Skip to main content

சச்சின் ஒரு அப்பாடக்கரா.???

சச்சின்- கிரிக்கெட் உலகின் கடவுள்(சொல்லிட்டான்யா..) அவர பத்தி எழுதனும்னா ஒரு தனி வலைப்பூவே தொடங்கணும்(ஏற்கனவே நான்கு இன்னும் ஒண்ணுனா கொண்டேபுடுவாங்க..) இன்னுமொரு வலைப்பூ ஆரம்பிச்சா என் உயிருக்கு உத்தரவாதம் இல்ல..


சரி சச்சின் பத்தி இப்ப என்ன மேட்டர்னு கேக்குறீங்களா.??? பறையான் பறையான்.. அதையும் யாம் பறையான். அதுக்குமுன்னாடி ஒரு விசயம் நான் சச்சினின் அதிரிபுதிரி ரசிகன். சச்சின் விளையாடும்போது இடியே விழுந்தாலும் எழுந்திரிக்கமாட்டேன்(விழுந்தா தெரியும்..)

விடிய விடிய கொட்ட கொட்ட முழிச்சு மேட்ச் பாக்குறது. அப்பறம் மேட்ச்ச பத்தி அவன் என்ன சொல்றான் இவன் என்ன சொல்றான்னு ஒரு நியூஸ் சேனல் உடாம எல்லாத்தையும் பாப்பன். அப்படி நேத்து 'ஹெட்லைன்ஸ் டூடே' சேனல் பாத்துட்டு இருக்கும்போது பாண்டிங், கங்குலி போன் மூலம் ஒரு லைவ் இன்டர்வியூ ஓடுச்சு..

ஆஹா.. 2003 உலககோப்பையின் பைனல் கேப்டன்கள்னு ரொம்ப ஆர்வமா உக்காந்து பாத்துகிட்டிருந்தன். பாண்டிங் அப்படி இப்படினு நம்ப கங்குலி மானாவாரியா புகழ்ந்தார்(இங்க வாடி உன்ன பொலக்குறன்..)


முதல்ல பாண்டிங் ஃபாம் இல்லாம தவிக்கிறது அது இதுன்னு ஓடுச்சு.. அப்படி இப்படினு பழைய நினைவுகள ரெண்டு பேரும் மாத்தி மாத்தி பேசிகிட்டாங்க.. அப்புரமா ஒரு பார்வையாளர் அனுப்பியிருந்த சரியான கேள்வி பாண்டிங்கிற்கு செருப்படி போல தான் இருந்திருக்கும்..

சமீபத்தில் வெஸ்ட் இண்டீஸ்க்கு எதிரான போட்டியில் சச்சின் அம்பயர் அவுட் கொடுக்கும் முன்பு மனசாட்சிக்கு கட்டுபட்டு வெளியேறினார் ஆனால் நீங்கள் அதுபோல இல்லாமல் அங்கேயே நிற்பது ஏன்.? அது தவறில்லையா.?

அதற்கு பாண்டிங், ''எனக்கு அந்த சமயத்தில் என் நாட்டின் நலனே முக்கியமாய் இருக்கும்.. இப்போது தான் சச்சின் மாறி வருகிறார்.. முன்னர் அவரும் என்னை போல தான் இருந்தார்..''(அட நான்சன்ஸ்..)

இதை கேட்டு அதிர்ச்சியடைந்த செய்தியாளர் பாண்டிங்கின் பதிலை கங்குலிக்கு கேள்வியாக வைத்தார். ''உங்களோடு சச்சின் அதிகமாக விளையாடி இருக்கிறார். அவர் இப்போது தான் மாறி வருகிறாரா.??'' என்று கேட்டார்.

கொஞ்சம் சிந்தித்த கங்குலி, ''மனசாட்சிபடி சொல்லவேண்டுமானால் உண்மைதான். இப்போது தான் சச்சின் மாறிவருகிறார். ஒரு காலத்தில் இந்தியா பல விக்கெட்டுகளை இழந்து தவிக்கும் அப்போ சச்சினுக்கு அவுட் கொடுக்கும் முன்பு அவர் அம்பயரை பாக்ககூட மாட்டார். ஆனால் அதேசமயம் அவருக்கு பல நாட்அவுட்டுகள் அவுட்டாக கொடுக்கப்பட்டுள்ளது. அதற்கும் இதற்கும் சமமாகிவிடும் என்றே சொல்லவேண்டும்''என்றார்.


