பள்ளி பருவத்திலே இன்ஜீனியராக்க.!!


“வெளிநாட்டில் படிக்கும் சிறுவர்கள் எல்லாம் தாங்கள் படிக்கும் போதே அனுபவ கல்வி மூலம் சிறிய சிறிய ப்ராஜெக்ட்ஸ் பண்ணி ஒரு சிறந்த வல்லுநர்களாக ஆகின்றனர். ஆனால் நம் இந்தியாவில் உள்ள சிறுவர்கள் இன்னும் ஏட்டில் படித்து ஏப்பம் விட்டுகொண்டிருக்கின்றனர்” என்று வருத்தப்படும் பலருக்கும் SAEIndia ஒரு அடித்தளம் அமைத்திருக்கிறது என்றே சொல்லவேண்டும்.


ஏட்டு கல்வியிலிருந்து மாணவர்களை அனுபவ கல்விக்கு வழிநடத்த SAEIndiaவின் புதிய பரிணாமம் இது. மாணவர்களுக்கு வடிவமைப்பு திறன் மேம்படவேண்டும் என்னும் காரணத்திற்காக AWIM(A World In Motion) என்னும் திட்டத்தை இந்நிறுவனம் நடத்தி வருகிறது.


இத்திட்டத்தின் மூலம் சென்னை கோட்டூர்புரத்தில் இருக்கும் அவர்களது சதர்ன் செக்ஷ்னில் பல்வேறு பள்ளிகளிலிருந்து வரவழைக்கப்பட்ட ஆசிரியர்களுக்கு பொம்மை கார் வடிவமைப்பு மற்றும் செயல்படுத்தும் முறைபற்றி விளக்கப்படுகிறது.


இத்திட்டம் ஆறாம் வகுப்பு மாணவர்கள் முதல் பள்ளி இறுதியாண்டு மாணவர்கள் வரை பயனுறும்படி அமைக்கப்பட்டுள்ளது. ஒவ்வொரு வகுப்புக்காக வரிசையாக நடைமுறைபடுத்தபட்டு வரும் இத்திட்டம் கடந்த ஆண்டு ஆறாம் வகுப்பு மாணவர்களுக்காக ‘ஜெட் டாய்’ என்னும் பொம்மை காரை வடிவமைக்க செய்தனர். இப்போது ஏழாம் வகுப்பு மாணவர்களுக்கான ‘பவர் டிரெயின் சாலன்ஜ்’ என்னும் கார் வடிவமைப்பை பற்றி சொல்லிதந்துவருகின்றனர்.


முதலில் இந்த நிறுவனத்திலிருந்து பள்ளிகளுக்கு அழைப்பு விடுக்கிறது. பின்னர் ஒவ்வொரு பள்ளியிலிருந்து இரண்டு அறிவியல் அனுபவம் கொண்ட ஆசிரியர்கள் வரவழைக்கப்படுகின்றனர். அவ்வாறு வருபவர்களுக்கு அசோக் லேலேண்ட் நிறுவனத்திலிருந்து வரும் பொறியியளார்கள் மூலம் பயிற்சி அளிக்கப்படுகிறது.


பயிற்சியில் அதை எப்படி வடிவமைப்பது, அதை செயல்படுத்துவது எப்படி, அதில் வரும் பிரச்சனைகளுக்கு தீர்வு காண்பது எப்படி போன்ற பல விசயங்களுக்கு பயிற்சி அளிக்கப்பட்டு அவர்களை செயல்முறையிலும் ஈடுபடுத்துகிறது.


அவ்வாறு பயிற்சி பெற்ற ஆசிரியர்கள் தத்தம் பள்ளிகளில் இருக்கும் மாணவர்களுக்கு இந்த பயிற்சியை அளிப்பர். அப்படி செய்யும் பயிற்சிக்கும், வடிவமைப்புக்கும் தேவையான அனைத்து உபகரணங்களும் இந்நிறுவனமே அளிக்கிறது. மேலும் மாணவர்களே தனியாக தங்கள் பள்ளிகளில் இதை வடிவமைக்கும்போது அசோக் லேலேண்டின் பொறியியளாளர்கள் சம்பந்தபட்ட பள்ளிகளுக்கு சென்று மாணவர்களுக்கு ஆசிரியர்களால் களையமுடியாத சந்தேகங்களை விளக்குவர்.


