அவர் அவனானது எப்படி???

காணும் நாள் அனைத்தும்
காட்சிபிம்பம் பலகோடி..
பிம்பத்தின் ஒளிநிழலை
மறவாது கொண்டிருக்க
அதில்,
மயக்கம் கொண்டிருக்க வேண்டும்..

இயற்கை பிம்பமும்
இனிய குழந்தை பிம்பமும்
மனதில் திளைட்டித்தடா.!!
மாற்றான் பிம்பம் விரும்பா நான்
இன்று,
அந்த மாமனிதரின் பிம்பத்தை
மனதில் புகுத்தியுள்ளேன்..

உன்னத கருத்து பலகொண்டு
என்னை உயர்வு படுத்தும் உன்னதமானவர்
கண்ணில் கொண்ட கனவை
கண்முன்னே காட்டும் வழிகாட்டி
என எண்ணியவெல்லாம் உயர்வாக
அவரை மெய்மறந்து கவனித்தேன்..
அவரின்,
கருத்தை உணர்ந்த நான்
வாழ்க்கையை உணரவில்லை..

அத்தருணத்திலே,
அவர் செய்த அச்செய்கை
என் எண்ணங்கள் முழுதையும்
பொய்களின் கூடாரமாக்கியதே.!!!

பிடிமானமான தூணில்
நான் பிடியிழந்து வீழ்ந்தேனே.!!!
மறித்து நிற்கும் சுவரில்
மண்டையை முட்டி முட்டி வலித்தேனே.!!
நானா இப்படி.???
மனம் என்னை நச்சரித்ததே.!!!

அன்று.....
நான் விரும்பும் மனிதர்
சுயவாழ்வில் எப்படியென
சிந்திக்கும் மூளைக்கு
சித்திரம் படைத்திட
அவர் பூட்டியவீட்டை நெருங்கிட்டேன்..

அண்டைவீட்டு சத்தம்
அந்த ரயில்வே 'சப் வே' திறப்புவிழாவுக்கு
என்னை வழிநடத்தி சென்றிட்டது..

நான் மதிக்கும் மனிதர்
திறப்பு விழாவின் கட்சி தலைவர் விரும்பியா.???
பத்திரிக்கை துறை ஞானியாக
நுணுக்கம் கவனிக்க வந்திருப்பாரோ.???
பதிவுலகின் எழுத்தராக
பதிப்பு எடுக்க வந்திருப்பாரோ.???
விந்தைகள் மனதில் எழ
ஆர்பரிக்கும் கூட்டதில் முட்டி மோதி தேடினேன்...
கூட்டத்தின் பிக்பாக்கெட்,
கூச்சல் கோஷ மனிதர்கள்
என கண்முன்னே ஆயிரம் விசயங்கள்...
ஆனால்,
அவரை மட்டும் காணவில்லை..


எங்கே தேடியும் கண்கள்
அவர் பாதையை கணக்கிடவில்லை..
அச்சமயத்தில்,
பலத்த கரகோஷம் எழும்ப
கூச்சல் காதடைக்க
அந்த 'சப் வே' திறக்கப்பட்டது..
கூட்டத்தோடு கூட்டமாக உள்தள்ளப்பட்டேன்..

வெளியில் பேண்ட்
மத்தளம், தாளம் என களம்கட்ட
உள்ளே எங்களை வரவேற்த்தது
நான் மதிக்கும் அவரின்
வாழ்த்து செய்திகளே.!!!
சற்று முன்னே திறக்கப்பட்ட
'சப் வே'யின் உள்ளே
அவர் உன்னதமாக வரவேற்றார்,
'அய்யா.. அம்மா.. பிச்சைபோடுங்களேன்..' என்று...
அவனது பிம்பம் இனியும் மறக்குமா.???

டிஸ்கி 1: இதுவரை நான் எழுதிய எல்லா பதிவுகளும் எழுத்துரு சரியாக அமையவில்லை.. எல்லா கணிணியினாலும் படிக்கமுடியவில்லை என எனது அலுவலக நண்பர் மூலம் தெரிந்தேன்.. நான் உபயோகிக்கும் எழுத்துரு பல கணிணியில் சப்போர்ட் செய்யாது என்றார்.. அதன் படி இம்முறை எழுத்துருவை மாற்றிவிட்டேன்.. என்னடா நம்ம பதிவுக்கு வரவேற்பே இல்லையேன்னு பாத்தா இதுதான் காரணமா.???

டிஸ்கி 2: படத்தின் அர்த்தம் சொல்லி புரியவேண்டாம்.. இருந்த்தாலும் சொல்கிறேன்.. "மூஞ்சில கரிய பூசிட்டான்"