Skip to main content

நான் வாழ்த்து சொல்ல விரும்பும் மகளிர் இவர்.!!

அட என்னடா இது தொடர்ந்து மூணு நாளா இந்த ப்ளாக்லயே பதிவு போடவேண்டிய நிலமையாகிபோச்சு(என்ன பொல்லாத நிலமை.!!).. ஆக்சுவலா நான் இன்னைக்கு என் 'கிறுக்கனின் கிறுக்கல்கள்' ப்ளாக்ல கவிதைபோடலாம்னு இருந்தன்(நீ எழுதுறதுக்கு பேர் கவிதையா.??)..ஆனா சிஸ்டம் முன்னாடி உக்காந்த பிறகு தான் இன்னைக்கு மகளிர் தினம்னு ஞாபகம் வந்துச்சு(கண்டுபுடிச்சிட்டார்டா.!!!)


சரின்டு அந்த கவிதை எண்ணத்தை நாளைக்கு ஒதுக்கி வச்சிட்டு இன்னைக்கு மகளிர பத்தி எழுதலாம்னு முடிவெடுத்தன்(பார்றா.!!)சரி மகளிர பத்தி எனக்கென்ன தெரியும்... பெண்கள்ட்ட அதிகமா பேசவேமாட்டேனே.!!(சத்தியமாங்க.!!) அதிகமா பெண்கள்கூட பேசாத நான் என்னாத்த மகளிர் தினத்துக்குன்னு போட.???(கடுப்பேத்தாத டா.!! கான்க்ரீட் மண்டயா.!!!)

சரி எனக்கு தெரிந்த ஒரு பெண்ணை பற்றி இந்த பதிவுல போட ஆசபடுறன்..(யாரு டா அது.???) அது வேற யாருமில்ல என் அம்மாதான்..(ஓ.!! சொல்லு சொல்லு.!!)


என் அம்மா பத்தாவதுல அப்பீட்டு..!!! அதுக்கு காரணமா அவுங்க சொல்றது அவுக கல்யாணம் நடந்தது அவுங்க பத்தாவது படிக்கும்போது தான்(அந்த காலம்ங்க.!! சட்டம் அது இதுன்னு யாரும் பேசகூடாது.!!!)இல்லீனா மட்டும் எல்லாத்துலயும் நூற்றுக்கு நூறா வாங்கியிருக்கப்போறாங்க.???


பத்தாவது படிச்சவங்களுக்கு கலெக்ட்டர் வேலை தரமாட்டாங்களாமே.!! கலெக்ட்டர் வேலையில்லாமல் வேற எந்த வேலையையும் பாக்ககூடாதுன்னு வைராக்கியமா எங்கம்மா வேலைக்கே போகல(ஹே ஹே.!! இப்படி ஒரு பில்டப்பா.??)

எங்கம்மாகிட்ட எனக்கு பிடிச்சது அறியாமை, பாசம், குழந்தை வளர்க்கும் பண்புன்னு எவ்வளவோ இருக்கு.!!

அறியாமை...


அந்த காலத்துல எங்கம்மா படிச்சது தமிழ் மீடயத்துலங்கறதால ஆங்கில வார்த்தைகளை படிக்க தெரியாது.. அதனால நான் LKG படிக்கையிலிருந்து என்கூட சேந்து இங்கிலீஸ் படிக்க ஆரம்பிச்சாங்க.. கொஞ்சம் கொஞ்சமா இங்கிலீஸ்ல ஏதாச்சும் கொடுத்தா படிக்க ஆரம்பிச்சுட்டாங்க.. நான் படிச்சுட்டு எங்கம்மாகிட்ட தான் வந்து ஒப்பிப்பேன்.. ஒரு நாளில் பல நேரம் எனக்கும் என் அக்காவுக்குமே செலவு செஞ்சாங்க.. அவுங்களுக்கு வாயில நுழையாத வார்த்தைகள என் வாய்,நாக்கு அசைவை மிதுவாய் காண்பித்து பேசவைத்த நொடிகள் அனைத்தும் இன்னும் கண்ணுக்குள்ளே.!!! எங்க அம்மாகிட்ட ஒப்புக்கும்போது ஒரு is, are கூட மாறிடகூடாது..!! செம ஸ்டிரிக்ட்..