அப்படிபார்த்தால் சச்சின் அப்போது அவ்ளோ பெரிய அப்பாடக்கரா இருந்தாரா.?? எப்படி இருந்தால் என்ன அவருக்குரிய பண்புகள் எங்கும் கண்டிராரது. இந்த உலககோப்பையிலே ஒரு மேட்சில் LBW அவுட்டான பிறகு எதிரிருந்த கோஹ்லியிடம் சென்று ரிவியுவ் கேட்கலாமா என கேட்க அதற்கு கோஹ்லி வேண்டாம் என சொன்னதும் பெவிலியன் சென்றுவிட்டார். எத்தனை பேர் ஒரு சின்ன பையனின் பேச்சை கேட்டு வெளியேறுவார். சச்சின்- தல தல தான்.. அதே சமயம் அவ்ளோ பெரிய ப்ளேயரிடம் நீங்கள் ரிவியுவ் கேட்க தேவையில்லை என்று சொல்லும் கோஹ்லியின் தைரியமும் பாராட்டத்தக்கது.

சச்சின் அவர்களே நீங்கள் பழைய காலத்தில் பெரிய அப்பாடக்கரா இருந்தாலும் சரி, இல்ல ஆயாடக்கரா இருந்தாலும் சரி.. எனக்கு உங்கள ரொம்ப பிடிக்கும்.

நீ கலக்கு தல..

Comments

  1. அதே சமயம் அவ்ளோ பெரிய ப்ளேயரிடம் நீங்கள் ரிவியுவ் கேட்க தேவையில்லை என்று சொல்லும் கோஹ்லியின் தைரியமும் பாராட்டத்தக்கது.

    .....நிச்சயமாக....

    ReplyDelete
  2. ஹலோ பாண்டிங் சார் நீங்க அஷேஸ் டெஸ்ட் சீரியஸ்ல 3rd umpire அவுட் கொடுத்ததும் umpire இடம் சண்ட போட்ட நாய் தான நீ,சச்சின் பத்தி ஏதாவது சொன்ன.வாழ்த்துக்கள் கோஹ்லி...........

    ReplyDelete
  3. சச்சினைப் பற்றிய அலசல் பதிவில் இருந்தாலும், சச்சினையும், பொன்ரிங்கையும் ஒப்பிட்டு எழுதியுள்ளீர்கள். இவ் இடத்தில் மட்டுமல்ல, எங்கள் கிறிக்கற் ரசிகர்கள் அனைவரின் உள்ளங்களிலும் சச்சினுக்கென்று தனியான இடம் இருக்கிறது.
    அம்பயச் சொன்னவுடனே எதிர்ப் பேச்சுப் பேசாது வெளியேறும் சச்சினின் இயல்பு அவரது வெற்றிக்குச் சான்றாக உள்ளது என்றே கூறலாம்.

    ReplyDelete
  4. இந்திய வீரர்களில் நாகரிகமான ஆட்டக்காரர் பட்டியலில் சச்சினுக்கும் முக்கிய இடமிருக்கிறது... ஆனால் அதே அணியில் சறிசாந் விளையாடவது தான் கவலைக்குரியது...

    அன்புச் சகோதரன்...
    ம.தி.சுதா
    பதிவுலகில் சமூகபதிவாளனாக என்னை முத்திரை குத்திய முக்கிய சாதனை
    இனி வரும் பொழுதுகளில் தங்கள் தளத்திற்கு வாரம் ஒரு தடவையே வர முடியும் என்பதை மன வருத்தத்துடன் அறியத் தருகிறேன்...

    ReplyDelete
  5. எனக்கு பிடிக்காத ஒரு விளையாட்டு கிரிக்கெட்!!

    ReplyDelete
  6. விளையாட்டுப்பையன் ... ஹி ஹி

    ReplyDelete
  7. //சச்சின் அவர்களே நீங்கள் பழைய காலத்தில் பெரிய அப்பாடக்கரா இருந்தாலும் சரி, இல்ல ஆயாடக்கரா இருந்தாலும் சரி.. எனக்கு உங்கள ரொம்ப பிடிக்கும்.//

    மும்பையில் உள்ள சச்சினின் ரெஸ்ட்ராண்ட் எங்கள் நண்பர்களின் பேவரிட் ஸ்தலமாகும். வாருமையா மும்பைக்கு சச்சினோடு கை குலுக்கி போட்டோ எடுத்து தாரேன்...

    ReplyDelete
  8. //அமுதா கிருஷ்ணா said...
    எனக்கு பிடிக்காத ஒரு விளையாட்டு கிரிக்கெட்!!//

    நானும் உங்க ஆளுதாங்கோ....
    என்ன, உங்களுக்கு பிடிக்காது. எனக்கு தெரியாது அம்புட்டுதான் வித்தியாசம் ஹே ஹே ஹே ஹே ஹே....

