தமிழக ஆட்சி மாற்றம்.! காரணம் என்ன.?

வெளியில போனா ஆயிரம் கொண்டாட்டாம்-என்னடா ஆச்சுனு கேட்டா அதிமுக செயிச்சுடுச்சாம். இன்னொரு பக்கம் கொண்டாடுறவங்கள வெறிக்க வெறிக்க பாக்குது ஒரு கூட்டம். மூஞ்சுல 'ஈ' ஆடல.! என்னயா னு கேட்டா திமுக தோத்துடுச்சாம்.!! அப்படியே லெப்ட்டுகா திரும்பி பாத்தா வேகமா வந்த வண்டியில இருந்து ஒரு பேமிலி தொம்முனு கீழ விழுந்தாங்க. என்னடானு பாத்தா செயிச்சுப்புட்டாராம்-செயிச்சுப்புட்டாராம்னு வெடி வெடிச்சு வண்டி ஓட்டடுனவரு பயந்து போய் வண்டிய கீழ போட்டு-சிராய்ப்புகள்; வண்டிக்கில்ல அந்த பேமிலிக்கு. வெறிக்க பாத்தவெங்களுக்கு சண்டைய போட நேரம் வந்திடுச்சு. சொந்த ஆயா அடிப்பட்டாலே கண்டுகிடாத பயலோ விழுந்த பேமிலிக்கு சப்போர்ட்டா கொண்டாட்ட கும்பலோட சண்டை.!! என்ன பயன்.? விழுந்ததில் ஏற்பட்ட சிராய்ப்புகள், பெரிய காயமாகி போச்சு.!! இது நேற்று சாயங்காலத்து ஒரு ஏரியாவின் நிலைமை.!!


நானும் எவ்வளவோ பிட்ட போட்டு பாத்தேன்.!! எங்கடா அவன் வாக்குறுதி கொடுத்து அழகிரி பய.!!

மிஸ்டர் கலைஞர் ஜி தோத்துபுட்டாரு ஜி.!! வடிவேலு ஜி காணாம போயிட்டாரு.!! அநேகமா இனி சிங்கமுத்து தான் தமிழ் சினிமா உலகின் டாப் நகைச்சுவை ஆக்டரா இருப்பார் போலிருக்கு.!!

சரி நம்ம தானே தமிழ் தலைவர் ஏன் தோற்றார்.? ஒண்ணுமே இல்ல. Small things தான். ஸ்பெக்ட்ரம் மற்றும் இதர ஊழல்கள், குடும்ப அரசியல், விலைவாசி உயர்வு, எல்லா துறையிலும் குடும்ப ஆதிக்கம். என்ன தான் நடக்குது இந்த தமிழ்நாட்டுலனு மக்கள் எல்லாரும் கொதிச்சு இருந்தாங்க. அதுக்கான வாய்ப்பா தேர்தல் வந்துச்சு. போட்டான் பாரு நம்ம ஆளு போட.!! இப்படிலாம் சொல்லுவன்னு மட்டும் நினைக்காதீங்க.!! நம்ம ஆளுக எப்போதுமே புத்திசாலிகள் தான். எம்.ஜி.ராமசந்திரன் இறந்த பின்னிலிருந்து மக்களுக்கு ஜெ., கலைஞர் இருவர் மேலும் பற்றட்டுப் போச்சு.!! என்ன செய்யலாம்னு யோசிப்பாங்க. அந்த யோசனையில முளைச்சது தான் அடிதடி அரசியல் மாற்றம்.!! இப்ப நீங்க ரொம்ப யோசிக்காதீங்க. அந்த அரசியல் மாற்றம் ஒண்ணுமில்ல. ஒவ்வொரு தேர்தலிலும் இவிங்க ரெண்டு பேரையும் மாத்தி மாத்தி போட்டு மக்கள் அவர்களின் சாதூர்யத்தை நிரூபிக்கின்றனர். எப்படிபட்ட சாதூர்யம் பாத்தீங்களா.?

நானே நினச்சு பாக்கலயே.!! இப்ப என்ன பண்றது.? 

ஓகே.! ஸ்பெக்ட்ரம் ப்ராப்ளம் நம் எல்லாருக்கும் தெரிந்தது தான். அது தெரிய காரணம் என்ன.? மீடியா தான். கொஞ்ச நாள் முன் நண்பர் இரா.எட்வின் அவரது பதிவில் அன்னா ஹசாரே பற்றியும், மீடியாக்கள் பற்றியும் ஒரு பதிவு போட்டிருந்தார். ஆம் மீடியாக்கள் தான் இக்காலத்தில் ஒரு நாட்டின்  நிலையை விளிக்கிறது.!! ஜெ., மேலே ஏற மீடியாக்களின் பங்கு இன்றியமையாதது. நான் மேலே சொன்ன மக்களின் சாதூர்யம் எழும்பவும் இந்த மீடியாக்கள் தான் காரணம்.!!

