கலைஞரே-நீ ஒரு உத்தமன்.!!


தமிழுலக தலைவனே.!
ஒற்றை ரூபாய்க்கு ஒருகிலோ அரிசி,
அவசர உதவிக்கு 108ம் வண்டி,
இலவச வீடுகள்,
இலவச இம்சை பொட்டிகள்,
வங்கி கடன் ரத்து,
இன்னும் சொல்லலாம் ஆயிரம்
உன் வீரமிகு செயல்திறன் எடுத்துகாட்டாய்.!!

மெய்சிலிர்த்திட்டாய் தலைவனே.!
நீ பிறந்த மண்ணிலே
இந்த இளஞ்சிறுவனும் துளிர்விடுகிறான்..
சிந்தையில் நினைக்கும் போதே
நாடி, நரம்புகள் சிலிர்க்குதய்யா.!!

ஆயிரம் திட்டங்களய்யா
அதில் தான் ஆயிரம் நன்மைகளையா!!
அகராதியை புரட்டுகிறது கைகள்
உன்னை விளக்கும் வார்த்தை உண்டா என.!!

நன்மைகளின் உருவமா நீ.???
உன்னிடம் எனக்கென்று ஒரு சில வினாக்கள் அய்யா?

திராவிடம் தோன்றிய தோரணை ஞாபகம் உள்ளதா.?
அன்றைய உமது மேடை பேச்சு ஞாபகம் உள்ளதா.?
''இலவசம்.! இலவசம்.! இலவசம் தரித்து
என் மக்களை இரவலாண்டியாக்கினரே.!''
நீ கொரித்தது தான் இவ்வரிகள்.!!
ஓட்டு பெற்று கோட்டை ஏறினாய்
நீயும் இலவசத்தை வேதமாக்கிகொண்டாய்.!!
ஏனயா.?? காரணம் விளிப்பாயா.??

தமிழர்.! தமிழர் பண்பென்னும் நீ
தமிழனுக்கே உரிய இனிய பண்பை மறந்தாயோ.?
செய்ததை சொல்லும் ஈன பண்பு
உமக்கு எங்கிருந்து முளைத்ததய்யா.?

சரி.! செய்தது என்னனென்ன.?
பட்டியலிட்டாய் உன் செய்கைகளை சாதனை என்று.!!
இது சாதனையானால்,
உண்மையான முதல்வர் கடமையென்ன.?
உன் செய்கைகள்-கடமைகள்,சாதனையல்ல.!!
தமிழ் தலைவனென உரைத்தாய் இது தெரியலையா உமக்கு.!!

அரசியல் மேடை பேச்சுகளில்
அசையாமல் நான் கேட்கும் பேச்சாளரில்
உம்மையும், கர்மவீரரையும் மனதினுள் இறுகபிடித்திருந்தேன்.!!
சாடி பேசி,
குற்றம் பேசி,
வஞ்சகம் கொண்டு
உம் மேடை பேச்சு பிடிக்கவில்லையய்யா.!!
உம் மேடை பேச்சினது திறமை எங்கே.???

உண்மையில் உன் கடந்த காலத்தை நோக்கு.!!
தமிழக புரட்சியாளனாய் உருவெடுத்திருக்க வேண்டிய நீ
சரித்ததிரம் படைப்பதாய் எண்ணி சாக்கடையில் கலந்தாய்.!!

உம் வரலாறை ஆர்வமிகு படித்திருந்தேன்.!
உன்னை மிகவும் பிடித்திருந்தேன்.!
சொல்கிறேன் ஒன்று கேட்டுக்கொள்,
உனது உண்மை ரசிகனை இழந்திட்டாய்..
தமிழுக்கு நீ கொண்டிருந்த பாசம்,
புரட்சியில் நீ கொண்டிருந்த வெறி,
நாட்டை உயர்த்தவேண்டும் எனும் உன் எண்ணம்,
அனைத்தும் பிடித்தவனாய் உன் நிகழ்கால வாழ்க்கையை பார்த்தால்.!!
கண்ணீர் துளிதானய்யா.!! நீ நான் விரும்பிய கலைஞரல்ல..!!