    ReplyDelete
  9. இவ்ளோ பைத்தியமா !

    ReplyDelete
  10. @இராஜராஜேஷ்வரி:ரொம்ப நன்றிங்க..

    ReplyDelete
  11. @சித்ரா:உண்மைதான்.. நன்றிங்க

    ReplyDelete
  12. @வினோத்:தங்கள் கோபம் நியாயமானது தான் நண்பரே.!! இருப்பினும் நாகரீகமாக தங்களது வெறுப்பை வெளிப்படுத்தியிருக்கலாம்..

    ReplyDelete
  13. @நிருபன்:நண்பரே.! சச்சினையும்,பொன்ரிங்கையும் ஒப்புமிக்கும் அளவுக்கு பொன்ரிங் பெரிய ஆள் இல்லை.. பொன்ரிங்கின் கூற்றை இங்கு பதிவித்துள்ளேன்.. அவ்ளோதான்.. கண்டிப்பாக உலகளவில் அனைவருக்கும் சச்சின் மீது மதிப்பு இருக்கதான் செய்யும்.. கருத்துக்கு நன்றி..

    ReplyDelete
  14. @ம.தி.சுதா:சகோதரரே.! நீங்கள் கூரியது முற்றிலும் நிதர்சணம்.. சறிசாந்த் வளர வேண்டிய பொடியன்..

    ReplyDelete
  15. @அமுதா:அதுக்கு காரணம் உங்க வீட்டு மக்களா இருக்கலாம்.. நகுல், ரிஷிக்கு இந்த பழக்கம் இல்லையா.??? இல்ல உங்க முன்னாடி இருந்த வீடா இருக்கலாம்.. ரயில்வே க்ரவுண்ட்ல நாங்க ஆடாத கிரிக்கெட்டா.??

    கிரிக்கெட் புடிக்கலைனா விடுங்க.. இந்தியா புடிக்கும்ல.. இந்தியா ஜெயிக்கணும்னு நினைங்க.. கிரிக்கெட்ட ஜெயிக்கவேணாம்..

    ReplyDelete
  16. @சிபி: நோ.. ஐ ஆம் ஜீரியஸ்.. சிபிக்கும் கிரிக்கெட் புடிக்காதோ.??

    ReplyDelete
  17. @மனோ:சச்சினோடு கைகுலுக்கி போட்டாவா.??? இதுக்காக நான் மும்பை வரைக்கும் வரணுமா.??? எனக்கு கிரிக்கெட்னா சச்சின் விளையாடுற ஸ்டைல்,ஸ்ட்ரோக் எல்லாம் பிடிக்கும்.. மத்தபடி அவரும் சாதாரண மனிதர் தானே.. இதற்காக நான் மும்பை வரவேண்டுமா.. இங்கு அவர் வரும்போது அவரை பாக்க நேர்ந்தால் ஒரு போட்டோ எடுத்துகொள்ளலாம்.. அவரை எனக்கு பிடிக்கும்.. அவரின் ஆட்டம் எனக்கு பிடிக்கும்.. ஆனால் இந்த கைகுலுக்கல், போட்டா இதிலெல்லாம் விருப்பமல்ல..

    ReplyDelete
  18. @மனோ:என்னங்க மும்பையில இருந்துட்டு கிரிக்கெட் தெரியாதா.??? வெட்கம் வேதனை..

    ReplyDelete
  19. @ஹேமா: சொல்லலாம்.. பைத்தியம்னும் சொல்லலாம்.. என்னைவிட அதிரிபுதிரி பைத்தியமெல்லாம் இருக்குங்க..

    ReplyDelete
  20. தல எப்பவுமே தல தான் மாப்ள!

    பகிர்வுக்கு நன்றி

    ReplyDelete
  21. நண்பரே!! கங்குலி இப்பொழுதுதான் மாறிவருகிறார் என்று சொல்கிறாரே எப்பொழுதிருந்தாம்??? அவரைத் தூக்கிய விரக்தியில் அவர் என்னவேண்டுமானாலும் சொல்லிவிடமுடியுமா? சச்சினை விடாமல் பார்ப்பவர்களுக்குத் தெரியும் அப்படியும் அவுட் ஆகி நின்றுகொண்டிருந்தாரா என்ன என்பது!! நான் சச்சினை 96 லிருந்து பார்த்துக் கொண்டிருக்கிறேன்.