மீடியா- என்ன சொல்கிறது.? ஒரு பிரபல அரசியல் பத்திரிக்கையின் எடிட்டரிடம் கேட்கப்பட்ட ஒரு கேள்வி, ''ஏன் உங்கள் பத்திரிக்கை அதிமுகவிற்கு சப்போர்ட்டாகவே செயல்படுகிறது'' என்று கேள்வி எழுப்பப்பட்டது. அதற்கு அவரின் பதில், ''அடுத்து அதிமுக ஆட்சியின் போது இதை அப்படியே மாற்றி சொல்வீர்கள்'' என்று சொன்னார்.

என்னதான் நடக்கிறது.? பிரதிநிதிகளை தேர்வு செய்வது மக்கள் என்றாலும் அதை செய்ய தூண்டுவது மீடியாக்கள் தான். அப்படி இருக்கையில் எவன் ஆட்சிக்கு வந்தாலும் நான் குறை சொல்வேன் என்று மீடியாக்கள் அடம் பிடிக்கையில் இந்த ஆட்சி மாற்றம் மாறி கொண்டே தான் இருக்கும். ஒரு முதல்வரும் முற்றிலும் நல்லது செய்யபோவதில்லை. அவர்கள் செய்யும் தவறுகளை மீடியாக்கள் பூகம்பமாய் வெடிக்காமல் இருக்க போவதும் இல்லை. இதை கண்டு மக்களுக்கு விழிப்புணர்வு(ஹி ஹி..) வராமலும் இருக்க போவதில்லை. அப்படி இருக்கையில் ஆட்சி மாற்றம் நடந்துகொண்டே தான் இருக்கும்.
என்னையும் நம்பி.!! அத வுடுங்க.!! ஹே வடிவேலு.!!

அதிமுக இனி என்ன செய்யும்.? என்ன செய்தாலும் மாட்டாமல் செய்யணும். நல்லது(!?) செஞ்சா மாட்டுற மாதிரியே செய்யணும். போன முறை ஜெ.,வின் பிரச்சார வீரியம் இந்த முறை பக்காவாக குறைந்துள்ளது. அவரது பேச்சில் ஏதோ மாற்றத்தை உணர்கிறேன். இந்த மாற்றம் எங்கு கொண்டு போய் விடும்.? விஜயகாந்த் எதிர்கட்சி தலைவர்(அய்யய்யோ!!). போன முறை ஒற்றை சீட்டை பிடித்து தொங்கிய விஜயகாந்த் இம்முறை இந்த அளவுக்கு முன்னேறியது ஒரு பெருத்த அடிதான் திமுக-வுக்கு. இந்நேரத்தில் கலைஞர் மனதில் புள்ள பூச்சி(!?)க்கெல்லாம் கொடுக்கு முளைக்கும்னு நான் நினச்சா பாத்தேனு ஓடிக்கிட்டு இருக்கும்.!!

கொளத்தூரு தொகுதியில கடைசி வரைக்கும் அல்லோல பட்ட ஸ்டாலினு அடுத்து திமுக-வை வழி நடத்தினால், யாருக்கு தெரியும் விஜயகாந்த் தொடர்ந்து எதிர்கட்சி தலைவராக இருந்து ஆளும் கட்சியாகவும் மாறிடலாம்.!! திமுக ஓரம் கட்டப்பட்டாலும் ஆச்சர்யத்துக்கு இல்லை. இவை எல்லாமே இனி மீடியாக்கள் கையில் தான் இருக்கிறது.!!

ஏன் மீடியாக்கள் யார் வந்தாலும் குறை சொல்வேன் என்பதை தவிர்த்துவிட்டு நல்ல அரசியல்வாதியை நமக்கு அறிமுகபடுத்த கூடாது.? ஏன் அவர்களுக்கு ஆளும் கட்சியை குறை சொல்லவே நேரம் சரியாகி விடுகிறது.? ஜெ., விடம் தோன்றிய அந்த மாற்றம் நம்மை நல்வழிக்கு கொண்டுபோகுமா.? என்ன தான் நடக்கும் இனி இந்த ஐந்து வருடம்.? சட்ட ஒழுங்கை காப்பேன் என்று சொன்ன ஜெ., முதலில் அவரது கேஸ் பைலை தூசி தட்டுவாரா.? இனி கனிமொழி, ராசாவுக்கு பெப்பப்பே தானா.?

சரி இவ்வளவு பேசுன வடிவேலு நிலைமை என்ன.?

இப்ப என்னடா நான் சொல்லிட்டனு வாயில வச்சு அந்த குத்து குத்துறீங்க.? ஹே கலைஞரு.! ஹே ஸ்டாலினு.! எங்கடா போய்டீங்க.. அவ்வ்வ்வ




டிஸ்கி: இவ்வளவு பேசுறேனே இனிமேல என் ப்ளாக்லையும் ஜெ., வை பத்தி குறைகள் மட்டும் தான் ஓடும். ஹி ஹி.!! கொஞ்சம் பிஸியானதால வரமுடியாம இருந்தது. இனிமே பிச்சு உதற வேண்டியது தான்.

Comments

  1. ஒரு நாளிலோ இல்லை ஒரு மாதத்திலோ எதுவும் நடக்காது,. நீங்கள் பத்திரிக்கையில் இருப்பவர். மற்றவர்கள் மாதிரி உணர்ச்சிவசப்பட்டு பேசவேண்டாம். ஆறு மாதம் பொறுத்திருந்து இந்த வருட இறுதியில் மதிப்பீடு செய்வோம். கொஞ்சம் பொறுமை வேண்டும்.