அன்றோ நீ ஒரு உத்தமன்.!!
இன்றோ அவ்வார்த்தையை உச்சரிக்ககூட தகுதியற்றாய்.!!
பச்சை சீலைக்காரி பாக்கும்போது
இவரெல்லாம் உனக்கொரு போட்டியா என்றிருந்தேன்
இப்போது கருப்பு பெரும் உருவம் வேறு.!!

பல்வேறு ஊழல்,
உமக்கே உமக்காக உன்னாலே பாராட்டு விழா,
செய்ததை சொல்வது,
இலவசம் செய்வது,
பிச்சை கேட்பது,
நிறுத்திகொள்ளய்யா அனைத்தையும்.!

பாசக்கயிறில் பிணைபடும் முன்பாவது
என் பழைய கலைஞனை காண வேண்டும்.!!
உமது வேகம் வேண்டும்,
உமது புரட்சி வேண்டும்,
மாற்றான் கட்சியினரை சாடி பேசிடாத பண்பு வேண்டும்,
இலவசம் துறக்க வேண்டும்,
மொத்தத்தில் பழைய திராவிடம் பழைய திராவிடனாக வேண்டும்.!!

இம்முறை என் ஓட்டு உனக்கில்லை
49o-விதிப்படி ஓட்டளிக்க போகிறேன்.!!
உம்மால் ஏமாற்றப்பட்ட,
உம்மை விரும்பாத அனைவரும் இனி எம் பக்கம்.!!

Comments

  1. நிகழ்கால வாழ்க்கையை பார்த்தால்.!!
    கண்ணீர் துளிதானடா.!!//
    அனைவரின் வாழ்க்கையும் கண்ணீர்த்துளிகளாகிவிட்ட உணர்வு!

    ReplyDelete
  2. அடடடா வடை போச்சே....

    ReplyDelete
  3. // கருப்பு பெரும் உருவம் வேறு///


    அவ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்.....

    ReplyDelete
  4. //இம்முறை என் ஓட்டு உனக்கில்லை
    49o-விதிப்படி ஓட்டளிக்க போகிறேன்.!!//

    அம்புட்டு கடுப்பா....

    ReplyDelete
  5. கலைஞருக்காக மனம் வருந்துகிறது மதி.எப்படி இருந்தவர் ஏன் இப்படி மாறினார்ன்னே தெரியல.உலகத் தமிழர்கள் அனைவருமே திட்டுவதும் கிண்டல் பண்ணுவதும்கூடக் காதில் விழாதமாதிரி இன்னும் நடிகனாய்மட்டும் காலத்தைக் கழிக்கிறாரே !

    ReplyDelete
  6. ///கலைஞரே-நீ ஒரு உத்தமன்.!!///
    இதுக்கு பெயர்தான் வஞ்சப்புகழ்ச்சி அணியோ...

    எனது வலைபூவில் இன்று: மதியோடை மதிசுதா'வின் சிறப்பு பேட்டி - விரைவில்

    ReplyDelete
  7. பதிவுலகின் தில்லு துர..?

    ReplyDelete
  8. கவிதையில் கனைகள்...
    வாலிக்காத வார்த்தைகள்...
    வலிக்க வைக்கும் உண்மைகள்...

    அவர் பாணியில் அவருக்கே...

    ReplyDelete
  9. இதுதான் வஞ்சப்புகழ்ச்சி என்பதா?புகழ்வது போல் இகழ்ந்துள்ளீரே...

    ReplyDelete
  10. @இராஜராஜேஷ்வரி:உண்மைதாங்க.. ஆனா கலைஞர் பழைய மாதிரியே இருந்திருந்தார்னா ஒரு பெரிய தலைவர்னு நான் கால்லயே விழுந்திருப்பேன்..

    ReplyDelete
  11. @மனோ:உடுங்க பாஸ்.. வடை இன்னைக்கு வரும் நாளைக்கு போகும்..

    அட பெரிய கருப்பு உருவம் நீங்க இல்லீங்கோ.!! நான் கேப்டன சொன்னேன்..

    ஆமாங்க.. பெரிய கடுப்புல இருக்கேன்..