    சச்சினுக்கு அவுட் என்பது கன்ஃபார்மாகத் தெரிந்துவிட்டால் நடையைக் கட்டிவிடுவார். ஆனா சந்தேகம் இருக்கும் பொழுது எப்படி போகமுடியும்?? இதை நான் ஸ்ட்ரைக்கர் எண்டிலிருந்து பார்க்கும் கங்குலிக்கு இப்படியொரு எண்ணம் வந்திருக்க வாய்ப்பிருக்கிறது இல்லையா..

    இதுவரை சச்சின் தனது கோபத்தைக் காட்டியபடியோ, அல்லது எதிரணியினர் மீது துவேசம் செய்தபடியோ இருக்கும் நிகழ்வுகளை நீங்கள் பார்த்ததுண்டா? ஆனால் கங்குலி ???

    ReplyDelete
  22. ரன் அவுட் ஆனதுக்கு போய் டிவிய போட்டு ஒடச்ச பாண்டிங்கு சச்சின் பத்தி சொல்ல என்ன தகுதி இருக்கு????
    டிக்கெட் வாங்கி பத்திரமா ஊருக்கு அனுப்பிவைங்க தல

    ReplyDelete
  23. @விக்கி உலகம்: அப்படி சொல்லுங்க மக்கா..

    ReplyDelete
  24. @கார்த்தி:உடுங்க பாஸ்.. ஏதோ பயபுள்ள ஆசை பட்டது சொல்லிட்டு போகுது..

    ReplyDelete
  25. ஆனா பாருங்க மேட்ச் முடிஞ்ச அப்புறம் பாண்டிங் மூஞ்சில ஈ ஆடல?????

    ReplyDelete
  26. @ஆதவா:தங்கள் கருத்து SPAMகளில் சேர்ந்துவிட்டதை நான் கவனிக்கவில்லை.. இப்போது தான் கவனித்தேன்.. மன்னிக்கவேண்டும்..

    இங்கு கங்குலியை சாடியிருக்கிறீர்கள்.. உண்மைதான்.. கங்குலி ஒரு கோபமான ஆள்தான்.. கோபகாரராக பல முறை மற்றவர்கள் ஏச்சுக்கும், பேச்சுக்கும் ஆளாகியிருக்கிறார். அவர் பாண்டிங்கிடம் பேசிகொண்டிருந்தமையால் அப்படி சொல்லியிருப்பாரா.??? புரியவில்லை.. 'தல'க்கு தான் எத்தனை எதிரிகள்..

    ReplyDelete
  27. @கார்த்தி:சரியா சொன்னீங்க மக்கா.. வெட்கமா இருந்தா என்ன சொல்லியிருக்கணும்.. கேப்டன் பதவிய விலகியிருக்கவேண்டும். ஆனால் அது செலக்ட்டர்ஸ் கைகளில் என கள்ள ஆட்டம் ஆடுது பயபுள்ள

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

மாலை 6.30 மணி.
இரண்டு கிலோமீட்டர் முன்னிருந்தே பேரணியாக பலர் சென்றுக்கொண்டிருநனர். அங்கங்கே தன்னார்வாலர்கள் நின்று அறிவிப்புகள் செய்துக்கொண்டிருந்தனர். சட்டையில் ஜல்லிக்கட்டுக்கு ஆதரவான வாசக மற்றும் படம் பதிப்பை இலவசமாக நண்பர்கள் செய்துக்கொண்டிருந்தார்கள். வண்டியை நிறுத்திவிட்டு நாங்களும் இணைந்துக்கொண்டோம் நடைபயணத்தில்.
கோஷங்கள் எழுப்பபட்டன. ஆளும் வர்கத்தை எதிர்த்தும், சர்வதேச அரசியலை கேலியாக விமர்சித்தும் கோஷங்கள் போடபட்டன. அப்பொழுதே கிளப்பிவிட்டன நம் ரோமங்களை. அங்கங்கே சில தகாத வார்த்தைகள் இருந்தாலும், அவை தோழர்களின் கோபத்தை வெளிப்படுத்தும் ஒரு முறை என்று உணர்ந்து நடந்தோம். கோபத்தை நாகரீகமாக சொல்லும் தமிழ் இனம் என்பதை தோழர்கள் நினைவுபடுத்திக்கொள்ள வேண்டும்.
எங்கும் நுழைய முடியவில்லை. குடும்பமாக, நண்பர்களாக, தன்னார்வலராக என எங்கினும் கூட்டம் அலைமோதிக்கொண்டிருந்தது. மத்திம பகுதி விவேகானந்தர் இல்லம் தான் எனினும் கலங்கரை விளக்கத்திலிருந்தே அலைகடலென மக்கள் மட்டும் தான் தெரிந்தார்கள்.
நாங்கள் முன்னேறினோம். அங்கங்கே தோழர்கள் பதாதைகளை பகிர்ந்துக்கொண்டார்கள். கோஷ முழக்கமிடையே நாங்கள் முன்னேறி …

ஏழு நாட்கள்...

