மக்கள் உமை வெறுப்பது சரிதான்.!!!


உச்சத்தில் பார்த்த அந்நொடியே
மனித கண்கள் மங்கிவிடும்
அந்த சினங்கொண்ட சூரியனார் வெப்பத்தில்..!!

சுட்டெரிக்கும் வெப்ப மிகுதியும்
வறுத்தெடுக்கும் சூட்டின் வலியும்
மக்கள்-வாயில் கொண்டாலும்
அவர்கள் வாழ்க்கை மாறாது.!!

மெல்லிய சருமத்தில்
சொட்ட சொட்ட நனைத்திடும்
அந்த தொடர்சொட்டு மழையை
வேண்டும் மனம் ஏனோ
அது வந்துவிட்டால் விலகி ஓடுகிறதே.!!

அதிசக்தி படைத்த சூரியனை
அறிவில்லா மக்கள் வெறுப்பது ஏன்.?
விட்டம் பார்த்த கண்கள்-அந்த
ரகசிய விசயத்தை யோசித்தது..

எரிச்சலூட்டும் வெயிலோனே
மக்கள் இருக்கட்டும் மக்கள்..
உமை எங்ஙனம் யான் வெறுப்பேன்.???
உமை வெறுத்திடும் எம் மக்கள் என்ன மூடரா.???
உண்மை காதலுக்கு நீயே எடுத்துகாட்டு..

தளர்விட்ட தாத்தா சொல்லி கேட்டுட்டேன்
நானே கண்ணாலும் கண்டிட்டேன்
நான்திசையாள் ஒருவளாம் கிழக்காளிடம்
அதிகாலையிலே அடைக்கலம் நாடுகிறாய்.!!
பிடிக்காத உனை ஏற்பது விரும்பாது
விரட்டிவிட்ட கிழக்காளை
நீ விட்டாற்போல் தெரியவில்லை..


கிழக்கு திசையின் மீது உனக்கென்ன காதல்.?
யாம் கண்ட காதலரில் நீயே முதலானவன்..!!!


எத்தனை ஆண்டுகளடா.???
எத்தனை யுகங்களடா.???
உம் காதல் எம்மை சிலாகித்ததடா.!!!

ஆனால்,
சற்று ஆழ்ந்தி யோசிக்கிறேன்..
எம்மக்கள் மூடரில்லை.!!
உனை சிறந்த காதலனாக தவறித்துவிட்டேன்..!!

கிழக்காளிடம் காதல் கொண்ட நீ..
அவள் விரட்டியபோது தொடர்அரவணைத்த
மேற்காளின் காதலை உணரலையா.???
தம்முள் உமை காத்த அவளின் பரிவை
எங்ஙனம் நீ கவனிக்க மறந்தாய்.???

எம்மக்கள் உமை வெறுப்பது சரிதான்..
வானத்தை ஏற்ப முடியாது
கண்ணீராய் கரையும் மேகக்கண்ணீரில்
தம்மை நனைத்து
பாவம் மரபு ஏற்காது
தம்மை தானே சுதாரிக்கும்
எம் அருமை மக்களே.!!
நீங்கள் மூடரல்ல நான் தான்..!!!


Comments

  1. //உச்சத்தில் பாத்த அந்நொடியே//

    உச்சத்தில் பார்த்த...?

    //வருத்தெடுக்கும் சூட்டின் வலியும்//

    வறுத்தெடுக்கும்....??

    //நீ விட்டார்போல் தெரியவில்லை..//

    விட்டாற்போல்..???

    இவை பிழைகளாய்த் தெரிகின்றன. திருத்தி விடுங்கள்.
    (இப்பின்னூட்டத்தையும் எடுத்து விடுங்கள்!)

    ReplyDelete
  2. ம்...நல்ல கற்பனை! கவிதை பிடித்திருக்கிறது- புரியும்படி இருப்பதால்...! :-))

    ReplyDelete
  3. @சேட்டை:பிழைகளை திருத்திட்டேன்.. நன்றி.. தவறுகளை சுட்டிகாட்டிய பின்னூட்டம்.. எடுக்கவேண்டிய அவசியமற்றது.. வருகைக்கு நன்றி..

    ReplyDelete
  4. @இராஜேஷ்வரி:நன்றிங்க..