    ReplyDelete
  12. @ஹேமா:உண்மைதாங்க.. வெறுப்பாக இருக்கிறது.. பதிவுலகில் எத்தனையோ பேர் திட்டுறாங்க.. செய்திதாள்ல போட்டு கிழிக்கிறாங்க.. ஈழ மக்கள், மீனவ ப்ரச்சனை எதிலயும் சிறப்பான செயல்பாடு இல்ல.. ரொம்ப எரிச்சலாகிடுச்சு.. இறப்பதற்கு முன்பாவது இதை உணர்வாரான்னு தெரியல..

    ReplyDelete
  13. @ப்ரகாஷ்:ஹி ஹி.. வெளிய சொல்லிபுடாதீங்கப்பு.. இது ரகசியம்..

    ReplyDelete
  14. @சிபி:பாஸ்.. அந்த பேரு வேற விசயத்துக்கு உபயோகபடுத்தனும்.. இருந்தாலும் நம்ம கலைஞர பத்தி எழுத யாருக்கு பயப்படணும்..

    ReplyDelete
  15. @சௌந்தர்:ஹி ஹி.. உடுங்க உங்க அளவுக்கு இல்லைனாலும் ஏதோ எனக்கு தெரிஞ்சது..

    ReplyDelete
  16. @கஸாலி:அட சத்தியமா நான் புகழ்ந்துதாங்க இருக்கேன்.. அட நம்புங்கப்பா..

    ReplyDelete
  17. தமிழர்.! தமிழர் பண்பென்னும் நீ
    தமிழனுக்கே உரிய இனிய பண்பை மறந்தாயோ.?
    செய்ததை சொல்லும் ஈன பண்பு
    உமக்கு எங்கிருந்து முளைத்ததய்யா.?


    .....super! super! super!

    ReplyDelete
  18. பல்வேறு ஊழல்,
    உமக்கே உமக்காக உன்னாலே பாராட்டு விழா,
    செய்ததை சொல்வது,
    இலவசம் செய்வது,
    பிச்சை கேட்பது,
    நிறுத்திகொள்ளய்யா அனைத்தையும்.!//
    இதை படிச்சு அவர் திருந்துவாரா???
    நல்லா இருக்கு கவிதை.

    ReplyDelete
  19. ராஜ நடராஜன்27 March 2011 at 15:33

    அறங்கூற்றுப்பாடலாவது கலைஞரை சிந்திக்க வைக்குமா?அல்லது அவர்தம் புதல்வர் கூறும் தமிழ்க்கூற்றாய் Senile ஆவாரா?

    ReplyDelete
  20. @சித்ரா:நன்றி சித்ரா.!!

    ReplyDelete
  21. @வானதி:நன்றி வானதி.. இத படிச்சா திருந்துவாரான்னு தெரியாது.. ஆனா கொஞ்சமாவது வருந்துவாரு.. ஆனா படிக்கணுமே.!!

    ReplyDelete
  22. @ராஜ நடராஜன்:சிந்திக்க வைக்கும் பாஸ்.. ஆனா என்ன எப்படி போட்டு தள்ளுறதுன்னு சிந்திப்பார்..

    ReplyDelete
  23. \\அன்றோ நீ ஒரு உத்தமன்.!!\\இது எந்த காலத்துல??? கவிதைக்கு பொய்யழகு என்று எழுதிவிடீர்களா? கடந்த காலத்திலும், நிகழ், எதிர்காலத்திலும் இது சாத்தியமேயில்லை.

    ReplyDelete
  24. @ஜெயதேவ்:இல்லைங்க.. ஆரம்ப காலத்தில் கலைஞரின் கொள்கைகள் எனக்கு ரொம்ப பிடிக்கும்.. அதை தான் சொல்லியிருக்கிறேன்..

    ஒரு கம்யுனிச கொள்கை போல தான் இருக்கும்..

    கடந்த காலத்தில் இருந்ததே இது..

    நிகழ்,எதிர் சாத்தியமில்லை.. ஒத்துகொள்கிறேன்..

    ReplyDelete
  25. கலைஞரே-நீ ஒரு உத்தமன்.!!//

    கவிதையின் தலைப்பே கவிதையால் கலைஞருக்கு அர்ச்சனை செய்வது போல உள்ளதே! இது தான் வஞ்சப் புகழ்ச்சியணி என்பதோ?

