Skip to main content

விசில் அடிச்சா இவ்வளவு பெருமை கிடைக்குமா.???



கண்டிப்பாக ஏதாச்சும் சாதிக்கணும்கிற வெறி நம்ம எல்லார் மனசிலும் இருக்கும்.. ஆனா பலர் என்ன பணறதுன்னு தெரியாம இருப்பாங்க, சிலர் எனக்கு யாரும் உதவுலன்னு குறை சொல்லிட்டே இருப்பாங்க மீதி இருக்கும் சிலர் தான் தன் எண்ணத்த முடிப்பாங்க..



அப்படி ஒரு எண்ணத்தை கொண்டு சிறப்பாக செயல்பட்டு இன்று ‘லிம்கா புக் ஆஃப் ரெக்கார்ட்ஸ்’ல இடம்புடிச்சிருங்காங்க.. விசில் அடிச்சா கெட்ட பழக்கம், வீடு உருப்புடாம போயிடும்னு பல பேர் பலவிதமா சொன்னாலும் அந்த விசில் மூலமாகவும் பெரிசா சாதிக்கலாம்கிறத சென்னை எஸ்.எஸ்.எஸ்., ஜெயின் கல்லூரியில் B.Sc., Viscom படிக்கும் சுவேதா எனற இளம் மாணவி நிரூபித்துள்ளார்..


இவர் எல்லா விதமான பாடல்களையும் விசில் மூலம் பாடுவார்.. அதாவது விசில் அடித்துக்கொண்டே அந்த பாடலுக்கு ஏற்றவாறு ஏற்றம், இரக்கம், ராகம் அனைத்தையும் சிறப்பாக விசில் மூலமே செய்வார்.. அவரை காண சென்றபோது அவரது விசில் பாடல் மூலம் நம்மை வரவேற்றார்.. அவரிடம் நமது பேச்சு தொடங்கியது..


உங்களுக்கு இந்த எண்ணம் தோன்றியது எப்படி..?

நான் சின்ன வயசிலிருந்து பாட்டு பாட கத்துகிட்டியிருந்தன்.. அப்போ ஃபுளூட் சத்தம் எனக்கு ரொம்ப பிடிக்கும்.. அப்படியே கொஞ்சம் கொஞ்சம் நான் விசில் அடிச்சிகிட்டிருக்கும்போது நாம ஏன் இத ஃபுளூட்டோட சம்பந்தபடுத்தி பண்ணகூடாதுன்னு தோணுச்சு.. அப்படி உருவானதுதான் இந்த எண்ணம்..

எந்த மாதிரி பாடல் எல்லாம் நீங்க பாடுவீங்க..?

நான் ‘சாதக பறவைகள்’னு ஒரு சங்கீத குழுவுல இணைந்து பாட்டு பாடிகிட்டு வர்றேன்.. அதனால எல்லா விதமான பாடலையும் வாயாலையும் சரி விசிலாலையும் சரி பாடுவேன்..


உங்களுக்கு வீட்டிலயிருந்து எந்த அளவுக்கு சப்போர்ட் இருந்தது..?

பொதுவா எல்லார் வீட்லேயும் ஒரு பொண்ண இந்த மாதிரி விசில அடிக்க போவ சொல்றதுன்னா தடுக்க தான் செய்வாங்க.. ஆனா எங்க அப்பா சுரேஷ்ம் சரி, எங்க அம்மா சுஜாதாவும் சரி எனக்கு ரொம்ப உதவி பண்ணுனாங்க.. அவங்க ஆசையே நான் இதுல பெரிய ஆளா வரணும்கிறது தான்..

எந்த மாதிரி பாராட்டுகள் உங்களுக்கு கிடச்சிருக்கு..?

ஜானகி, வாணி ஜெயராம் அம்மா கிட்ட இருந்து அவார்ட்ஸ் வாங்கியிருக்கன்.. சினிமா கலை மன்றம் சார்பாக ‘Gold is Gold’ என்னும் விருதும் கொடுத்தாங்க.. ‘லிம்கா புக் ஆஃப் ரெக்கார்ட்ஸ்’ல நாங்க விசிலர்ஸ் அசோசியேஷன் மூலம் 48 பேர் சேர்ந்து ‘சாரே ஜஹான்சே’ பாடலை விசில் மூலம் பாடினதால எங்க பேர் இடம்புடிச்சுது.. இன்னும் சொல்லிக்கொண்டே போகலாம்..



எந்த மாதிரி ஸ்டேஜ் ஏறியிருக்கீங்க..?

இதுவரைக்கும் ஸ்டேஜ் ப்ரோக்ராம்னு மட்டும் சொன்னா 600க்கும் மேல பண்ணியிருக்கன்.. அதுமட்டுமில்லாம பல தனியார் தொலைக்காட்சியில பல ப்ரோக்ராம் பண்ணியிருக்கன்.. 5 முறை இலங்கைக்கு போய் நிகழ்ச்சி செய்திருக்கேன்.. ஒரு முக்கியமான விசயம்.. சீனாவுல நடக்கப்போற இன்டர்நேஷனல் விசிலர்ஸ் கான்ஃபரன்ஸ்ல இந்தியாவ நான் தான் ரெப்ரசன்ட் பண்ணபோறன்..


