்லாருக்கு கவிஞரே கலக்குங்க

    ReplyDelete
  7. //அதெல்லாம் இல்லீங்க.!! என்ன போய் தப்பா நினச்சிட்டீங்களே..!!(பீலிங்.!!) //

    cool :)))))))))))))

    ReplyDelete
  8. @dineshkumar:
    வாங்க சேந்து கலக்குவோம்..!!

    ReplyDelete
  9. @T.V.ராதாகிருஷ்ணன்:
    வருகைக்கும் கருத்துக்கும் மிக்க நன்றி தோழரே.!!

    ReplyDelete
  10. புதுப்பொலிவுடன் மீண்டு(ம்) வந்திருக்கிறேன்... நம்ம கடைப்பக்கம் வந்து பார்த்து கருத்து கூறவும்...

    http://www.philosophyprabhakaran.blogspot.com/

    ReplyDelete
  11. @Philosophy Prabhakaran:
    வரன் வரன் வரன்... கண்டிப்பா வரன்..

    ReplyDelete
  12. எனக்காக எழுதப்பட்டதோ ?? இந்த திங்கள் தான் என் செல்லத்தை ப்ளே ஸ்கூல் சேர்த்தேன்

    ReplyDelete
  13. @எல் கே:
    ஆஹா..!! அண்ணா கொடுமைகாரர் லிஸ்ட்ல சேந்துட்டீங்களா.??? பரவால

    ReplyDelete
  14. துணீ மூட்டைய கொடுத்து தொரத்தி விட்டுட்டாங்களோன்னு கவலையோட படிச்சா...........

    நல்லா இருக்குங்க!!!

    ReplyDelete
  15. @ஆமினா: வாங்க வாங்க.. முதல் முறையா இந்த குடில எட்டி பாத்திருக்கீங்க.. நன்றி..


    //துணீ மூட்டைய கொடுத்து தொரத்தி விட்டுட்டாங்களோன்னு கவலையோட படிச்சா...........//

    எப்படியெல்லாம் யோசிக்கிறாங்கப்பா..!!!

    கருத்துக்கு ரொம்ப நன்றி..

    ReplyDelete
  16. நல்லா இருந்துச்சு

    ReplyDelete
  17. @பார்வையாளன்: பல்ல கடிச்சிட்டு சொல்றாப்புல இருக்கு.. இருந்தாலும் நீங்க வந்து மறக்காம கருத்து சொன்னதுக்கு ரொம்ப நன்றி...

    ReplyDelete
  18. பள்ளிக்கூடங்கள் குழந்தைகளை இந்த அளவுக்கா பயப்பட வைத்திருக்கு?

    ReplyDelete
  19. @Lakshmi:முதலில் உங்களை எம்மிடத்திற்கு வரவேற்கிறேன்.. எனக்கு என் மாமா பையன ஸ்கூலுக்கு கூட்டிட்டு போற பழக்கம் இருக்கு.. பையன் இப்பதான் யு.கே.ஜி., படிக்கிறாப்புல..காலையில முகத்துல புண்சிரிப்போட போற அவர் நான் சாயங்காலம் கூட்டி வரும்போது தினக்கூலி உழைப்பாளிகளை விட படுமோசமா சோர்வா வருவாரு.. இதுல எல்.கே.ஜி.,யிலிருந்தே பசங்களுக்கு கோச்சிங் க்ளாஸ்.. இதெல்லாம் குழந்தைகள நல்ல வழிக்கு தான் கூட்டிட்டு போகுதா.. இல்லை.. இதுதான் நான் இப்படியொரு பதிவு போட்டதுக்கு காரணமான்னு கேட்டீங்கன்னா இல்லைனு தான் சொல்லுவன்.. அதுக்கு வேற காரணம் இருக்கு.. தங்கள் கருத்துக்கு நன்றி..

    ReplyDelete
  20. இரண்டு நாட்களாக புத்தக சந்தைக்கு சென்று வந்த களைப்பில் இருந்ததால் நெட்பக்கம் வர முடியவில்லை...

    நூறாவது இடுகை எழுதியிருக்கிறேன்... படித்துவிட்டு கருத்து தெரிவிக்க வேண்டுகிறேன்...
    http://philosophyprabhakaran.blogspot.com/2011/01/100.html

    ReplyDelete
  21. http://thiruttusavi.blogspot.com/2011/01/blog-post_12.html


    ennai paathithathu ungalidam pagirgiren;

    ReplyDelete
  22. @பிரபா: வந்தேன்.. பார்த்தேன்..

    ReplyDelete
  23. @வினு: பார்த்தேன்.. வருந்தினேன்.. விகடனில் இதை பிரதிபலிக்க வாய்ப்பிருக்கா என்பதை என் தலைமை ஆசிரியரிடம் கேட்கலாம் என்றிருக்கேன்...

    ReplyDelete
  24. சீரியஸா ஆரம்பிச்சு , காமெடியா முடிச்சிருக்கீங்க..

    ReplyDelete
  25. @விஜய்: முதல்ல உங்களை வரவேற்கிறேன்.. அப்பரம் என்ன நீங்க கலாய்கிறீங்களா.??? ஃபுல்லாவே சீரியஸா தான் எழுதுனன் பாஸ்.. என்ன கொடுமை சார் அது.. இந்த கொடுமைய நீங்களும் அனுபவிச்சிருப்பீங்களே.!! அந்த கருப்பு நாள்.. இன்றும் என் கண்களில் கண்ணீர்.. என்ன படிக்கசொல்லிட்டாங்களே.!!!

    ReplyDelete

Post a Comment

Popular posts from this blog

சிட்லபாக்கத்தில் தொடரும் வாழ்வியல் போராட்டம்!

மெரினாவில் ஓர் இரவு! போராட்டக்களம்..

ஏழு நாட்கள்...