பாசம்னு பாத்தா எல்லாருக்கும் இருக்கிறது தான்.. அத ஸ்பெஷலா சொல்ல அவசியம் இல்ல..


அடுத்து குழந்தை வளர்ப்பது(குழந்தை.??? நான்தாங்க)..

நான் நல்லவனா வளர்ந்ததுக்கு காரணம் என் அம்மாதான்னு அடிச்சு சொல்லுவன்.!! வேலைக்கு போகாததால நான் ஸ்கூலுக்கு போகும்போதும் இருப்பாங்க, நான் வீட்டுக்கு திரும்ப வரும்போதும் இருப்பாங்க.. வீட்டுக்குள்ள காலெடுத்து வச்சதும் சட்டையெல்லாம் மாத்திட்டு ஹோம் வொர்க் பண்ணனும்.. என் அக்கா அத ஒழுங்கா பண்ணாட்டியும் நான் அதெல்லாம் பக்காவா முடிச்சிடுவன்.. அடுத்ததா என் அம்மாகிட்டவந்து அன்னைக்கு
ஸ்கூல்ல என்னவெல்லாம் நடந்துச்சுன்னு ஒண்ணுவிடாம சொல்லணும்.. ரொம்ப ஸ்ட்ரிக்ட்டா கேக்கமாட்டாங்க.. அப்படியே ஜாலியா நம்ம நண்பர்கள்கிட்ட பேசுறமாதிரி தான்.. அப்படி நான் ஏதாச்சும் தப்பு பண்ணியிருந்தா ஜாலியா சுட்டிகாட்டுவாங்க.. அடுத்த தடவ அது நடக்கும்போது என்னையே அறியாம எங்கம்மா சொன்னது ஞாபகம் வந்து அடங்கிப்பன்.. காலபோக்குல இதுவே எனது தொடர் பழக்கமாயிடுச்சு.. எங்கம்மா கேக்காம போனாலும் நானா வந்து சொல்வேன்..


அடுத்து 9வது படிக்கையிலிருந்து தான் எழுதுற பழக்கம் வந்துச்சு.. எங்கம்மா நிறைய கதை புத்தகம் படிப்பாங்க.. அதுவும் ரமணி சந்திரன் கதைகள் அவங்களுக்கு உயிர்.. நான் முதல் முதல்ல எழுதினது வைரமுத்துவின் "காதலித்துப் பார்" என்னும் கவிதையை அப்படியே வைத்துகொண்டு வார்த்தைகள மட்டும் மாத்தி காமிச்சன்.. மகா மட்டமா இருந்தத சூப்பர்னு சொன்னாங்க.. இது எல்லா அம்மாவும் சொன்னாலும் தொடர்ந்து எழுது எழுதுன்னு நச்சரிக்கமாட்டாங்களே மத்தவங்க.. ஆனா எங்கம்மா செஞ்சாங்க..
இன்றும் என்னோட எல்லா எழுத்துகளுக்கும் முதல் வாசகி என் அம்மா தான்..


அப்பரம் என் அம்மாகிட்ட எனக்கு ரொம்ப புடிச்சது மறைத்து எதையும் வைக்கமாட்டாங்க.. நம்ம குடும்ப சூழ்நிலை என்ன.!! எங்கயெல்லாம் கடன் இருக்கு.!! இதுவரைக்கும் யார் யாருக்கு என்ன என்ன பண்ணியிருக்காங்க.. எவ்வளவு கஷ்டத்த தாண்டி இந்த இடத்துக்கு வந்திருக்காங்கன்னு ஒரு கதை விடாம எல்லாத்தையும் சொல்வாங்க.. இதனால அவுக பண்ணின தப்பு எதையும் நான் பண்ணாம தப்பிக்கலாம்..

இன்னும் எங்கம்மாகிட்ட எனக்கு ரொம்ப பிடிச்ச குணம்-சேவை..