    ReplyDelete
  5. யாரப்பா அது ராத்திரில தூங்கறப்ப பதிவு போடறது..?அடடா.. கூர்மதியா ? சாரி... நீங்க தாராளமா பதிவு போடலாம்.. ஹி ஹி

    ReplyDelete
  6. >>> Your comment will be visible after approval.

    ஹி ஹி பிரபல பதிவர்னாலே இதெல்லாம் சகஜம் தான்

    ReplyDelete
  7. சுத்தி அரசியல், ஜப்பான், கிரிக்கெட்னு அடிவிழுது.. எல்லாத்தையும் கவனிச்சிட்டு பதிவு போட்டா நைட் ஆயிடுது..

    //நீங்க தாராளமா பதிவு போடலாம்.. ஹி ஹி//

    இந்த நக்கல் நையாண்டிக்கெல்லாம் அசரமாட்டோம்..


    //ஹி ஹி பிரபல பதிவர்னாலே இதெல்லாம் சகஜம் தான்//

    யாருய்யா அது..??? யாரோ பிரபல பதிவராமே.!! என் ப்ளாக்ல இருந்து போங்க.. என் ப்ளாக் எனக்கு மட்டும் தான்..

    @சிபி:நீங்க சொன்ன பிரபல பதிவர வெளிய போகசொல்லிட்டன் பாஸ்.. சாரிங்க ஆபிஸர்.. இனிமேட்டு அவரு என் ப்ளாக்க யூஸ் பண்ணாதமாதிரி பாத்துகிறன்..

    ReplyDelete
  8. ///எத்தனை ஆண்டுகளடா.???
    எத்தனை யுகங்களடா.???
    உம் காதல் எம்மை சிலாகித்ததடா.!!!///

    நல்ல வரிகள்.... படித்தேன், ரசித்தேன்....

    எனது வலைபூவில் இன்று: வலைச்சரம் ஆசிரியர் சீனா சிறப்புப் பேட்டி - 1. (150 வது பதிவாக)

    ReplyDelete
  9. கூர்மதி...நல்ல சிந்தனை.கிழக்காளிடம் காதல் கொண்டவனோ.சூரியனைப் பற்றி நிறையவே யோசித்து சிலாகித்திருக்கிறீர்கள்.அருமை !

    கூர்மதி எனக்கு இரண்டு சந்தேகம்.கேக்கலாமோ...
    1)கூர்மதி என்றால் என்ன ?
    ஊரின் பெயர் சேர்த்திருக்கா ?
    2)உங்கள் எழுத்தில் ஈழத்தமிழ் வாடை அடிக்கிறதே சில சில இடங்களில்.எப்படி ?

    ReplyDelete
  10. வெயில் ஜாஆஆஆஸ்தியா இருக்கே..
    தண்ணிய குடிங்க.. தண்ணிய குடிங்க..

    ReplyDelete
  11. //Your comment will be visible after approval. //


    ம்ம்ம்ம்ம்...

    ReplyDelete
  12. @ப்ரகாஷ்:நன்றி நண்பரே.!!!

    ReplyDelete
  13. @ஹேமா: பாராட்டுகளுக்கு நன்றி ஹேமா..

    //கூர்மதி எனக்கு இரண்டு சந்தேகம்.கேக்கலாமோ...//

    இதுக்கெல்லாம் என்னங்க கேள்வி.. சும்மா கேளுங்க..

    //கூர்மதி என்றால் என்ன ?
    ஊரின் பெயர் சேர்த்திருக்கா ?//

    கூர்மதி-ன்னா உங்களுக்கு தெரியாம இருக்காதே.!! கூர்மதினா ரொம்ப புத்திசாலி.. கூர்மையான எதையும் நுணுக்கமாக கணிக்க கூடிய அறிவை உடையவன்.. ஊர் பேரெல்லாம் இதிலில்லைங்க.. இந்த பெயருக்கான காரணத்தை என்னுடைய மற்றொரு பதிவில் சொல்லியிருக்கேன்.. http://kooranpathivu.blogspot.com/2011/02/blog-post_28.html
    எதுக்காக என்னை நானே கூர்மதின்னு சொல்றேன்னு அதை பாத்தா புரியும்.. சிலர் என்னை நானே புகழ்ந்துகிறன்னு சொல்றாங்க..