    ReplyDelete
  26. தமிழுலக தலைவனே.!
    ஒற்றை ரூபாய்க்கு ஒருகிலோ அரிசி,
    அவசர உதவிக்கு 108ம் வண்டி,
    இலவச வீடுகள்,
    இலவச இம்சை பொட்டிகள்,
    வங்கி கடன் ரத்து,
    இன்னும் சொல்லலாம் ஆயிரம்
    உன் வீரமிகு செயல்திறன் எடுத்துகாட்டாய்.!!//

    வணக்கம் சகோதரம், நம்மாளுங்க என்ன பண்ணுவாங்க என்றால், ஒருவரை கண்டபடி திட்ட வேணும் என்றால் முதலில் நன்றாகப் புகழுவார்கள். அதன் பின்னர் தான் போட்டு வாங்கு வாங்குவார்கள். அதனைத் தான் கவிதையின் முதல் பந்தியில் எங்கள் சாதனை மன்னனின் பெருமைகளுக்கூடாக உரைத்திருக்கிறீர்கள்.

    ReplyDelete
  27. மெய்சிலிர்த்திட்டாய் தலைவனே.!
    நீ பிறந்த மண்ணிலே
    இந்த இளஞ்சிறுவனும் துளிர்விடுகிறான்..
    சிந்தையில் நினைக்கும் போதே
    நாடி, நரம்புகள் சிலிர்க்குதய்யா.!!//

    ஒரே கல்லில் இரண்டு மாங்காய் வீழ்த்துதல். இது தான் கவிஞனின் வித்துவச் சிறப்போ என்று எண்ணவும் தோன்றுகிறது.
    மேற் கோடிடப் பட்ட வரிகளின் வாயிலாக, கலைஞனைப் பெற்ற மண்ணின் பெருமையினை புகழ்கிறீர்கள். அடுத்த வரிகளின் வாயிலாக உங்களினை முன்னிறுத்துகிறீர்கள். வாழ்க தமிழ்ப் பெருமை! வாழ்க!

    ReplyDelete
  28. //அகராதியை புரட்டுகிறது கைகள்
    உன்னை விளக்கும் வார்த்தை உண்டா என.!!//

    உன்னை விளக்கும் வார்த்தை!
    விளக்கும் வார்த்தை: ஒருவரைப் புகழும் வார்த்தை
    விளக்கும் வார்த்தை: ஒருவரைப் பற்றி மாங்கு மாங்கென்று மாங்கி கும்மும், திட்டும் வார்த்தை!

    தமிழில் நீங்கள் தவழ்கிறீர்களா? இல்லை தமிழை அழைத்து வந்து கவிதையில் தவழ விடுகிறீர்களா?
    சிலேடை...

    விளக்குமாறு ஐயா கேட்டார்
    நான் விளக்குமாறு எடுத்துக் கொடுத்தேன்!

    ReplyDelete
  29. செய்ததை சொல்லும் ஈன பண்பு
    உமக்கு எங்கிருந்து முளைத்ததய்யா.?//

    இதனையெல்லாம் கண்டு கொள்ளக் கூட்டாது. செய்ததை சொல்லினால் தானே வாக்கு கிடைக்கும்.

    ReplyDelete
  30. சொல்கிறேன் ஒன்று கேட்டுக்கொள்,
    உனது உண்மை ரசிகனை இழந்திட்டாய்..//

    சகோ, உங்களைப் போல பல ரசிகர்களை அவர் இப்போது இழந்து விட்டார்.

    பல ஆயிரம் கோடிகளுக்கு அதிபதியாகியதும்- இந்த
    பாடிகளையெல்லாம் தூசென நினைத்திருப்பாரோ?

    ReplyDelete
  31. உன் நிகழ்கால வாழ்க்கையை பார்த்தால்.!!
    கண்ணீர் துளிதானய்யா.!! நீ நான் விரும்பிய கலைஞரல்ல..!!//

    நல்ல வேளை நாகரிகமாக கவிதையினை நகர்த்தியிருக்க்கிறீர்கல். மூஞ்சியிலை காறி உமிழ வேண்டும் என எழுதவில்லை. அவ்வளவு கோபம் இவ் வரிகளில் தெரிகிறது. தேசத்தை, அல்லது தாய் நாட்டின் மீதான பாசத்தின் வலிகளும் கவிதையில் புலப்படுகிறது.