முதல்முதலா மனநிலை குன்றியவரின் ஆஸ்ரமம் போனபோது அவர்களை பாத்து நான் பயந்தேன்.. பக்கத்துல போகவே பிடிக்கல.. ஆனா எங்கம்மா நேரா போணாங்க.. எல்லாருக்கும் ஊட்டிவிட்டாங்க.. சிலர் அவங்கள பாத்து 'அம்மா என்னையும் உன்கூட கூட்டிட்டு போ' அப்படி இப்படி சொல்ல எல்லாருக்கும் ஏத்த மாதிரி பாசமா அவங்க பேசினது என்கிட்ட இருந்த பயமெல்லாம் போக்கி என்னையும் அதில் ஈடுபட வைத்தது.. எனக்கு மத்தவங்களுக்கு உதவுறது ஒரு போதையாயிடுச்சு அதுக்கு காரணம் என் அம்மா தான்..

இது எல்லாம் நடந்ததுக்கு முக்கிய காரணமா நான் நினைக்கிறது எங்கம்மாவுக்கு கலெக்ட்டர் வேலை கிடைக்காதது தான்(ஹி ஹி).. அதாவது வேலைக்கு போகாதது தான்னு நினைக்கிறேன்..


அடுத்து எங்கம்மாவுக்கு மம்மினு கூப்டா பிடிக்காது.. வாய் நிறைய அம்மானு கூப்டுனு சொல்வாங்க.. அம்மா அம்மா அம்மா.. சே.!! கூப்பிடும்போதே உள்ள ஏதோ செய்யுதுல்ல.. யு ஆர் ரைட் மா..

வீட்ல ஒரு அப்பா வேலைக்கு போகாம இருக்கிறத விட ஒரு அம்மா வேலைக்கு போகாமல் இருப்பதே எனக்கு பிடித்தது(சிலர் ஏன் பெண்கள் தான் வீட்டில் முடங்கவேண்டுமா என கேட்பரே.!!) பொதுவாக பெண்களுக்கு பாசம், பொறுமை அதிகமா இருக்கும்.. குழந்தை வளர்ப்பில் முக்கியம் இதுதானே.!!!

என் நண்பர்கள் எவ்வளவோ பேர் சீரழிஞ்சு போனாலும், அவுக கூட சேர்ந்து நான் வெளியில சுத்தியிருந்தாலும் பாக்கு, சிகரட், தண்ணின்னு எந்த கெட்ட பழக்கமும் இல்லாமல் இருப்பதற்கும், என் எழுத்தார்வம், சேவை ஆர்வம் அனைத்தும் மேம்படவும் காரணமாய் இருந்த என் அம்மாவுக்கு நன்றிகள்...

எனக்கு கிடைக்கிற ஒவ்வொரு நல்ல பேரும் உன்னுடையது தான் மா..
உனக்கு என்னோட மகளிர் தின வாழ்த்துக்கள் .!!!

அப்பரம் என் பதிவுலக பாட்டிகளுக்கும் அம்மாக்களுக்கும் அக்காகளுக்கும் தோழிகளுக்கும் தங்கைகளுக்கும் மகளிர் தின வாழ்த்துக்கள்..(முக்கிய உறவு எதுவும் விட்டுபோகலயே.!!!)

எனக்கு புடிச்ச எங்க அம்மா மாதிரி இங்க யாராச்சும் இருக்கீங்களா.???

டிஸ்கி: மானங்கெட்டபயலுக திமுக-காங்., சேந்திட்டானுங்க.. அவுகளுக்காக ஒரு பதிவு வேஸ்ட் பண்ணவேணாம்னு உட்டுட்டன்.. மகளிர் தினத்துக்காக ஒரு மகளிர் பதிவு(கலக்குடா கூர்.!!)


Comments

  1. அடுத்து எங்கம்மாவுக்கு மம்மினு கூப்டா பிடிக்காது.. வாய் நிறைய அம்மானு கூப்டுனு சொல்வாங்க.. அம்மா அம்மா அம்மா.. சே.!! கூப்பிடும்போதே உள்ள ஏதோ செய்யுதுல்ல.


    ....மனதை தொடும் பதிவு. மிகவும் ரசித்து வாசித்தேன். இந்த வரிகளை வாசிக்கும் போது, நெகிழ்ந்தேன்.

    ReplyDelete
  2. ட மகளிர் தின வாழ்த்துக்கள் .!!!

    ReplyDelete
  3. மனதை நெகிழ வைத்து விட்டது உங்கள் அம்மா பற்றிய பதிவு. அம்மா இடத்திற்கு நிகராய் யாருமில்லை இவ்வுலகில். அருமை.

