Skip to main content

இந்திய கிரிக்கெட் அணியும் போரியா மஜூம்ந்தரும்.!!!

நேத்தி காலையில பதினோறு மணிக்கு ஆபிஸ்ல மீட்டிங்.. அடடா முக்கியமான மேட்ச் நேரத்திலா மீட்டிங்னு போய் அட்டண்ட் பண்ணிட்டு சொல்றதுக்கெல்லாம் எடக்கு மடக்கா பேசிட்டு ரொம்ப நேரம் நடக்கவேண்டிய மீட்டிங்க சீக்கிரமா முடிச்சிட்டு 2மணிக்கு வெளிய வந்தன்.. சாப்டா வேலைக்காதுன்னு வண்டிய தட்டி ஸ்பென்சர்லயிருந்து தாம்பரத்துக்கு அரைமணிநேரத்துல சிட்டா பறந்து வந்தன்.. சரியா மேட்ச் ஆரம்பிச்சிடுச்சு..


அப்படி ஓடி வந்து முதல் பால் போடும்போது 'படார்'.. பக்கத்துல பயலுக எல்லாம் ஏசி போட்டுட்டு இருந்ததால ட்ரான்ஸ்பாரம் அவுட்.. அடங்கொன்னியான்.. அப்பரம் பக்கத்து வூட்டு லேப்டாப்ப எடுத்து கையில வச்சிகிட்டு ஸ்கோர் பாத்துகிட்டே இருந்தன்.. தல செஞ்சுரி, காம்பீர் சேவாக் வெளாசல்.. அடடா 400 போகுமா அப்படின்னு விட்டத்த பாத்து கனவு கண்டுட்டு திரும்ப ஸ்கோர் தட்டுறன் பாத்தா பயபுள்ள முனாஃப் பேட்டிங் புடிக்கிறாப்புல.. சரி 300 தேரும்னு பாத்தா அடுத்த செகண்ட் ஆல் அவுட்னு போட்டுட்டாங்க.. இதுல கீழ கமண்ட் வேற சவுத் ஆப்ரிக்கா இதுவரைக்கும் ஆடுன எல்லா மேட்ச்லயும் எதிர் அணியின் 10 விக்கெட்டையும் வீழ்த்திடுச்சாம்.. அப்பரம் அப்படி இப்படினு இன்ட்ரஸ்ட் போயிடுச்சு.. கடைசியா கரண்ட் வந்ததும் டிவிய போட்டா கடைசி ஓவரு.. 4லே பால்ல நாசுக்கா மேட்ச்ச முடிச்சுட்டானுங்க..

ஒரு காலத்துல நான் 'ஹர்சா போக்லே'வோட தீவிர ரசிகன்.. இப்ப அவரவிட இன்னொருத்தரோட தீவிர ரசிகனாயிட்டன்.. அவரு வேற யாரும் இல்லீங்க 'போரியா மஜூம்ந்தர்' தான்.. 'டைம்ஸ் நவ்' சேனல்ல கிரிக்கெட்ட நார் நாரா கிழிக்கிறவரு இவரு.. அதுவும் இந்தியா மேட்ச்னா பயபுள்ளைக்கு எங்கிருந்து வேகம் வருமோ தெரியல..

மேட்ச் தான் பாக்கல அவரயாவது பாக்கலாம்னு 'டைம்ஸ் நவ்' சேனலுக்கு மாத்தினா நினச்சமாதிரியே நம்ம போரியா உட்டு கிழி கிழின்னு கிழிச்சாப்புல.. மேட்ச் நடந்த க்ரவுண்டுக்கு வெளிய ரசிகர்களுக்கு நடுவுல படாதபாடு பட்டு இந்திய அணிய நார் நாரா கிழிச்சாரு பயபுள்ள..



அவரு இங்கிலீபீஸ்ல பேசினாரு அத அப்படியே எனக்கு தெரிஞ்ச தமிழ்ல மாத்தி சொல்றன்..

''ஏ தோனி.. கட்சி ஓவர என்னாத்துக்கு நெஹ்ராவாண்ட கொட்த.???''

''சேசிங்ல தானே கெத்து காட்டுவ.. அப்பரம் என்னாத்துக்கு பேட்டிங்க எடுத்த.?''