    ReplyDelete
  32. பச்சை சீலைக்காரி பாக்கும்போது
    இவரெல்லாம் உனக்கொரு போட்டியா என்றிருந்தேன்
    இப்போது கருப்பு பெரும் உருவம் வேறு.!!//

    ஆய் நம்ம சீமான்..

    இவ் இடத்தில் மொழியை இன்னும் வளைத்து எழுதியிருக்காலம்.

    ReplyDelete
  33. பாசக்கயிறில் பிணைபடும் முன்பாவது
    என் பழைய கலைஞனை காண வேண்டும்.!//

    அட ஆயுசு கம்மிங்கிறதையும், மாம்ஸ் வேளைக்கு மேலை போகப் போறார் என்கிறதையும் நாசூக்காக உரைக்கிறீர்கள்.

    76வயதிற்குப் பிறது மனிதனின் சிந்திக்கும் ஆற்றல், மூளை எல்லாம் செயலிழந்து மங்கிப் போய் விடும். ஆதலால் பழைய கலைஞரைக் காண வேண்டும் எனும் தங்களின் ஆசையினை மறவுங்கள். இப்போதெல்லாம் அவரு ஒரு உடம்புள்ள உயிர் தான். யாரோ கலைஞரின் பின்னால் இருந்து திட்டங்கள் வகுத்து இயக்குகிறார்கள் என்பது மட்டுமே உண்மை. கலைஞர் இப்போது மேடைகளில், ஊடகங்களில் பேசும் போதும் எழுதி வைத்துத் தான் படிக்கிறார், தானாக யோசித்து படிக்கவில்லை என்பதை இவ் இடத்தில் நினைவூட்ட விரும்புகிறேன்.

    ReplyDelete
  34. இம்முறை என் ஓட்டு உனக்கில்லை
    49o-விதிப்படி ஓட்டளிக்க போகிறேன்.!!
    உம்மால் ஏமாற்றப்பட்ட,
    உம்மை விரும்பாத அனைவரும் இனி எம் பக்கம்.!!//

    49o வரிகள் புரியவில்லை.

    கலைஞரே நீ ஒரு உத்தமன், புகழ் மொழிகளினால் வியந்துரைத்து, சாதனைகள் பல வற்றை சாடிச் சொல்லி, அவரினால் மக்களுக்கு ஏற்படும் வேதனைகள், வலி, கோபம் முதலியவற்றைச் சொல்லி நிற்கிறது. கவிதையில் கோபம் கனலாய் இருந்தாலும், மக்களின் மனதை மாற்ற என்ன செய்யலாம் எனும் விடயங்களையும் சேர்த்திருக்கலாம்.

    கவிதையில் இன்னும் கொஞ்சம் கவனம் எடுத்திருந்தால், கலைஞரின் காதுகளைச் சுடும் கானல் வரிகளாகவும் இவை மாறியிருக்கும் என்பதில் ஐயமில்லை.

    ReplyDelete
  35. @நிருபன்: ஆஹா என் பாணியிலே கருத்தா.? பாப்போம்..

    //கவிதையின் தலைப்பே கவிதையால் கலைஞருக்கு அர்ச்சனை செய்வது போல உள்ளதே! இது தான் வஞ்சப் புகழ்ச்சியணி என்பதோ?//

    வெளிய சொல்லிபுடாதீங்கப்பு.!!

    ReplyDelete
  36. //வணக்கம் சகோதரம், நம்மாளுங்க என்ன பண்ணுவாங்க என்றால், ஒருவரை கண்டபடி திட்ட வேணும் என்றால் முதலில் நன்றாகப் புகழுவார்கள். அதன் பின்னர் தான் போட்டு வாங்கு வாங்குவார்கள். அதனைத் தான் கவிதையின் முதல் பந்தியில் எங்கள் சாதனை மன்னனின் பெருமைகளுக்கூடாக உரைத்திருக்கிறீர்கள்.//

    அட நீங்களும் அதேதானே பண்ணியிருக்கீங்க.. இந்த கருத்தில்..

    //எங்கள் சாதனை மன்னனின்//

    இது அது தானே.!