    ReplyDelete
  4. தம்பி, இது வரை நீ எழுதியவற்றில் சிறந்தப் பதிவு. மனதை நெகிழ வைத்தது. உங்கள் தாய்க்கு என் வணக்கங்கள்

    ReplyDelete
  5. படிச்சதும் கண்ணீர் வந்துருச்சு ... வாய்ப்பு இருந்த உங்க அம்மாவை நேர்ல பாத்து " அம்மா " னு குப்பிடனும் ....... அழைப்பு வையுங்கள் சகோ

    ReplyDelete
  6. உங்க அம்மா இந்த பதிவு படிச்சாங்களா? மகனின் பாசத்தில் ரொம்பவே நெகிழ்ந்து போயிடுவாங்க.

    ReplyDelete
  7. @சித்ரா:நன்றிங்க..

    இங்க யாராச்சும் மம்மினு கூப்புடுறத விரும்புறவங்க இருந்தா கொஞ்சம் உங்க பசங்கள 'அம்மா'னு கூப்ட சொல்லுங்க.. சுகம் சுகம் சுகம்..

    ReplyDelete
  8. @இராஜேஷ்வரி:ஆமாங்க.. உங்களுக்கு மகளிர் தின நல்வாழ்த்துக்கள்..

    ReplyDelete
  9. @பிரஷா:கண்டிப்பாக பிரஷா.. அம்மா.. அம்மா.. அம்மா.. அதுவும் ஒரு உறவுதானே என்று சில சமயம் நான் நினைப்பதுண்டு.. இல்லை.. இன்னும் வேறெதுவோ உள்ளே இருக்கு.. அம்மா அம்மா.. ஏதோ இருக்குங்க..

    ReplyDelete
  10. @எல் கே:நன்றிண்ணா.. வாழ்த்துகளுக்கு நன்றி.. எங்கம்மாவ எனக்கு ரொம்ப பிடிக்கும்.. எழுத சொன்னா இன்னும் எவ்வளவோ எழுதிட்டு போவேன்.!!

    ReplyDelete
  11. @கல்பனா: கண்டிப்பாக.. தங்கள் அனைவருக்கும் என் அழைப்பு கண்டிப்பாக எந்நேரமும்.. எங்கம்மா ஊருக்கு போகும் போதெல்லாம் முகத்துல ஒண்ணும் தெரியாட்டியும் மனசுல ஏதோ வருடல் இருக்கும்.. உங்க கருத்து என்னை நெகிழ செய்திட்டது.. எங்கம்மாவ நினச்சு ஒரு பெருமிதம் வருது.. நன்றி சகோ.!!!

    ReplyDelete
  12. @லக்ஷ்மி:இல்லங்க.. எங்கம்மா இத படிக்கல.. எங்கம்மாவ எவ்வளவு பிடிக்கும்னு இதுவரையில் என் அம்மாகிட்ட சொன்னதில்லங்க.. எந்நேரம் பாத்தாலும் எங்கம்மாவ கிண்டல் பண்ணுவன்.. அது அவுங்களுக்கும் பிடிக்கும்.. நான் சொல்லாட்டியும் நான் அவுங்க மேல எவ்வளவு பாசமா இருக்கேனு அவங்களுக்கு தெரியும்.. சொல்லாமல் தெரிவது தானே காதல்..

    ReplyDelete
  13. ரொம்ப நல்லா இருக்கு அம்மா என்றாலே அன்பு தான் அதிலும் உங்க அம்மா அன்பின் மொத்த உருவம்...

    ReplyDelete
  14. ஒரு பதிவில் அம்மாவைக் கண்டித்தும் அடுத்த பதிவில் அவரை உயர்த்திய விதமும் உங்களின் உண்மையான மனசும் தெரிகிறது.இந்த உண்மையான மனசுக்குக் காரணமும் அம்மாவின் நேர்மையான கண்டிப்பான வளர்ப்புத்தானே.அமமாவுக்கு என் வணக்கம் !

    ReplyDelete
  15. //எல்லாருக்கும் ஏத்த மாதிரி பாசமா அவங்க பேசினது என்கிட்ட இருந்த பயமெல்லாம் போக்கி என்னையும் அதில் ஈடுபட வைத்தது.. எனக்கு மத்தவங்களுக்கு உதவுறது ஒரு போதையாயிடுச்சு அதுக்கு காரணம் என் அம்மா தான்//

    அருமையான பகிர்வு.. உங்கள் தாய்க்கு என் வணக்கங்கள்.