''அப்பால.. இங்கிலாந்த்து மேட்ச்ல முன்னாடியே ஜாகிருக்கு ஓவர முடிச்சிட்டு கடைசியில முனாப்புக்கு கொடுத்து மண்ண கவ்வுன.. இப்ப எதுக்கு ஜாகிருக்கு முன்னாடிய ஓவர முடிச்ச.??''

''அஸ்வின எத்தன நாள் தான் பொட்டிகுள்ள வச்சிகினு இருப்ப.??? சாவ்லா, நெஹ்ரான்னு மாத்தி மாத்தி ஆப்பு வச்சிபியா.??''


இப்படி இவரு கேட்டுகிட்டு இருக்கும்போது ப்ரசன்டேஷன் வந்தது.. தோனி- நெஹ்ராவுக்கு ஓவர் கொடுத்தது தன் தப்பு தான்.. பஜ்ஜிக்கு ஓவர் இருந்தாலும் சீமர் போட்டா நல்லா இருக்கும்னு நினச்சி தான் நெஹ்ராவுக்கு கொடுத்ததாகவும் தன் கண்ப்பு தப்பாயிடுச்சுன்னு சொன்னார்..

அத கேட்டுட்டு நம்ப போரியா திரும்ப ஆரம்பிச்சார்..

''இதான் நீ கத்துகிற நேரமா.??? ஒண்ணு உட்டன் அப்படியே மல்லாக்க படுத்துகுவ.. பஜ்ஜி பய நிறைய டென்ஷனான சமயத்துல பால் போட்டிருக்காபுல.. நெஹ்ரா ரொம்ப நேரமா பால் வேற போடல.. டென்ஷன் வேற இருக்கும்.. போய் பேசல்லாம் மாட்டியா டவரா செட் தலையா.''

''இல்ல தெரியாம தான் கேட்டுகினன் இங்கிலாந்து மேட்ச்ல சச்சின், சேவாக்னு கூடி கூடி பேசியே ட்ராதான் ஆச்சு.. இதுல நீ மட்டும் தனியா யோசிச்சு கிழிக்கலாம்னு நினச்சியா.. அவ்வளவு பெரிய அப்பாடாக்கரா நீ.???''

''சரி கேப்டனா வேணா உடு.. பேட்ஸ்மேன்னா பாரு.. நீ இறங்கினதுக்கு அப்பால பஜ்ஜி வந்தாப்புல.. என்னா பண்ணின.?? சிங்கில் எடுத்து கொடுத்த.. அப்பால ஜாகீர் அவருக்கும் அதான் பண்ணின.. சரி உடு ரெண்டுபேருக்கும் பேட் புடிக்க தெரியும்.. நெஹ்ரா இறங்கினத்துக்கு அப்பால எதுக்கியா சிங்கிள் எடுத்து நெஹ்ராவ ஆட சொன்ன.. அவரு ஏதோ 40 செஞ்சுரி போட்ட ப்ளேயர் மாதிரி.. ஒரு ஷாட் அடிச்சி அவுட் ஆயிட்டு சிரிச்சுகிட்டே போகுது பயபுள்ள..''

இப்படி போரியா பாட்டுக்கு கேள்வி கேக்க நடுவுல ப்ரஸ் மீட்.. தோனி வந்து எங்கள் அணியில சிலர் விளம்பரத்துக்காக விளையாடினாங்க அப்படி சொன்னார்.. உடனே வாழபழத்த குரங்கு வாயில வச்சாப்புல நம்ப போரியா குஷி ஆயிட்டார்.. அடுத்த ரவுண்ட்..


''கேப்டன் கூல் கூலுன்னு சொல்வாங்களே இப்ப அந்த கூல் என்னாச்சு.. நம்ம கேப்டன் கூல் அவ்வளவுதானா.??''

''இதுவரைக்கும் தோனி இந்தமாலிக்கா பேசி நான் கண்டுகினதில்ல.. அவரு சொன்ன அந்த பேட்ஸ்மேன் யாரு..??? யுசஃப், விராத், யுவி.. யார சொல்றாப்புல.??''

''தோனி இதுவரைக்கும் இப்படி வெளிபடையா யாரையும் குறிச்சிகினதில்ல.. இப்படி சொல்றார்னா அவரு இன்னும் நிறைய ப்ராப்ளம் பாக்கணும்.. கண்டிப்பா டீம் புட்டுக்கும்.. இதுவொரு பெரிய அப்பாலிக்கா பிப்பாலிக்கா ப்ராப்ளம்..''