    //உங்கள் எழுத்தில் ஈழத்தமிழ் வாடை அடிக்கிறதே சில சில இடங்களில்.எப்படி ?//

    ஈழத்தமிழ்..!!! ஈழம்.!!ஒருகாலத்தில் எனது பேச்சும், எழுத்தும், எண்ணமும் ஈழம் ஈழம் என்றிருந்தது.. அந்த சாயல் கொஞ்சம் ஒட்டிகொண்டிருக்கலாம்..

    ->உற்ற உறவின் உறுதணையே
    நெற்றிபொட்டில் உமக்கொரு வீரப்பொட்டு
    கத்தும் கதறலை கேட்டநொடியே
    அந்திசாய்ந்த நித்திரை மறந்துதானே போனேன்.!!<-

    நீங்க எல்லாரும் என் சொந்தங்கள் தானே.!! என்னைபார்த்து ஈழதமிழ் எப்படி புகுந்ததுன்னு கேட்டா நான் என்ன சொல்றது.. என்னுடைய கூர்மதியன் என்ற பெயருக்கு முன்னர் 'தம்பி' சேர்ந்ததுக்கு ஈழமும் ஒரு காரணமாகவே இருக்கிறது.. மதுரை தமிழும் எனதே, திருநெல்வேலி தமிழும் எனதே, சங்ககால தமிழும் எனதே, சென்னை தமிழும் எனதே, ஈழத்தமிழும் எமதே..

    உங்கள் கேள்வி என்னை பார்த்து ''என்னடா உன் குழந்தைக்கு உன் முகஅச்சு இருக்கேன்னு'' கேக்குறமாதிரி இருக்கு..

    ReplyDelete
  14. @இந்திரா:ஹி ஹி.. தண்ணிய குடிச்சாச்சா.??? ஒருத்தன் மாடரேஷன் வச்சாச்சும் பெரிய ஆளா காமிச்சுக்கலாம்னு பாத்தா முடியலப்பா.. மாடரேஷன எடுத்தாச்சு எடுத்தாச்சு.. என்ன ஒரு வில்லத்தனம்..!!!

    ReplyDelete
  15. நன்றி கூர்மதி.ஈழம் பற்றிய உங்கள் ஆதங்கள் என்னைக் கலங்கவைக்கிறது.இன்னும் நம்புவோம்.எங்கள் காலம் தவறனாலும் நடப்பவை நல்லதாகவே நடந்துகொண்டிருக்கிறது வரும் காலத்திற்கு.இன்றுகூடச் செய்தி அறிந்திருப்பீர்கள்.
    நாடுகடந்த தமிழீழத்தின் முதலாவது தூதரகம் தென் சூடானில் எதிர்வரும் யூலை மாதம் அமையவுள்ளதாகச் சொல்லப்பட்டிருக்கிறது!

    ReplyDelete
  16. முதல் முறை வருகிறேன்.
    கவிதை வரிகள் அருமை. தொடர்ந்து எழுதுங்கள் வாழ்த்துக்கள்..

    நீரோடையில் இன்று
    பெண்ணெழுத்தைபற்றிய ஒரு தொடர் எழுதியுள்ளேன் படித்துவிட்டு கருத்தினை பகிருங்கள்..http://niroodai.blogspot.com/2011/03/blog-post_17.html

    ReplyDelete
  17. www.classiindia.com Best Free Classifieds Websites
    Indian No 1 Free Classified website www.classiindia.com
    No Need Registration . Just Post Your Articles Get Life time Income.
    Life time traffic classified websites.Start to post Here ------ > www.classiindia.com

    ReplyDelete
  18. @ஹேமா:ஆம்.. ஈழ நண்பர் ஒருவர் சொன்னார்.. வார்த்தைகள் வாழ்க்கையாவது கனாக்களிலிருந்து நிஜமாக.. நம்புவோம்.. வாழுவோம்..

    ReplyDelete
  19. @மல்லிகா:கண்டிப்பாக எழுதுவேன்.. வாழ்த்துகளுக்கு நன்றி..

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

சிட்லபாக்கத்தில் தொடரும் வாழ்வியல் போராட்டம்!

ஏழு நாட்கள்...