    ReplyDelete
  16. Koor..!!mm..I am Speechless...Love u amma..

    ReplyDelete
  17. அம்மான்னா சும்மாவா....

    ReplyDelete
  18. @ஹேமா: ஹா ஹா.. ரொம்ப நன்றிங்க..

    ReplyDelete
  19. @அமைதிசாரல்:நன்றிங்க..

    ReplyDelete
  20. @ஆனந்தி: ரொம்ப நன்றி ஆனந்தி..

    ReplyDelete
  21. @மனோ:இல்லவே இல்ல.. சத்தியமா இல்ல..

    ReplyDelete
  22. அம்மாவப் பத்தி ரொம்ப அருமையாக நெகிழ்வாகச் சொல்லியிருக்கீங்க! வாழ்த்துக்கள்

    ReplyDelete
  23. இந்த மாதிரி எல்லாம் சீரியஸ் பதிவு போட்டா நான் அழுதுடுவேன்.. அப்புறம் எப்படி கும்மறது..? சரி போங்க மகளிர்தினம்.. அம்மா.....ஓக்கே

    ReplyDelete
  24. @மாதவி:ஆமாம்.. ஆமாம்.. அம்மான்னு சொன்னாலே ஒரு நெகிழ்வு தானே.!! நன்றிங்க..

    ReplyDelete
  25. @சிபி:கும்மிக்காக தொடங்குன வலைப்பூ தாங்க இது.. என்ன பண்ண சீரியஸா போடவேண்டிய சூழ்நிலையாகிபோச்சு..

    ReplyDelete
  26. அம்மா என்றால் அன்பு. அது உங்களுக்கு நிறையவே கிடைத்திருக்கிறது. வாழ்த்துக்கள்- நல்ல பதிவு போட்ட பிள்ளைக்கும், அந்த பிள்ளையை பெற்ற அம்மாவிற்கும்.

    ReplyDelete
  27. அருமையான பதிவு நண்பரே.
    வாழ்த்துக்கள்.

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

மாலை 6.30 மணி.
இரண்டு கிலோமீட்டர் முன்னிருந்தே பேரணியாக பலர் சென்றுக்கொண்டிருநனர். அங்கங்கே தன்னார்வாலர்கள் நின்று அறிவிப்புகள் செய்துக்கொண்டிருந்தனர். சட்டையில் ஜல்லிக்கட்டுக்கு ஆதரவான வாசக மற்றும் படம் பதிப்பை இலவசமாக நண்பர்கள் செய்துக்கொண்டிருந்தார்கள். வண்டியை நிறுத்திவிட்டு நாங்களும் இணைந்துக்கொண்டோம் நடைபயணத்தில்.
கோஷங்கள் எழுப்பபட்டன. ஆளும் வர்கத்தை எதிர்த்தும், சர்வதேச அரசியலை கேலியாக விமர்சித்தும் கோஷங்கள் போடபட்டன. அப்பொழுதே கிளப்பிவிட்டன நம் ரோமங்களை. அங்கங்கே சில தகாத வார்த்தைகள் இருந்தாலும், அவை தோழர்களின் கோபத்தை வெளிப்படுத்தும் ஒரு முறை என்று உணர்ந்து நடந்தோம். கோபத்தை நாகரீகமாக சொல்லும் தமிழ் இனம் என்பதை தோழர்கள் நினைவுபடுத்திக்கொள்ள வேண்டும்.
எங்கும் நுழைய முடியவில்லை. குடும்பமாக, நண்பர்களாக, தன்னார்வலராக என எங்கினும் கூட்டம் அலைமோதிக்கொண்டிருந்தது. மத்திம பகுதி விவேகானந்தர் இல்லம் தான் எனினும் கலங்கரை விளக்கத்திலிருந்தே அலைகடலென மக்கள் மட்டும் தான் தெரிந்தார்கள்.
நாங்கள் முன்னேறினோம். அங்கங்கே தோழர்கள் பதாதைகளை பகிர்ந்துக்கொண்டார்கள். கோஷ முழக்கமிடையே நாங்கள் முன்னேறி …

ஏழு நாட்கள்...

