Skip to main content

வீறுகொள் விரலே.!!!


ஏ விரலே..!!!
எஜமானர் கட்டளைக்கு
எள்ளளவும் குறையின்றி
அவர் எண்ணத்தை ஈடேற்றும் நீ
சொன்னதை செய்யும் ஜீவனிடத்தில்
முதலிடம் கொண்டுள்ளாய்..

இழுத்த இழுப்பிற்கு இணங்கி
இன்னல் கொடுத்தாலும் தாங்கி
மொட்டை தலையிலே மிருகமாய்
நகம் என்னும் பாதுகாவலன் வைத்துள்ளாய்..

உன்னை இருக பிடித்து
சண்டைக்கு இழுக்கும் நபரை
வெகுண்டு புரண்டும் 'நக'த்தாரை
எனை தாக்கிடாது காத்துவிடு..

உன்னை நீயே அழகாக்க
ரேகை பரிமாற்றம் கொண்டுள்ளாய்.!
சாட்சி சொல்லும் எஜமானுக்கு
சான்றாக உன் நகல் பதித்தாயே.!!

என்றும் ஒன்றாய் இருக்கும்
உங்கள் நட்பு எம்மை வியக்கிறது..
உள்ளங்கை அம்மாவால்
உணர்ச்சிகளில் ரத்தம் பாய்ச்ச
உன்னதமாய் உருவெடுத்த நீங்கள்
உணர்ச்சி மறந்தீரா.???

கல்லுக்குள்ளும் ஈரமுண்டென்பர்
ஆனால் உன்னுக்குள் அவ் அறிகுறியே அற்றுள்ளதே.!!
ஒன்றாய் திரிந்தவன் எதிரியானாலும்
அவன் பிரிவால் மாற்றான் துயர்கொள்வானே..
உயிருக்குயிராய் இருந்தாலும்
ஒருவர் பிரிவை சாதாரணமாக ஏற்றுகொள்ளும்
உங்கள் கொள்கை என்னை வியக்கிறதே.!!!

ரணம் கொண்டாலும் வருத்தம் அல்ல
சிரம் தாழ்ந்தாலும் மகிழ்ச்சி இல்லை..
நாய்களும் கூட அழுகுமே
காக்கைகள் கூட ஒன்றிணையுமே
அவர்களை விட தாழ்ந்தவனா நீ.???
உன் நணபன் பிரிவால்
எஜமானர் அழுதாலும்
கல் போல இருக்க காரணம் என்ன.???

பொறுமையின் சிகரமாய் விரல் தொடங்கியது...

எனக்கு உயிர் கொடுத்த எஜமான்
உரிமை அளிக்க மறந்திட்டார்..
அழவில்லை எஜமானார்
நடித்துகாட்டுகிறார் பெரிய நடிகனாக..
வருத்தம், மகிழ்ச்சி இருந்தாலும்
வெளிகொணர மாட்டோம்..
என் நண்பன் பிரிந்த இடத்தை
நான் தொட்டு பார்த்து செல்லும் நொடி
உள்ளுக்குள் ஆயிரம் வருத்தம்
உமக்கென்ன அது தெரியும்..???

பரிதாபசிரிப்புடனே தொடர்ந்தேன் நான்...

விரலே.!!
உந்தன் உரிமை மறந்தாயோ .???
அவன் வசதிக்காக
உனை உபயோகிக்கும் எஜமானை
எதிர்த்து உரிமை கேட்டால் என்ன.???
உன் நட்பை பிரித்த மாற்றானை
எதிர்த்து கேட்க சொல் எஜமானை..
மீதம் நண்பரை காத்துகொள்
வீறுகொண்டு எழுந்துவா
உனது வாழ்க்கையும் உன்னிடத்தில்
உன் நண்பர் வாழ்க்கையும் உன்னிடத்தில்
ஒன்று கூடி போராடு
எஜமானரை புரட்டி போடு...!!!
அறியாமை விரலே
அநியாயத்திலிருந்து விழித்தெழு..!!!

Comments

  1. கலக்கல் தல....நம்ம கவிதையையும் கொஞ்சம் எட்டுப்பார்த்துட்டு கருத்த சொல்லுங்க....உங்களுக்காக வெயிட்டிங்....

    ReplyDelete
  2. உனது வாழ்க்கையும் உன்னிடத்தில்
    உன் நண்பர் வாழ்க்கையும் உன்னிடத்தில்
    ஒன்று கூடி போராடு
    எஜமானரை புரட்டி போடு...!!!
    அறியாமை விரலே
    அநியாயத்திலிருந்து விழித்தெழு..!!!


    .... Super!

    ReplyDelete
  3. @கருண்: தேங்க்ஸ் பாஸ்.. பாத்தன்.. கருத்தும் சொல்லிட்டன்..