''க்வாட்டர் ஃபைனல்ல போய் இந்தமாலிக்கா மேட்ச்ல கிழிச்சா நான் இன்னும் கிழிச்சிடுவன்.. 28வருசம் நாங்கயெல்லாம் இதுக்கு வெயிட்டிங்.. ஏதாச்சும் தப்பு பண்ணின கைமா பண்ணிடுவன்''


''இன்னும் எவ்வளவோ உன்னான்ட கேக்கணும் தோனி.. என் கோவத்த கட்டுபடுத்த முடியல.. அப்பாலிக்கா பாத்துகிறன்..''(ஓ இன்னும் இருக்கா.???)

இப்படி கண்ணாபின்னான்னு பேசினார் நம்ப தலைவர் போரியா.. அந்த கூட்டத்திலே தோனிக்கு சப்போர்ட் பண்ணின ஒரே ஆளு நம்ம 'அருண் லால்' தான்.. (அடியே வெளிய வாடி உன்ன மகால்டி பண்றன்..)

போரியா நேத்தி பேசின வீடியோ கிடைக்கல.. அவரு எப்படி பேசுவார்னு ஒரு எடுத்துகாட்டுக்கு இந்த வீடியோவ பாருங்க..


Comments

  1. வ‌ண‌க்க‌ம் த‌ம்பி கூர்ம‌தி!
    தோணிக்கு என்ன‌ ஆச்சு? என்ப‌துதான் இப்போதைய‌ தேசிய‌ கேள்வி!
    ந‌ம்பிக்கைக்கு உரிய‌வ‌ர்க‌ள் த‌வ‌றுகையில்தான் ந‌ம்பும் உள்ள‌ங்க‌ளுக்குள் தீ மூள்கிற‌து...
    தோணியால் பிர‌ஷ‌ரை ச‌ரியான‌ முறையில் அணுக‌ முடிய‌வில்லை என்ப‌து நேற்றைய‌ போட்டியில் தெளிவாக‌த் தெரிந்தாலும்.... க‌டைசி ஓவ‌ரை நெஹ்ராவிட‌ம் கொடுத்த‌துதான் அவ‌ர‌து மாபெரும் த‌வ‌று... அதுவ‌ரையிலான‌ அவ‌ர‌து செய‌ல்பாடு முந்தைய‌ போட்டிக‌ளைக் காட்டிலும் ப‌ர‌வாயில்லை என்றுதான் நான் க‌ணித்திருந்தேன் ஆனால் க‌டைசி ஓவ‌ரை நெஹ்ராவிட‌ம் கொடுத்த‌தும் அத‌ன்பின் ச‌ர‌ண‌டைந்த‌ ஒரு டோனில் அவ‌ர் கொடுத்த‌ ஆற்றாமை பேட்டியும் தோணியின் வீழ்ச்சிக்கு முன்னுரை எழுதியிருக்கின்ற‌து.... தோணி மீண்டு வ‌ர‌வேண்டும்.... அவ்வ‌ள‌வுதான் சொல்ல‌ முடியும்!

    ReplyDelete
  2. @பிரபு எம்: வாங்க பிரபு.. உங்கள் பேச்சிலிருந்து தோனியின் தீவிர ரசிகரா இருப்பீங்களோன்னு தோணுது.. தோனி மற்றவரிடத்து கூடி பேசியிருக்க வேண்டும்.. சேவாக், சச்சினின் அனுபவத்தை தோனி பயன்படுத்த தவறிட்டார்.. நான் ஆரம்பத்திலிருந்து தோனியின் கேப்டன்ஸி மீது நாட்டமில்லாமல் இருந்ததால் எனக்கு இது பெருத்த பாதிப்பை ஏற்படுத்தவில்லை.. தோனி பெருவாரியாக மாறிவிட்டதை இப்போது உணரலாம்.. தோனி மீண்டு வரவேண்டும் என்பதற்கு பதில் தோனி மீண்டும் வரவேண்டும் என சொல்லலாம்.. வருகைக்கும் நன்றி.. அடுத்த மேட்ச்சில் பாப்போம்..

    ReplyDelete
  3. உள்ளேன் ஐயா......
    ஹா ஹா ஹ ஹா...

    ReplyDelete
  4. போரியா உண்மையிலே பேசினத விட உங்க மொழிபெயர்ப்பு அருமை..