இந்த திட்டத்தீன் கீழ் செயல்படும் மாணவர்கள் ஒரு மூன்று பேர் கொண்ட குழுவாக செயல்படும்போது அவர்களுக்கு production engineer, facilities engineer, testing engineer என்பன போன்று பேட்ஜ்கள் வழங்கப்படுகிறது. இதன் மூலம் மாணவர்கள் பெருமிதம் கொண்டு வேலையில் அதிக ஈடுபாடுடன் செயல்படமுடியும்.


அவ்வாறு வடிவமைக்கப்பட்ட கார்களை பார்வையிட நிறுவனத்திலிருந்து சிறப்பு விருந்தினர் வருவார். அப்படி வருகையில் மாணவர்கள் எப்படி அவர்களது வடிவமைப்பை விளக்கவேண்டும் என்பதற்கும் பயிற்சி அளிக்கப்படுகிறது. அதில் பள்ளியளவில் சிறந்ததை தேர்ந்தெடுத்து, அதை சதர்ன் சோனின் மொத்தம் தேர்ந்தெடுக்கப்பட்ட வடிவமைப்பாளர்களுடன் போட்டியிட செய்து அதில் தேர்ந்தெடுக்கப்பட்டதை இந்தியா முழுவதிலிருந்து வரும் வடிவமைப்போடு ஒப்புமைபடுத்தி அனைத்திலும் சிறந்ததாக வருவதற்கு பரிசுகள் வழங்கப்படுகிறது.



சென்ற ஆண்டு ஆறாம் வகுப்பிற்காக செய்த ‘ஜெட் டாய்’ என்னும் சிறிய பொம்மை கார் பலூன் மூலம் இயங்க்கூடியதாக இருக்கும். அதாவது பலூனிலிருந்து இவ்வளது காத்து பிரிந்தால் வாகனம் இவ்வளவு தூரம் செல்லும் என்பன போன்ற கோட்பாடுகளுக்கு இயங்க மாணவர்கள்  வடிவமைக்கவேண்டும். இதில் நூற்றுக்கும் மேற்பட்ட பள்ளிகளில் இருந்து மாணவர்கள் கலந்துகொண்டு வெற்றிகரமாக முடித்ததன் பேரில் இப்போது ஏழாம் வகுப்பிற்கான ‘பவர் ட்ரெயின் சாலன்ஜ்’ என்னும் மோட்டார் மூலம் இயங்கும் கார்களை வடிவமைக்கும் பயிற்சி நடைபெற்றுவருகிறது.


இந்த பயிற்சியின் போது கார்களை வடிவமைத்து அதை ஏற்றத்தில் எந்த அளவுக்கு ஏறுகிறது என்று சோதனை செயதனர். முதல் கட்டமாக தரையில் பின்னர் 15டிகிரியில் பின்னர் 30 டிகிரியில் கார் எவ்வாறு ஏறுகிறது என்பதை கவனிக்கின்றனர். அதுக்காக அது எடுத்துகொள்ளும் நேரமும் கணக்கிடபடுகிறது. சமீபத்தில் நடந்த பயிறசியை கவனித்தபோது எல்லா ஆசிரியர்களும் ஆர்வமாக வடிவமைப்பில் ஈடுபட்டுகொண்டிருக்க பின்னர் சோதனை செய்தனர். அப்படி செய்கையில் சில வண்டிகள் சீறி பாய சில முக் முக்கென்று முக்கியது. முக்கிய பொம்மைகளில் இருக்கும் பிரச்சனைகளை சரிசெய்து அது எதனால் என்பதையும் விளக்குகின்றனர். பின்னர் தாங்கள் செய்யும் ஒவ்வொன்றையும் குறிப்பெடுக்கவும் சொல்லிதரப்படுகிறது.