எதிர்காலம்..?

விசில்ல க்ளாசிக்கல் பண்றது கஷ்டம்.. அதுக்கு முயற்சி பண்ணிகிட்டிருக்கன்.. அதுமட்டுமில்லாம கின்னஸ்ல இடம்புடிக்க கடுமையா உழைச்சிகிட்டிருக்கன்..


கின்னஸ்லனு சொன்னீங்களே.. என்ன புதுசா செய்யபோறீங்க..?

உலகத்துல இருக்குற நாடுகள் அனைத்தின் தேசிய கீதங்களையும் விசிலாலையே பாடப்போறன்.. கண்டிப்பாக இதநான் செஞ்சி முடிப்பேன்..

உங்களுக்கு இருக்குற இந்த விசில் அடிக்கற பழக்கத்த பத்தி நீங்க என்ன நினைக்கிறீங்க..?

பசங்க எல்லோரும் விசில் அடிச்சி பொண்ணுங்கள கிண்டல் பண்ணுவாங்க.. ஆனா அது ஒரு கலைன்னு யாருக்குமே தெரியாம போச்சு.. விசில் அடிச்சு அடிவாங்கின ஆண்கள் பல ஆனால் விசில் அடிச்சு பெருமை வாங்கினவ நான்..!

படங்கள் நன்றி:நவீன் குமார்.

டிஸ்கி:இதை ஏற்கனவே ஒருமுறை பதிவிட்டு உடனே நீக்கிவிட்டேன்.. அதனால் மீண்டும் ஒருமுறை.. இந்த தடவ அழிக்கமாட்டேங்க..

Comments

  1. //பொதுவா எல்லார் வீட்லேயும் ஒரு பொண்ண இந்த மாதிரி விசில அடிக்க போவ சொல்றதுன்னா தடுக்க தான் செய்வாங்க.. ஆனா எங்க அப்பா சுரேஷும் சரி, எங்க அம்மா சுஜாதாவும் சரி எனக்கு ரொம்ப உதவி பண்ணுனாங்க.. அவங்க ஆசையே நான் இதுல பெரிய ஆளா வரணும்கிறது தான்../

    இதையே தான் எல்லாரும் சொல்றாங்க ..

    //உங்களுக்கு இருக்குற இந்த வசில் அடிக்கற பழக்கத்த பத்தி நீங்க என்ன நினைக்கிறீங்க..?
    /

    வசில் அப்படினா ??


    ரைட்டு வாழ்த்துக்கள் .. தம்பி நெறைய இடத்தில் பிழைகள் இருக்கு கவனிக்கவும்

    ReplyDelete
  2. @எல் கே: எல்லோரும் அப்படி சொல்றாங்கன்னு எங்க வீட்ல கத்திய எடுத்துட்டு துரத்துனாங்கன்னா சொல்லமுடியும்..

    எனக்கு தமிழ் ஒழுங்கா வராதுங்க.. அதனால அங்க இங்க பிழை இருக்கும்.. சொன்னீங்கன்னா திருத்திக்குவேன்..

    ReplyDelete
  3. வித்தியாசமான முயற்சி......
    வெற்றி அடைய வாழ்த்துக்கள்......
    கின்னஸ் உங்களுக்கு நிச்சயம்....

    ReplyDelete
  4. @மனோ:அவர்களை வாழ்த்தியதற்கு நன்றி..

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

மாலை 6.30 மணி.
இரண்டு கிலோமீட்டர் முன்னிருந்தே பேரணியாக பலர் சென்றுக்கொண்டிருநனர். அங்கங்கே தன்னார்வாலர்கள் நின்று அறிவிப்புகள் செய்துக்கொண்டிருந்தனர். சட்டையில் ஜல்லிக்கட்டுக்கு ஆதரவான வாசக மற்றும் படம் பதிப்பை இலவசமாக நண்பர்கள் செய்துக்கொண்டிருந்தார்கள். வண்டியை நிறுத்திவிட்டு நாங்களும் இணைந்துக்கொண்டோம் நடைபயணத்தில்.
கோஷங்கள் எழுப்பபட்டன. ஆளும் வர்கத்தை எதிர்த்தும், சர்வதேச அரசியலை கேலியாக விமர்சித்தும் கோஷங்கள் போடபட்டன. அப்பொழுதே கிளப்பிவிட்டன நம் ரோமங்களை. அங்கங்கே சில தகாத வார்த்தைகள் இருந்தாலும், அவை தோழர்களின் கோபத்தை வெளிப்படுத்தும் ஒரு முறை என்று உணர்ந்து நடந்தோம். கோபத்தை நாகரீகமாக சொல்லும் தமிழ் இனம் என்பதை தோழர்கள் நினைவுபடுத்திக்கொள்ள வேண்டும்.
எங்கும் நுழைய முடியவில்லை. குடும்பமாக, நண்பர்களாக, தன்னார்வலராக என எங்கினும் கூட்டம் அலைமோதிக்கொண்டிருந்தது. மத்திம பகுதி விவேகானந்தர் இல்லம் தான் எனினும் கலங்கரை விளக்கத்திலிருந்தே அலைகடலென மக்கள் மட்டும் தான் தெரிந்தார்கள்.
நாங்கள் முன்னேறினோம். அங்கங்கே தோழர்கள் பதாதைகளை பகிர்ந்துக்கொண்டார்கள். கோஷ முழக்கமிடையே நாங்கள் முன்னேறி …

ஏழு நாட்கள்...