    ReplyDelete
  5. கூர்மதி, விடுங்க... தோனிக்கு தெரிஞ்சது அவ்வளவுதான்... அவருக்கு நம்மளோட ஆதங்கமெல்லாம் புரியாதுங்க.


    எனது வலைபூவில் இன்று: தனபாலு...கோபாலு.... அரட்டை ரெண்டு!

    ReplyDelete
  6. போன மேட்சுகளைவிட இந்த மேட்சில் தோணியின் செயல்பாடு பரவாயில்லைன்னு நான் குறிப்பிட்டதே மற்ற அனுபவ வீரர்களுடன் தோணி கலந்து ஆலோசிச்சு செயல்பட்டதைத்தான்.. நீங்க லைவ் டெலிகாஸ்ட் பாத்தீங்களான்னு தெரியல.... குறிப்பா கடைசிக்கு முந்தின ஓவர் ஜாகிரைப் போடப் பணித்தது பெரிய முடிவு.. சச்சின், தோணி, சேவக், பஜ்ஜி, ஜாஹிர் உட்பட எல்லாரும் பேசிதான் முடிவெடுத்தாங்க... கடைசி ஓவரை நெஹ்ராவிடம் கொடுத்த டிஸாஸ்டரஸ் முடிவு தன்னுடையதுதான் என்று தோணியே சொல்லியிருக்கிறார் அது யூகிக்க முடிஞ்சதுதான்....எப்பவுமே தோணியுடைய ஸீமர்ஸ் மேலான நம்பிக்கை அது!! (சென்னை சூப்பர் கிங்ஸ் லாஸ்ட் ஓவர் பாலாஜி!)

    நான் தோணிக்கு ஆதரவாகவும் பேசவில்லை... தோணியின் ரசிகன்னு எனக்கு அடையாளமும் இல்லை .... இது என் கருத்து அவ்வளவுதான்.... தோணி மீண்டு வருவாரோ மீண்டும் வருவாரோ... வந்தே ஆக வேண்டும் அதுதான் நிதர்சனம்.... :))))

    ReplyDelete
  7. அடடா, கிரிக்கெட்டா? எனக்கு இது புரியாத மேட்டராச்சே! சரி, ஒரு அட்டண்டண்ஸ் மட்டும் போட்டுக்கிறேன். :-)

    ReplyDelete
  8. ஹாய்...கூர்...பதிவும் ரவுசு...சகோ பிரபு மற்றும் சகோ கூர் அவர்களின் பின்னூட்டங்களும் ரவுசு...:)) பொதுவாய் டோனி நல்ல கேப்டன் தான்....நேத்து சகோ டோனி க்கு நேரம் சரியில்லை...சனி சங்கு ஊதிருச்சுனு நினைக்க வேண்டியது தான்...:)) ஓகே..ஓகே..சீரியஸ்...போரியாவின் பேச்சை மொழி பெயர்த்த தோரணை செம ஜோர் கூர்...வெகுவாய் ரசித்தேன்...:)) பார்க்கலாம்...அடுத்த மேட்ச்...என்னதான் நடக்க போகுதுன்னு...:))))

    ReplyDelete
  9. @மனோ: அதே அதே அதே சிரிப்பு..

    ReplyDelete
  10. @தீபிகா:நீயும் போரியா பேசினத பாத்துட்டியா.???

    ReplyDelete
  11. @ப்ரகாஷ்:ஓ.. ஆதங்கமா.??? அதுவேறயா.. ரைட்டு..

    ReplyDelete
  12. @ராஜா:அது எப்படிங்க குப்புற அடிச்சு விழுந்தாலும் மீசையில மண்ணு ஒட்டாதமாதிரியே பில்டப் கொடுக்குறீங்க.. வர்றது வராம இருக்காது.. வராம இருக்கிறது வராது..

    ReplyDelete
  13. @பிரபு:கோபமாக பேசவில்லை என்று நினைக்கிறேன்.. நான் மேட்ச் பாக்கவில்லை என்பதை மேலே குறிப்பிட்டிருக்கேன்.. போரியா என்ன சொன்னாரோ அதை உங்களிடம் சொன்னேன்.. அவரின் கருத்துகள் என்னவென்றால் இங்கி-இந்தியா மேட்ச்சில் இருந்த கூட்டு பேச்சு இந்த மேட்ச்சில் கம்மியாக இருந்தது என்றார்.. அதையே நான் உங்களிடம் சொன்னேன்..