    ReplyDelete
  37. //ஒரே கல்லில் இரண்டு மாங்காய் வீழ்த்துதல். இது தான் கவிஞனின் வித்துவச் சிறப்போ என்று எண்ணவும் தோன்றுகிறது.
    மேற் கோடிடப் பட்ட வரிகளின் வாயிலாக, கலைஞனைப் பெற்ற மண்ணின் பெருமையினை புகழ்கிறீர்கள். அடுத்த வரிகளின் வாயிலாக உங்களினை முன்னிறுத்துகிறீர்கள். வாழ்க தமிழ்ப் பெருமை! வாழ்க!//

    அதேதாங்க.. நீங்க இருக்குறவரைக்கும் தமிழ் கண்டிப்பா வாழும்.. ஏன்னா நீங்க புலவரு, நான் கத்துகுட்டி..

    ReplyDelete
  38. //விளக்குமாறு ஐயா கேட்டார்
    நான் விளக்குமாறு எடுத்துக் கொடுத்தேன்!//

    கலக்குறேளே நிரூபன்.! அதுக்கென்று எங்கள் தலைவர், அஞ்சா சிங்கம்-கலைஞரை விளக்கமாறு கொண்டு அடிப்பேன்னு சொல்றீங்களே.!!(கலைஞர் விரும்பிகள் கவனிக்கவும்)

    ReplyDelete
  39. //இதனையெல்லாம் கண்டு கொள்ளக் கூட்டாது. செய்ததை சொல்லினால் தானே வாக்கு கிடைக்கும்.//

    ஹி ஹி.. செய்தது செய்ததாக இருந்தாலும் வாக்கு கிடைக்குமுங்கோ.! ஆனா அவிங்க வீட்டுக்கே செய்துகிட்டு இருந்தா சொல்லிதானே கேட்டாகணும்..

    ReplyDelete
  40. //பல ஆயிரம் கோடிகளுக்கு அதிபதியாகியதும்- இந்த
    பாடிகளையெல்லாம் தூசென நினைத்திருப்பாரோ?//

    கவித கவித.. கலக்குறீங்களே மக்கா..

    ReplyDelete
  41. //ஆய் நம்ம சீமான்..

    இவ் இடத்தில் மொழியை இன்னும் வளைத்து எழுதியிருக்காலம்.//

    தவறாக புரிந்துகொண்டீர்கள்.. நான் சொன்னது விஜயகாந்தை.. சீமானை நான் ஒரு பொருட்டாவே மதிப்பதில்லை.. சீமான் சொல்லும்கருத்து சரி.. அதில் கலைஞர் சரிவர செய்யாததால் ஈழதமிழரை கொஞ்சம் கூட சீண்டிடாத ஜெ., பக்கம் தாவுவது என்ன ஒரு கேவலமான பண்பு..

    ReplyDelete
  42. //நல்ல வேளை நாகரிகமாக கவிதையினை நகர்த்தியிருக்க்கிறீர்கல். மூஞ்சியிலை காறி உமிழ வேண்டும் என எழுதவில்லை. அவ்வளவு கோபம் இவ் வரிகளில் தெரிகிறது. தேசத்தை, அல்லது தாய் நாட்டின் மீதான பாசத்தின் வலிகளும் கவிதையில் புலப்படுகிறது.//

    இதை கலைஞரின் கண்முன் எடுத்து செல்லவே எழுதினேன்.. அதில் இவ்வாறு தரக்குறைவு வார்த்தைகளை எழுதி என்னையும் விட்டத்துல தொங்கவிடலாம்னு பாக்குறீங்களா.?? நீங்கள் சொன்னது உண்மை என்னுடைய வலிகளையே எழுதியுள்ளேன்..

    ReplyDelete
  43. //76வயதிற்குப் பிறது மனிதனின் சிந்திக்கும் ஆற்றல், மூளை எல்லாம் செயலிழந்து மங்கிப் போய் விடும். //

    இல்லை நண்பரே.! கலைஞர் இந்த லிஸ்ட்டில் சேர மாட்டார். கலைஞரை அருகில் இருந்து கவனிப்பவனில் நானும் ஒருவன்.. சூழ்ச்சமங்களும், தந்திரங்களும் அவர் வகுப்பதே.! மறதி அதிகமானதாலே எழுதி வைத்து படிக்கிறார். வேண்டுமென்றால் அவர் இறப்புக்கு பிறகு பாருங்கள்.. ஒன்னுமே வேலைக்காகாது..