என் பெயர் ரகு. அடிக்கடி இரவு வரும்பொழுது ஒரு இனிப்பு என்று வாங்கிக்கொண்டு சந்தோசமாக வீடும் ஏறும் அளவுக்கு எனக்கு குடும்பமும் இல்லை. அந்த அளவுக்கு மகிழ்வும் வந்ததில்லை. அதே சமயம், வாழ்க்கை இப்படி ஆகிவிட்டதே என வருந்தும் அளவுக்கும் ஒரு கவலை வந்ததில்லை. வாழ்க்கை என்னும் போக்கில் நாட்களை கடந்து செல்லும் நீங்கள் பார்க்கும் ஒரு சாதாரண மனிதன் தான் நான்.
அம்மா ஊரில். இங்கு தனியாக ரூம் எடுத்து தங்கியிருக்கிறேன். கம்ப்யூட்டர், செல்ஃபோன் போன்னற இக்கால வாழ்க்கை டெக்னாலஜி எதுவும் அண்டாத ஒரு பிரஜை. என்னிடம் இருக்கும் சொத்து என்று சொன்னால் ஒரு மூன்று செட் துணி, ஒரு ஜோடி ஷூ மற்றும் செருப்பு, ஒரு பர்ஸ் மற்றும் ஒரு கைகடிகாரம். இதில் எதில் பாதிப்பு வந்தாலும் உடனே மாற்று வாங்கிவிடுவேன். வேறு எதுவும் செலவு இல்லை. சமீபத்தில் தொலைந்த கடிகாரத்திற்கு பதிலாய் மற்றொன்று குடிக்கொண்டிருக்கிறது. அவ்வளவு தான்.
அன்று அலுவலகத்தில் இருந்தேன்.
‘ரகு… உன்ன சார் உள்ள கூப்பிடுறாரு..’ சக அலுவலர் வந்து சொன்னார்.
‘ரகு… நீங்க சேர்ந்து கொஞ்ச நாள் தான் ஆகுது. ஃபீல்ட் சமயம் இப்போ சரியில்ல. வேலைய விட்டு எல்லாரையும் தூக்கிட்டு இருக்காங…

ஒரு அப்பாவின் வாழ்க்கை

நான் கடைசியா இந்தியா வந்து ஒரு வருசம் கடந்துருச்சு. இப்போ நான் கிளம்பிட்டேன். என்னோட இந்தியாவுக்கு, என்னோட ஊருக்கு, என் சொந்த மண்ணுக்கு போறேன். அதைவிட சந்தோசம் நான் என் அப்பாவ பாக்க போறேன். நினைக்கிறப்பவே மனசு சில்லுனு இருக்கு. அப்பா…
என் அப்பா ஒரு கூத்து ரசிகர். ஊருல நடக்குற ஒரு நாடகம் கூத்து எதையும் விடமாட்டார். அன்னைக்கு ஊருக்குள்ள சங்கரன் குழுவோட நாடகம் நடந்துச்சு. மகாபாரத கதை. கிருஷ்ணன் அர்ஜூனனுக்கு உபதேசம் சொல்லிகிட்டு இருந்தாரு.
’கத்தும் நீதிகூட்டம் காட்டில் ஒரு குரங்காட்டம் ஒன்னு ஆடுது நாட்டில் மழியும் உலகம் ஆட்சி அதை அழிக்கத்தான் புறப்படும் தர்மத்தின் கோட்டை கத்தும் கதமறுக்கும் காட்டில்’
’ஆதாகபட்டது வில்லை ஏந்திக்கொண்டு யோசித்து நிற்கும் அர்ஜூனனிடம் கிருஷ்ணன் சொல்கிறான்.’
‘எது நடந்ததோ அது நன்றாகவே நடந்தது எது நடக்கிறதோ அது நன்றாகவே நடக்கிறது’ என நாடகம் உச்சகட்டத்தில் அக்கால உடையோட நடந்துகிட்டிருந்தப்போ மேடையில ஒருத்தர் இக்கால உடையோட நடந்து வந்து கிருஷ்ணன் காதுல ரகசியம் பேசினாரு. இது என்னடா மகாபாரத்ததுல ஒரு திருப்பம்னு கூட்டமே உத்து பாத்துகிட்டு இருந்தப்போ, கிருஷ்ணர் மக்கள் கூட்டம் இரு…