    தோனியின் ரசிகர் இல்லைனு சொன்னதுக்கு நன்றி..

    ReplyDelete
  14. @சேட்டை: என்ன பாஸ் கிரிக்கெட் புரியாதா.??? நானும் இப்படியே இருந்திருக்கலாம்..

    ReplyDelete
  15. @ஆனந்தி:என்னங்க தோனி திறமையான ஆளா.??? எனக்கும் உங்களுக்கும் என்னமோ ஆரம்பத்திலிருந்து யார புடிக்கும்னு பாக்கும்போது பெரிய எதிர்மறையா தான் இருக்கு.. தோனிக்கு லக் மட்டும் தான்.. தோனி பந்தை யூகிக்க தெரியாதவர்.. ஒரு டீமை வைத்து வென்றால் அதையே திரும்ப திரும்ப செலக்ட் பண்ணும் மூடர்.. திறமைக்கு மதிப்பு கொடுக்காமல் தன் விருப்பத்துக்கு அதிகமாக மதிப்பு கொடுப்பவர்(சாவ்லா).. சைலண்ட்டான வொயலன்ட் ஆள்.. எம்.ஜி.ஆர்.,ம் தோனியும் ஒண்ணு.. ஒருத்தர் மேல கரம் வச்சா தூக்காம விடமாட்டார்.. நமக்கென்னனு நிக்கறவர பாத்து கேப்டன் கூல்னு சொல்றாங்க.. ஹி ஹி

    அடுத்தது என்னன்னு மேட்ச் பாக்காம போய் பையன படிக்க வைங்க.. மேட்ச் பாக்குறன்னு படிப்ப கெடுத்துடாதீங்க#அட்வைஸ்

    ReplyDelete
  16. உங்கள் பதிவை வலைச்சரத்தில் அறிமுகப்படுத்தி பயனடைந்தேன். மிக்க நன்றி!
    http://blogintamil.blogspot.com/2011/03/2_15.html

    ReplyDelete
  17. @எஸ் கே:மிக்க நன்றி நண்பரே.!!

    ReplyDelete
  18. www.classiindia.com Best Free Classifieds Websites
    Indian No 1 Free Classified website www.classiindia.com
    No Need Registration . Just Post Your Articles Get Life time Income.
    Life time traffic classified websites.Start to post Here ------ > www.classiindia.com

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

மாலை 6.30 மணி.
இரண்டு கிலோமீட்டர் முன்னிருந்தே பேரணியாக பலர் சென்றுக்கொண்டிருநனர். அங்கங்கே தன்னார்வாலர்கள் நின்று அறிவிப்புகள் செய்துக்கொண்டிருந்தனர். சட்டையில் ஜல்லிக்கட்டுக்கு ஆதரவான வாசக மற்றும் படம் பதிப்பை இலவசமாக நண்பர்கள் செய்துக்கொண்டிருந்தார்கள். வண்டியை நிறுத்திவிட்டு நாங்களும் இணைந்துக்கொண்டோம் நடைபயணத்தில்.
கோஷங்கள் எழுப்பபட்டன. ஆளும் வர்கத்தை எதிர்த்தும், சர்வதேச அரசியலை கேலியாக விமர்சித்தும் கோஷங்கள் போடபட்டன. அப்பொழுதே கிளப்பிவிட்டன நம் ரோமங்களை. அங்கங்கே சில தகாத வார்த்தைகள் இருந்தாலும், அவை தோழர்களின் கோபத்தை வெளிப்படுத்தும் ஒரு முறை என்று உணர்ந்து நடந்தோம். கோபத்தை நாகரீகமாக சொல்லும் தமிழ் இனம் என்பதை தோழர்கள் நினைவுபடுத்திக்கொள்ள வேண்டும்.
எங்கும் நுழைய முடியவில்லை. குடும்பமாக, நண்பர்களாக, தன்னார்வலராக என எங்கினும் கூட்டம் அலைமோதிக்கொண்டிருந்தது. மத்திம பகுதி விவேகானந்தர் இல்லம் தான் எனினும் கலங்கரை விளக்கத்திலிருந்தே அலைகடலென மக்கள் மட்டும் தான் தெரிந்தார்கள்.
நாங்கள் முன்னேறினோம். அங்கங்கே தோழர்கள் பதாதைகளை பகிர்ந்துக்கொண்டார்கள். கோஷ முழக்கமிடையே நாங்கள் முன்னேறி …

ஏழு நாட்கள்...