    ReplyDelete
  4. விரலே.!!
    உந்தன் உரிமை மறந்தாயோ .???
    அவன் வசதிக்காக
    உனை உபயோகிக்கும் எஜமானை
    எதிர்த்து உரிமை கேட்டால் என்ன.??:

    அருமை அருமை ...

    ரசித்து படித்தேன்

    ReplyDelete
  5. @பார்வையாளன்: மிக்க நன்றி நண்பரே.!!!

    ReplyDelete
  6. // பொறுமையின் சிகரமாய் விரல் தொடங்கியது... //

    நான் கூட பொறுமையின் சிகரம்தான்... முழுக்கவிதையையும் படித்திருக்கிறேனே...

    ReplyDelete
  7. ஹாய் கூர்மதி...:))ம்ம்..:))) (நீங்க என் போஸ்ட் இல் போட்ட ம்ம் இல்லை..இது புதுசு...ஹ ஹ..)

    செம creativity உங்களுக்கு.. விரலை பத்திய அழகான கவிதை...அதை நீங்க கேள்வி கேட்பது போலே...அது பதில் சொல்வது போலே னு...அசத்தல்...ரொம்ப பிடிச்சது...அப்புறம் தலைப்பில் மட்டும் அந்த வீரு ங்கிறதை வீறு ன்னு மாத்திடுங்க...:)))

    ReplyDelete
  8. @பிரபா:
    எவ்வளவு பெரிய விசயம் பண்ணிட்டீங்க..!!!
    சின்னதா எழுத முடியல பிரபா..
    தோணும்போது சின்னதா இருக்கிறது எழுதும் போது பெருசாயிடுது.. சோ பேட்..

    ReplyDelete
  9. @ஆனந்தி: உங்க //ம்ம்// அர்த்தம் புரியுது..

    //ரொம்ப பிடிச்சது...//

    தேங்க்ஸ்..

    //வீறு ன்னு மாத்திடுங்க...:))//

    எனக்கு முதல்லயே டவுட்டு இருந்துச்சு.. பக்கத்துல ஒரு ஃப்ரண்ட் கிட்ட கேட்டப்ப கண்டிப்பா 'வீரு'ன்னு தான் ஒரும்னு சொன்னார்.. அவர நான் அப்பரம் டீல் பண்ணிகிடுறன்..

    ReplyDelete
  10. அனைவருக்கும் ஒன்று சொல்லுகிறேன்..
    இதில் ஒரு உள்கருத்து ஒளிந்துள்ளது..
    தற்போதைய சூழ்நிலையை ஒப்புமைபடுத்தி பார்த்தால் அது புரியும்..
    புரியவில்லை என்றால் எனது அடுத்த பதிவில் சொல்கிறேன்..

    ReplyDelete
  11. அநியாயத்திலிருந்து விழித்தெழு..!!!//
    உள் கருத்தை வெளியிடுங்கள்.

    ReplyDelete
  12. @இராஜராஜேஷ்வரி: ஆமாங்க மறந்தே போய்ட்டன்.. இந்த கவிதையில, விரல தமிழர்கள்னும், பிரிந்த விரல தமிழக மீனவர்கள் என்றும், எசமானரை அரசியல்வாதியென்றும், பிரித்தோரை இலங்கையர் என்றும் ஒப்புமைபடுத்தி படிச்சு பாருங்களேன்..

    அப்பரம் ஞாபக படுத்தியதுக்கு தேங்க்ஸ்...

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

மாலை 6.30 மணி.
இரண்டு கிலோமீட்டர் முன்னிருந்தே பேரணியாக பலர் சென்றுக்கொண்டிருநனர். அங்கங்கே தன்னார்வாலர்கள் நின்று அறிவிப்புகள் செய்துக்கொண்டிருந்தனர். சட்டையில் ஜல்லிக்கட்டுக்கு ஆதரவான வாசக மற்றும் படம் பதிப்பை இலவசமாக நண்பர்கள் செய்துக்கொண்டிருந்தார்கள். வண்டியை நிறுத்திவிட்டு நாங்களும் இணைந்துக்கொண்டோம் நடைபயணத்தில்.
கோஷங்கள் எழுப்பபட்டன. ஆளும் வர்கத்தை எதிர்த்தும், சர்வதேச அரசியலை கேலியாக விமர்சித்தும் கோஷங்கள் போடபட்டன. அப்பொழுதே கிளப்பிவிட்டன நம் ரோமங்களை. அங்கங்கே சில தகாத வார்த்தைகள் இருந்தாலும், அவை தோழர்களின் கோபத்தை வெளிப்படுத்தும் ஒரு முறை என்று உணர்ந்து நடந்தோம். கோபத்தை நாகரீகமாக சொல்லும் தமிழ் இனம் என்பதை தோழர்கள் நினைவுபடுத்திக்கொள்ள வேண்டும்.
எங்கும் நுழைய முடியவில்லை. குடும்பமாக, நண்பர்களாக, தன்னார்வலராக என எங்கினும் கூட்டம் அலைமோதிக்கொண்டிருந்தது. மத்திம பகுதி விவேகானந்தர் இல்லம் தான் எனினும் கலங்கரை விளக்கத்திலிருந்தே அலைகடலென மக்கள் மட்டும் தான் தெரிந்தார்கள்.
நாங்கள் முன்னேறினோம். அங்கங்கே தோழர்கள் பதாதைகளை பகிர்ந்துக்கொண்டார்கள். கோஷ முழக்கமிடையே நாங்கள் முன்னேறி …

ஏழு நாட்கள்...