இதைபற்றி இத்திட்டத்தின் பயிற்றுவிப்பாளர் திரு.சண்முகம் கூறுகையில், “இத்திட்டத்தை நாங்கள் செய்வதற்கு காரணம் நாங்கள் மக்களால் வளர்ந்தோம் அந்த மக்களுக்கு நாங்கள் பதிலுக்கு ஏதேனும் செய்யவேண்டும் என்பதற்காகவே.. பயிற்சியில் ஈடுபடும் மாணவர் மற்றும் ஆசிரியர்களுக்கு அவர்களுக்கு வடிவமைப்பதற்கான உபகரணங்கள் அனைத்தையும் நாங்களே தருகிறோம். அந்த உபகரணம் ஒன்றின் விலை ரூ.900 ஆகும். போன வருடம் தொடங்கிய ஆறாம் வகுப்பிற்கான வடிவமைப்பு பயிற்சி சிறப்பாக நடந்ததை அடுத்து இப்போதேழாம் வகுப்பிற்கானதை தொடங்கியுள்ளோம்.. வரும் நாட்களில் மேல்வகுப்பு மாணவர்களுக்கான வடிவமைப்பு பயிற்சியை தொடங்குவோம். எங்கள் எண்ணமே மாணவர்களிடத்து அறிவியல், பொறியியல், கணிதம், தொழில்நுட்பம் ஆகியவை பெருக வேண்டும் என்பதே ஆகும். எங்கள் பயிற்சி மையம் சென்னையில் இருப்பதால் இன்னும் தெற்கில் இருக்கும் ஊர்களை சேர்ந்த பள்ளி ஆசரியர்களுக்கு நாங்களே நேரில் சென்று பயிற்சி அளிப்போம்.”

பயிற்சிகள் சிறக்கவும், மாணவர்கள் பயனுறவும் வாழ்த்துக்கள்...

Comments

  1. நல்ல செய்தி தம்பி. இதை பலருக்கும் கொண்டு சேர்க்க வேண்டும்.

    ReplyDelete
  2. u had several girl friends. then y not seemed single vote in tamil manam. ? hi hi

    ReplyDelete
  3. மக்கா நல்ல பதிவு .... நமக்கு கிடைக்காத வாய்ப்புகள் இன்றைய மாணவச்செல்வங்களுக்கு கிடைத்துள்ளது நல்ல முறையில் ஆதரவு கொடுங்க இதிலும் அரசியலை கொண்டு திணிக்காதீர்கள் நண்பர்களே.... வல்லமை பெற்றோன் ஆள வழி விடுங்கள்....

    ReplyDelete
  4. @எல் கே:கண்டிப்பாக.!! கருத்துக்கு நன்றி.!!!

    ReplyDelete
  5. @சி பி: //1st cut//

    ஹி ஹி.. நோ 1ஸ்ட்..

    //u had several girl friends. then y not seemed single vote in tamil manam. ? hi hi//

    நக்கலு.? ஆமாம் எனக்கு கேர்ள் ஃப்ரண்ட்ஸ் அதிகம்னு எந்த விஞ்ஞானி கண்டுபுடிச்சி சொன்னது.? உண்மையா தமிழ்மணத்தில எனக்கு அதிக ஓட்டுகள் வராதது ஏன்னு தெரியல.. இன்ட்லியில மட்டும் தான் இதுவரைக்கும் அதிக ஓட்டு வாங்கியிருக்கன்..

    ReplyDelete
  6. @தினேஷ்: கண்டிப்பாக.. இது ஃபேமஸ் ஆனா அரசியல் கண்டிப்பா வரும்..!!! முடிஞ்ச அளவுக்கு நாம தான் பாதுகாக்கணும்.!!