என் பெயர் ரகு. அடிக்கடி இரவு வரும்பொழுது ஒரு இனிப்பு என்று வாங்கிக்கொண்டு சந்தோசமாக வீடும் ஏறும் அளவுக்கு எனக்கு குடும்பமும் இல்லை. அந்த அளவுக்கு மகிழ்வும் வந்ததில்லை. அதே சமயம், வாழ்க்கை இப்படி ஆகிவிட்டதே என வருந்தும் அளவுக்கும் ஒரு கவலை வந்ததில்லை. வாழ்க்கை என்னும் போக்கில் நாட்களை கடந்து செல்லும் நீங்கள் பார்க்கும் ஒரு சாதாரண மனிதன் தான் நான்.
அம்மா ஊரில். இங்கு தனியாக ரூம் எடுத்து தங்கியிருக்கிறேன். கம்ப்யூட்டர், செல்ஃபோன் போன்னற இக்கால வாழ்க்கை டெக்னாலஜி எதுவும் அண்டாத ஒரு பிரஜை. என்னிடம் இருக்கும் சொத்து என்று சொன்னால் ஒரு மூன்று செட் துணி, ஒரு ஜோடி ஷூ மற்றும் செருப்பு, ஒரு பர்ஸ் மற்றும் ஒரு கைகடிகாரம். இதில் எதில் பாதிப்பு வந்தாலும் உடனே மாற்று வாங்கிவிடுவேன். வேறு எதுவும் செலவு இல்லை. சமீபத்தில் தொலைந்த கடிகாரத்திற்கு பதிலாய் மற்றொன்று குடிக்கொண்டிருக்கிறது. அவ்வளவு தான்.
அன்று அலுவலகத்தில் இருந்தேன்.
‘ரகு… உன்ன சார் உள்ள கூப்பிடுறாரு..’ சக அலுவலர் வந்து சொன்னார்.
‘ரகு… நீங்க சேர்ந்து கொஞ்ச நாள் தான் ஆகுது. ஃபீல்ட் சமயம் இப்போ சரியில்ல. வேலைய விட்டு எல்லாரையும் தூக்கிட்டு இருக்காங…

ஒரு அப்பாவின் வாழ்க்கை

நான் கடைசியா இந்தியா வந்து ஒரு வருசம் கடந்துருச்சு. இப்போ நான் கிளம்பிட்டேன். என்னோட இந்தியாவுக்கு, என்னோட ஊருக்கு, என் சொந்த மண்ணுக்கு போறேன். அதைவிட சந்தோசம் நான் என் அப்பாவ பாக்க போறேன். நினைக்கிறப்பவே மனசு சில்லுனு இருக்கு. அப்பா…
என் அப்பா ஒரு கூத்து ரசிகர். ஊருல நடக்குற ஒரு நாடகம் கூத்து எதையும் விடமாட்டார். அன்னைக்கு ஊருக்குள்ள சங்கரன் குழுவோட நாடகம் நடந்துச்சு. மகாபாரத கதை. கிருஷ்ணன் அர்ஜூனனுக்கு உபதேசம் சொல்லிகிட்டு இருந்தாரு.
’கத்தும் நீதிகூட்டம் காட்டில் ஒரு குரங்காட்டம் ஒன்னு ஆடுது நாட்டில் மழியும் உலகம் ஆட்சி அதை அழிக்கத்தான் புறப்படும் தர்மத்தின் கோட்டை கத்தும் கதமறுக்கும் காட்டில்’
’ஆதாகபட்டது வில்லை ஏந்திக்கொண்டு யோசித்து நிற்கும் அர்ஜூனனிடம் கிருஷ்ணன் சொல்கிறான்.’
‘எது நடந்ததோ அது நன்றாகவே நடந்தது எது நடக்கிறதோ அது நன்றாகவே நடக்கிறது’ என நாடகம் உச்சகட்டத்தில் அக்கால உடையோட நடந்துகிட்டிருந்தப்போ மேடையில ஒருத்தர் இக்கால உடையோட நடந்து வந்து கிருஷ்ணன் காதுல ரகசியம் பேசினாரு. இது என்னடா மகாபாரத்ததுல ஒரு திருப்பம்னு கூட்டமே உத்து பாத்துகிட்டு இருந்தப்போ, கிருஷ்ணர் மக்கள் கூட்டம் இரு…