என் பெயர் ரகு. அடிக்கடி இரவு வரும்பொழுது ஒரு இனிப்பு என்று வாங்கிக்கொண்டு சந்தோசமாக வீடும் ஏறும் அளவுக்கு எனக்கு குடும்பமும் இல்லை. அந்த அளவுக்கு மகிழ்வும் வந்ததில்லை. அதே சமயம், வாழ்க்கை இப்படி ஆகிவிட்டதே என வருந்தும் அளவுக்கும் ஒரு கவலை வந்ததில்லை. வாழ்க்கை என்னும் போக்கில் நாட்களை கடந்து செல்லும் நீங்கள் பார்க்கும் ஒரு சாதாரண மனிதன் தான் நான்.
அம்மா ஊரில். இங்கு தனியாக ரூம் எடுத்து தங்கியிருக்கிறேன். கம்ப்யூட்டர், செல்ஃபோன் போன்னற இக்கால வாழ்க்கை டெக்னாலஜி எதுவும் அண்டாத ஒரு பிரஜை. என்னிடம் இருக்கும் சொத்து என்று சொன்னால் ஒரு மூன்று செட் துணி, ஒரு ஜோடி ஷூ மற்றும் செருப்பு, ஒரு பர்ஸ் மற்றும் ஒரு கைகடிகாரம். இதில் எதில் பாதிப்பு வந்தாலும் உடனே மாற்று வாங்கிவிடுவேன். வேறு எதுவும் செலவு இல்லை. சமீபத்தில் தொலைந்த கடிகாரத்திற்கு பதிலாய் மற்றொன்று குடிக்கொண்டிருக்கிறது. அவ்வளவு தான்.
அன்று அலுவலகத்தில் இருந்தேன்.
‘ரகு… உன்ன சார் உள்ள கூப்பிடுறாரு..’ சக அலுவலர் வந்து சொன்னார்.
‘ரகு… நீங்க சேர்ந்து கொஞ்ச நாள் தான் ஆகுது. ஃபீல்ட் சமயம் இப்போ சரியில்ல. வேலைய விட்டு எல்லாரையும் தூக்கிட்டு இருக்காங…

ஒரு அப்பாவின் வாழ்க்கை

நான் கடைசியா இந்தியா வந்து ஒரு வருசம் கடந்துருச்சு. இப்போ நான் கிளம்பிட்டேன். என்னோட இந்தியாவுக்கு, என்னோட ஊருக்கு, என் சொந்த மண்ணுக்கு போறேன். அதைவிட சந்தோசம் நான் என் அப்பாவ பாக்க போறேன். நினைக்கிறப்பவே மனசு சில்லுனு இருக்கு. அப்பா…
என் அப்பா ஒரு கூத்து ரசிகர். ஊருல நடக்குற ஒரு நாடகம் கூத்து எதையும் விடமாட்டார். அன்னைக்கு ஊருக்குள்ள சங்கரன் குழுவோட நாடகம் நடந்துச்சு. மகாபாரத கதை. கிருஷ்ணன் அர்ஜூனனுக்கு உபதேசம் சொல்லிகிட்டு இருந்தாரு.
’கத்தும் நீதிகூட்டம் காட்டில் ஒரு குரங்காட்டம் ஒன்னு ஆடுது நாட்டில் மழியும் உலகம் ஆட்சி அதை அழிக்கத்தான் புறப்படும் தர்மத்தின் கோட்டை கத்தும் கதமறுக்கும் காட்டில்’
’ஆதாகபட்டது வில்லை ஏந்திக்கொண்டு யோசித்து நிற்கும் அர்ஜூனனிடம் கிருஷ்ணன் சொல்கிறான்.’
‘எது நடந்ததோ அது நன்றாகவே நடந்தது எது நடக்கிறதோ அது நன்றாகவே நடக்கிறது’ என நாடகம் உச்சகட்டத்தில் அக்கால உடையோட நடந்துகிட்டிருந்தப்போ மேடையில ஒருத்தர் இக்கால உடையோட நடந்து வந்து கிருஷ்ணன் காதுல ரகசியம் பேசினாரு. இது என்னடா மகாபாரத்ததுல ஒரு திருப்பம்னு கூட்டமே உத்து பாத்துகிட்டு இருந்தப்போ, கிருஷ்ணர் மக்கள் கூட்டம் இரு…