ரஜினி, சூர்யாலாம் இங்க வருவாங்கலாமே..!!!

சமீபத்தில் என் காதுகளுக்கு வந்த செய்தி, “எங்க ஊர்ல சுர்யா, ரஜினி போல பெரிய ஆளுங்க வந்து ஆசிர்வாதம் வாங்குற ஒரு சாமி இருக்கார்.. அவரு இப்போ ஜீவசமாதி ஆகபோறார்..”. யார் அவர்..? நேரில் சென்று பார்ப்போம்..

சென்னை தாம்பரத்தை அடுத்த சிங்கபெருமாள் கோவிலிலிருந்து 5 கி.மீ., தூரத்தில் அமைந்துள்ளது ஆப்பூர் என்னும் அழகிய கிராமம்.. அந்த கிராமத்தின் ஒரு பகுதியில் அமைதியே உருவான ஒரு மடம் போன்று ஒரு இடம் இருந்தது.. அங்கிருந்த பலரும் அவரை தெரியாது என்று சொல்ல, வயதில் முதிர்ந்த பெரியவர் ஒருவர் மட்டும், “ஆமா தம்பி.! அவரு பேரு ஓம்நாதர்.. அவரு இங்க தான் இருக்கார். அவரு வெளியேவும் வரமாட்டார்.. அவருக்கு விளம்பரமும் இல்ல.. அதனால இங்க இருக்கற சிலருக்கு அவரு பேரு கூட தெரியாது..” என்றார்.


உள்ளே சென்றதும் அறைக்கு வெளியே அமைந்திருந்த பலகையில் “சுவாமிகளை ஞாயிறுகளில் மட்டுமே காணமுடியும்.. சுவாமிகள் காலில் விழுவதோ, தங்கள் குறைகளை கூறுவதோ தவிர்க்கப்படவேண்டும்.. உள்ளே சென்று அமைதியாக அமர்ந்திருந்து தியானம் செய்துவிட்டு செல்லவேண்டும்..” என்றிருந்தது.

உள்ளே சென்று அமர்ந்ததும் வெளியே எழுதியிருந்ததுக்கு நேர்மாறாக அவரே மக்களின் குறைகளை கேட்டார்.. குறைகளை கேட்டு அதற்கான மூலிகை மருந்தையும் சொல்கிறார்.



அதை பற்றி நாம் கேட்கையில் அவர் பேச மறுத்துவிட்டார்.. அவர் கூறுகையில், “எனக்கு உடம்பு முடியாம போகுது.. வர்ற யாரும் என்ன பத்தி கவல படுறது இல்ல.. அவங்க அவங்க சுயநலம் தான் முக்கியம்னு நடந்துகிறாங்க.. ஏற்கனவே இந்த மாதிரி ஒரு பத்திரிக்கைக்கு நான் பேட்டி கொடுத்து என்னமோ நான் தான் நடிகர் சூர்யாவுக்கு நடிக்க கத்துகொடுத்ததா சொல்லி எனக்கும் அவருக்கும் ஒரு இடைவேளியே வரவச்சிட்டாங்க.. தயவு செஞ்சி போயிடுங்க தம்பி..” என்று அவரது தழுதழுத்த குரலில் நம்மை கையெடுத்து கும்பிட மனசை சாந்தபடுத்திகொண்டு அவரது இருப்பிடத்தை சற்றே விலகிவந்தோம்..

அவரை பற்றி மேலும் அறிய இன்னும் அந்த இடத்தை சுற்றி உள்ளவரை ஆழமாக விசாரிக்க தொடங்கினோம்.. முன்பு கிடைத்த மாதிரியே தெரியாது என பல பதில் வந்தாலும் தெரிந்த சிலரையும் காண முடிந்தது..


அவர்கள், “இங்க ஔசதகிரினு ஒரு மலை இருக்கு அதுல எல்லா விதமான நோய்களுக்கும் உண்டான மூலிகை மருந்து இருக்கு.. அந்த மூலிகைகளை பயன்படுத்தி எந்த நோய வேணும்னாலும் அழிச்சிடலாம்.. இவரு இங்க 50 வருசமா இருக்கறதால அவருக்கு இந்த மலையே அத்துப்படி.. எங்கங்க என்னன்ன மூலிகை இருக்குன்னு அவருக்கு தெரியும்.. ஞாயித்துகிழமை ஆச்சுனா நாள் பூரா நிறையா பேர் வருவாங்க.. அவருக்கு பொறந்த நாள் வந்துச்சுன்னா போதும் கார் மேல காரா நிக்கும்.. நிரைய பெரிய ஆளுங்களா வருவாங்க.. அதுமட்டுல்லாம, அவரு ஜீவசமாதியாகபோறார்னு சொல்றாங்க.. அதுக்கான ஏற்பாடு எல்லாம் தயாரா இருக்குன்னும் பின்னாடி ஒரு மண்டபத்த கூட இதுக்காக கட்டியிருக்கறதா சொல்றாங்க.. அவருக்கு எப்ப உத்தரவு வருதோ அப்ப அவரு ஜீவசமாதி ஆயிடுவார்.. இத யாருக்கும் தெரியாம ரகசியமா வச்சிருக்காங்க.. அதுமட்டுமில்லாம 3 இல்ல 4 வருசத்துக்கு முன்னால சூர்யா இங்க வந்துபோறதாவும் ஏதோ பத்திரிக்கையில தப்பா எழுதிட்டாங்கன்னும் அதனால அவரு இங்க வர்றதில்லையினும், இப்போ திரும்பவும் வர தொடங்கியிருக்கார்னும் சொல்றாங்க.. ரஜினி சார் கூட வருஷத்துக்கு ஒரு தடவ நடுராத்திரியில யாருக்கும் தெரியாம வர்றதாவும் சொல்றாங்க.. ராகவேந்திரா சுவாமியும் இந்த மாதிரி தான் ஜீவசமாதி ஆனார்னுங்கறத்தால ரஜினி சார் வருவார்னு சொல்றாங்க..” என்றார்.


இது உண்மைதானா என்று தெரிந்துகொள்ள மீண்டும் அவரை அணுகியபோது நமக்கு உள்செல்ல அனுமதி மறுக்கப்பட்டது.. அது உண்மையாகுமானால் ஒரு பெரிய கேள்வி நம் மனதில் எழுகிறது.. நம் உயிரை அழிப்பதற்கு நமக்கு உரிமை உண்டா..?

 இதில் குறிப்பிட்டுள்ள ஔசதகிரி மலைமீது ஒரு கோவில் இருக்கிறது. அதைப்பற்றி அறிய 

 ஸ்ரீ நித்திய கல்யாண ப்ரசன்ன வெங்கடேச பெருமாள்