என் பெயர் ரகு. அடிக்கடி இரவு வரும்பொழுது ஒரு இனிப்பு என்று வாங்கிக்கொண்டு சந்தோசமாக வீடும் ஏறும் அளவுக்கு எனக்கு குடும்பமும் இல்லை. அந்த அளவுக்கு மகிழ்வும் வந்ததில்லை. அதே சமயம், வாழ்க்கை இப்படி ஆகிவிட்டதே என வருந்தும் அளவுக்கும் ஒரு கவலை வந்ததில்லை. வாழ்க்கை என்னும் போக்கில் நாட்களை கடந்து செல்லும் நீங்கள் பார்க்கும் ஒரு சாதாரண மனிதன் தான் நான்.
அம்மா ஊரில். இங்கு தனியாக ரூம் எடுத்து தங்கியிருக்கிறேன். கம்ப்யூட்டர், செல்ஃபோன் போன்னற இக்கால வாழ்க்கை டெக்னாலஜி எதுவும் அண்டாத ஒரு பிரஜை. என்னிடம் இருக்கும் சொத்து என்று சொன்னால் ஒரு மூன்று செட் துணி, ஒரு ஜோடி ஷூ மற்றும் செருப்பு, ஒரு பர்ஸ் மற்றும் ஒரு கைகடிகாரம். இதில் எதில் பாதிப்பு வந்தாலும் உடனே மாற்று வாங்கிவிடுவேன். வேறு எதுவும் செலவு இல்லை. சமீபத்தில் தொலைந்த கடிகாரத்திற்கு பதிலாய் மற்றொன்று குடிக்கொண்டிருக்கிறது. அவ்வளவு தான்.
அன்று அலுவலகத்தில் இருந்தேன்.
‘ரகு… உன்ன சார் உள்ள கூப்பிடுறாரு..’ சக அலுவலர் வந்து சொன்னார்.
‘ரகு… நீங்க சேர்ந்து கொஞ்ச நாள் தான் ஆகுது. ஃபீல்ட் சமயம் இப்போ சரியில்ல. வேலைய விட்டு எல்லாரையும் தூக்கிட்டு இருக்காங…

ஒரு அப்பாவின் வாழ்க்கை

நான் கடைசியா இந்தியா வந்து ஒரு வருசம் கடந்துருச்சு. இப்போ நான் கிளம்பிட்டேன். என்னோட இந்தியாவுக்கு, என்னோட ஊருக்கு, என் சொந்த மண்ணுக்கு போறேன். அதைவிட சந்தோசம் நான் என் அப்பாவ பாக்க போறேன். நினைக்கிறப்பவே மனசு சில்லுனு இருக்கு. அப்பா…
என் அப்பா ஒரு கூத்து ரசிகர். ஊருல நடக்குற ஒரு நாடகம் கூத்து எதையும் விடமாட்டார். அன்னைக்கு ஊருக்குள்ள சங்கரன் குழுவோட நாடகம் நடந்துச்சு. மகாபாரத கதை. கிருஷ்ணன் அர்ஜூனனுக்கு உபதேசம் சொல்லிகிட்டு இருந்தாரு.
’கத்தும் நீதிகூட்டம் காட்டில் ஒரு குரங்காட்டம் ஒன்னு ஆடுது நாட்டில் மழியும் உலகம் ஆட்சி அதை அழிக்கத்தான் புறப்படும் தர்மத்தின் கோட்டை கத்தும் கதமறுக்கும் காட்டில்’
’ஆதாகபட்டது வில்லை ஏந்திக்கொண்டு யோசித்து நிற்கும் அர்ஜூனனிடம் கிருஷ்ணன் சொல்கிறான்.’
‘எது நடந்ததோ அது நன்றாகவே நடந்தது எது நடக்கிறதோ அது நன்றாகவே நடக்கிறது’ என நாடகம் உச்சகட்டத்தில் அக்கால உடையோட நடந்துகிட்டிருந்தப்போ மேடையில ஒருத்தர் இக்கால உடையோட நடந்து வந்து கிருஷ்ணன் காதுல ரகசியம் பேசினாரு. இது என்னடா மகாபாரத்ததுல ஒரு திருப்பம்னு கூட்டமே உத்து பாத்துகிட்டு இருந்தப்போ, கிருஷ்ணர் மக்கள் கூட்டம் இரு…