    ReplyDelete
  7. நம் கல்வித் திட்டத்தில் உள்ள மிகப் பெரிய ஓட்டை உள்ளது. [அதிகம்] படிக்காதவர்கள் வாழ்க்கையை நம்பிக்கையோடு எதிர்கொள்வார்கள். எதையாவது செய்து பிழைத்துக் கொள்ளாலாம் என்று தைரியமாக இருப்பார்கள். ஆனால், ரொம்ப படித்த மாணவன் முதலில் இழப்பது தன்னம்பிக்கையைத் தான். சொந்தக் காலில் நிற்கும் தைரியம் இருக்காது. எங்கேயாவது மாதச் சம்பளத்தில்தான் காலத்தை தள்ளிக் கொண்டிருப்பான். சரியான வேலை கிடைக்காவிடில் அவன் நிலை தெரு நாய் தான். இந்த மாதிரி தன்னம்பிக்கை, சுய சிந்தனை எல்லாவற்றையும் மொக்கையாக்கி செய்து மாணவனை கடிவாளம் போட்ட குதிரை மாதியாக்குவதுதான் நமது கல்வித் திட்டத்தின் நெடுங்கால சாதனை. காரணம் மாணவனின் அறிவுத் திறனையோ, திறமையையோ சோதித்து இவர்கள் மதிப்பெண் போடுவதில்லை, நன்றாக மனப்பாடம் செய்யத் தெரிந்திருந்தால் போதும், நீங்கள் வகுப்பில் என்ன, மாவட்டத்திலோ மாநிலத்திலோ கூட முதலாக வந்துவிடலாம். இதன் காரணமாகத்தான், அண்ணா பல்கலைக் கழக நுழைவுத் தேர்வு, JEE, Midical Entrance தேர்வுகளில், +2 வில் பள்ளியில் ஆக ஓஹோ என மார்க் வாங்கிய பலர் காணாமல் போவதும், சில சமயம் குறைந்த மதிப்பெண் பெற்றவர்களும் கூட தேர்ச்சி பெறுவதும் நடக்கின்றன.

    ReplyDelete
  8. http://lksthoughts.blogspot.com/2011/02/blog-post_28.html


    உங்களைத் தொடர்பதிவுக்கு அழைத்துள்ளேன்

    ReplyDelete
  9. தாங்கள் எழுதும் பதிவுகள் இன்னும் பலரை சென்றடைய வேண்டும். விரைவில் நடக்கும் என நம்புகிறேன். பகிர்வுக்கு நன்றி!

    ReplyDelete
  10. @ஜெயதேவ்:பாஸ்.!! நீங்க சொல்றதெல்லாம் சரிதான் ஒத்துபோகிறேன்.!!

    ReplyDelete
  11. @எல் கே: தொடர்பதிவு எழுதிவிட்டேன்.!! அழைப்புக்கு நன்றி.!!

    ReplyDelete
  12. @சிவகுமார்: கண்டிப்பாக நானும் அதே நம்பிக்கையில் இருக்கிறேன்.!! நன்றி.!!

    ReplyDelete
  13. மிகவும் மகிழ்ச்சி தரும் ஒரு தகவல்! இதே போல், எழுத்தார்வம், நுண்கலைத் திறன் எல்லாம் வளர நிருபர்கள் அமைப்பு ஏன் முயற்சி செய்யக் கூடாது? சுயமாகச் சிந்திக்கும் ஆற்றலை நம் குழந்தைகளிடம் உருவாக்கி, ஊக்குவித்தால் ஒவ்வொருவரும் நிச்சயம் ஜொலிப்பார்கள்! நம் கல்வி முறையில் அடிப்படை மாற்றங்கள் செய்ய வேண்டியது அவசியம் மட்டுமல்ல, அவசரமும் கூட!

    ReplyDelete
  14. @மதி: கண்டிப்பாக அங்கங்கு ஓரிருவர் முயற்சித்து வருகின்றனர்.. கூடிய விரைவில் அது அதிகமாகும்.!! நன்றி.!!

    ReplyDelete
  15. உலகத்தரத்திற்கு இந்தியாவை அழைத்துச் செல்லும் முதல் படி.
    வளர்ந்த நிறுவனங்கள் பள்ளி மாணவர்களின் நுண்திறனை வள்ர்த்து தானும் பயன் பெற அருமையான சிந்தனை.வாழ்த்துக்கள்.

    ReplyDelete
  16. @இராஜி:கண்டிப்பாக.. வாழ்த்துகளுக்கு நன்றி.!!

    ReplyDelete

Post a Comment

Popular posts from this blog

சிட்லபாக்கத்தில் தொடரும் வாழ்வியல் போராட்டம்!

மெரினாவில் ஓர் இரவு! போராட்டக்களம்..

ஏழு நாட்கள்...