    ReplyDelete
  44. //49o வரிகள் புரியவில்லை. //

    யாருக்கும் ஓட்டளிக்க விருப்பமில்லை என எழுதிகொடுப்பது..

    //மக்களின் மனதை மாற்ற என்ன செய்யலாம் எனும் விடயங்களையும் சேர்த்திருக்கலாம். //

    மக்களின் மனதை மாற்ற முடியாதுங்க.. எங்க மக்களெல்லாம் மூடர்கள்..

    //கவிதையில் இன்னும் கொஞ்சம் கவனம் எடுத்திருந்தால், கலைஞரின் காதுகளைச் சுடும் கானல் வரிகளாகவும் இவை மாறியிருக்கும் என்பதில் ஐயமில்லை.//

    இப்படியொரு தலைப்பில் என்னால் கவிதை எழுதமுடிந்ததே என்பதே என் சாதனைங்கோ.! இந்த வரிகளை நினைக்கும்போது கவிதை எழுதனும்னு சொல்றத விட கோபம் தான் அதிகமா வந்துச்சு.. அப்பரம் எப்படி கவிதை புலப்படும்.? அதுமட்டுமில்லாமல்.. நான் இப்பதான்க கத்துகிடுறன்.. சின்ன பையன்.. கவிதைன்னா என்ன என்றே எனக்கு தெரியாதுங்க..

    ReplyDelete
  45. பாசக்கயிறில் பிணைபடும் முன்பாவது
    என் பழைய கலைஞனை காண வேண்டும்.!!//

    உங்க பழைய கலைஞர் எப்பவோ செத்துட்டாரே. இப்போது அது கானல் நீர்.

    ReplyDelete
  46. தம்பி கூர்மதியன் said...
    @நிருபன்: ஆஹா என் பாணியிலே கருத்தா.? பாப்போம்..//

    நக்கலு. வலையுலகில் ஒற்றை வரிப் பின்னூட்டங்களுக்குப் பதிலாக விமர்சனம் போடுறதே என் தொழில். நீங்க உங்க பாணி என்று சொல்லிப் புட்டீங்களே!

    ReplyDelete
  47. ம்ம்ம்.. ஆதங்கம் கவிதையில் கொட்டிக்கிடக்கிறது

    ReplyDelete
  48. @விஜயன்:சும்மா ஒரு ஆதங்கம் தான்..

    ReplyDelete
  49. @நிருபன்:அட எனக்கு தெரியும் மக்கா.!! உங்களுக்கு முன்னரில் இருந்தே இது என்னுடைய வழக்கம்.. அப்படினா இது என் பாணி தானே.!!நீங்கள் பிரபலமான பதிவரா இருந்தாலும் நான் தானே சீனியர்.. ஹி ஹி..

    ReplyDelete
  50. @மல்லிகா: உண்மைதாங்க.. இல்லாம இருக்குமா.??

    ReplyDelete
  51. இம்முறை என் ஓட்டு உனக்கில்லை
    49o-விதிப்படி ஓட்டளிக்க போகிறேன்.!!
    உம்மால் ஏமாற்றப்பட்ட,
    உம்மை விரும்பாத அனைவரும் இனி எம் பக்கம்.!!-----வழிமொழிகிறேன்..

    ReplyDelete
  52. நாமெல்லாம் ஏமாற தயாராக இருக்கும் காலமல்லவா??

    visit and support:
    http://sagamanithan.blogspot.com/

    ReplyDelete
  53. அன்பின் தம்பி கூர்மதியன் - உண்மை நிலையினை வைத்து ஒரு அழகிய கவிதை. பச்சை சேலை - கருப்பு பூதம் - இம்சை பெட்டிகள் - ஆகா ஆகா அருமை - வாழ்க வளமுடன் - நட்புடன் சீனா

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

சிட்லபாக்கத்தில் தொடரும் வாழ்வியல் போராட்டம்!

ஏழு நாட்கள்...