என் பெயர் ரகு. அடிக்கடி இரவு வரும்பொழுது ஒரு இனிப்பு என்று வாங்கிக்கொண்டு சந்தோசமாக வீடும் ஏறும் அளவுக்கு எனக்கு குடும்பமும் இல்லை. அந்த அளவுக்கு மகிழ்வும் வந்ததில்லை. அதே சமயம், வாழ்க்கை இப்படி ஆகிவிட்டதே என வருந்தும் அளவுக்கும் ஒரு கவலை வந்ததில்லை. வாழ்க்கை என்னும் போக்கில் நாட்களை கடந்து செல்லும் நீங்கள் பார்க்கும் ஒரு சாதாரண மனிதன் தான் நான்.
அம்மா ஊரில். இங்கு தனியாக ரூம் எடுத்து தங்கியிருக்கிறேன். கம்ப்யூட்டர், செல்ஃபோன் போன்னற இக்கால வாழ்க்கை டெக்னாலஜி எதுவும் அண்டாத ஒரு பிரஜை. என்னிடம் இருக்கும் சொத்து என்று சொன்னால் ஒரு மூன்று செட் துணி, ஒரு ஜோடி ஷூ மற்றும் செருப்பு, ஒரு பர்ஸ் மற்றும் ஒரு கைகடிகாரம். இதில் எதில் பாதிப்பு வந்தாலும் உடனே மாற்று வாங்கிவிடுவேன். வேறு எதுவும் செலவு இல்லை. சமீபத்தில் தொலைந்த கடிகாரத்திற்கு பதிலாய் மற்றொன்று குடிக்கொண்டிருக்கிறது. அவ்வளவு தான்.
அன்று அலுவலகத்தில் இருந்தேன்.
‘ரகு… உன்ன சார் உள்ள கூப்பிடுறாரு..’ சக அலுவலர் வந்து சொன்னார்.
‘ரகு… நீங்க சேர்ந்து கொஞ்ச நாள் தான் ஆகுது. ஃபீல்ட் சமயம் இப்போ சரியில்ல. வேலைய விட்டு எல்லாரையும் தூக்கிட்டு இருக்காங…

ஒரு அப்பாவின் வாழ்க்கை

நான் கடைசியா இந்தியா வந்து ஒரு வருசம் கடந்துருச்சு. இப்போ நான் கிளம்பிட்டேன். என்னோட இந்தியாவுக்கு, என்னோட ஊருக்கு, என் சொந்த மண்ணுக்கு போறேன். அதைவிட சந்தோசம் நான் என் அப்பாவ பாக்க போறேன். நினைக்கிறப்பவே மனசு சில்லுனு இருக்கு. அப்பா…
என் அப்பா ஒரு கூத்து ரசிகர். ஊருல நடக்குற ஒரு நாடகம் கூத்து எதையும் விடமாட்டார். அன்னைக்கு ஊருக்குள்ள சங்கரன் குழுவோட நாடகம் நடந்துச்சு. மகாபாரத கதை. கிருஷ்ணன் அர்ஜூனனுக்கு உபதேசம் சொல்லிகிட்டு இருந்தாரு.
’கத்தும் நீதிகூட்டம் காட்டில் ஒரு குரங்காட்டம் ஒன்னு ஆடுது நாட்டில் மழியும் உலகம் ஆட்சி அதை அழிக்கத்தான் புறப்படும் தர்மத்தின் கோட்டை கத்தும் கதமறுக்கும் காட்டில்’
’ஆதாகபட்டது வில்லை ஏந்திக்கொண்டு யோசித்து நிற்கும் அர்ஜூனனிடம் கிருஷ்ணன் சொல்கிறான்.’
‘எது நடந்ததோ அது நன்றாகவே நடந்தது எது நடக்கிறதோ அது நன்றாகவே நடக்கிறது’ என நாடகம் உச்சகட்டத்தில் அக்கால உடையோட நடந்துகிட்டிருந்தப்போ மேடையில ஒருத்தர் இக்கால உடையோட நடந்து வந்து கிருஷ்ணன் காதுல ரகசியம் பேசினாரு. இது என்னடா மகாபாரத்ததுல ஒரு திருப்பம்னு கூட்டமே உத்து பாத்துகிட்டு இருந்தப்போ, கிருஷ்ணர் மக்கள் கூட்டம் இரு…