    ReplyDelete
  2. @எல் கே: அதை தான் நானும் விரும்புகிறேன்.!! நன்றி அண்ணா.!! காத்திருக்கிறேன்.. பாப்போம்..

    ReplyDelete
  3. ////அதிமுக இனி என்ன செய்யும்.? என்ன செய்தாலும் மாட்டாமல் செய்யணும். நல்லது(!?) செஞ்சா மாட்டுற மாதிரியே செய்யணும். // அநேக அரசியல்வாதிகளின் நிலை இது தான். நல்ல அலசல் பாஸ்

    ReplyDelete
  4. ஸ்பெக்ட்ரம் மற்றும் இதர ஊழல்கள், //
    ithu small things ah? ungalai!!

    ReplyDelete
  5. வெல்கம் பேக் மச்சி

    ReplyDelete
  6. ராஜ நடராஜன்15 May 2011 at 02:01

    கூர்மதியன் எப்படியிருக்கீங்க?

    ஜெயலலிதாவின் நேற்றைய பத்திரிகையாளர் சந்திப்பில் வெற்றியின் துவக்க மெச்சூருட்டி இருக்கறமாதிரி தோன்றினாலும் தான் புடிச்ச காலுக்கு மூணே முயல்தாங்கிற மாதிரி புதிய சட்டசபைக்குள் பதவியேற்பு விழா இல்லையென்பதால்(கருணாநிதியின் எண்ணத்தில் எழுந்த கட்டிடமென்றாலும் மக்கள் பணத்தில் உருவானது) ஜெயலலிதாவின் ஆட்சிமுறை அடிப்படையிலேயே இனி விமர்சனங்களை முன் வைக்க முடியும்.

    நல்லவைகளை பாராட்டுவதோடு தடம் மாறும் நேரத்தில் விமர்சனங்களையும் முன் வைப்போம்.

    ReplyDelete
  7. மிஸ்டர் கலைஞர் ஜி தோத்துபுட்டாரு ஜி.!! வடிவேலு ஜி காணாம போயிட்டாரு.!! அநேகமா இனி சிங்கமுத்து தான் தமிழ் சினிமா உலகின் டாப் நகைச்சுவை ஆக்டரா இருப்பார் போலிருக்கு.!//

    டைம்மிங் காமெடி.. என்பது இதனைத் தானோ.

    ReplyDelete
  8. நானே நினச்சு பாக்கலயே.!! இப்ப என்ன பண்றது.?//

    இது ரொம்ப ஓவரு, அம்மா கட்சி ஆளுங்க கையில் மாட்டினீங்க, பிச்சுப் புடுவாங்க;-))

    ReplyDelete
  9. இவ்வளவு பேசுறேனே இனிமேல என் ப்ளாக்லையும் ஜெ., வை பத்தி குறைகள் மட்டும் தான் ஓடும்//

    குறைகளை மட்டுமல்ல, நிறைகளையும், சமுதாய மேம்பாட்டிற்கு/ முன்னேற்றத்திற்கு வேண்டிய பல விடயங்களையும் நீங்கள் அலச வேண்டும் சகோ, அப்போது தான் உங்கள் பணி நிமித்தம்- ஒரு நடு நிலையான கட்டுரையினை, ஆய்வினை நாங்கள் எதிர்பார்க்க முடியும்.

    ReplyDelete
  10. ஹாஹா...அசுர பலத்தோட அந்தம்மா இருக்கு...

    ReplyDelete
  11. மதிப்பு வாய்ந்த கலைஞர் துதி பாட ஆள் இல்லாமல் இருக்கார் பாவம்!

    ReplyDelete
  12. மீடியாக்கள் என்பது ஆட்சியாளர்கள் செய்யும் தவறை சுட்டிக்காட்டுபவர்கள் தானே. ஆட்சிக்கு ஆதரவாக மட்டும் எழுதினால் ஆளும் கட்சியின் ஜால்ரா என்று தானே சொல்வார்கள்..

    ReplyDelete
  13. பதிவை எழுதிய பாணி ரசிக்க வைத்தது. இனி பதிவுலகில் அதிகம் எழுதுவீர்களா?

    ReplyDelete
  14. @கந்தசாமி: நன்றி பாஸ்..

    ReplyDelete
  15. @நாய்குட்டி மனசு: ஹி ஹி.. உடுங்க.. உடுங்க..

    ReplyDelete
  16. @பிரபு: தேங்க்ஸ் மச்சி.. அடுத்தது உன்னைய பத்தி ஒரு பதிவு போடவா.?

    ReplyDelete
  17. @ராஜ நட: சூப்பருங்க.. நீங்கள் குறிப்பிட்ட அந்த சட்டடசபை விவகாரத்தை நானும் கவனித்தேன்.. ஒன்று புரியவில்லை.. சட்டசபை ஆளாளுக்கு ஒண்ணு ஒண்ணு வச்சிப்பாங்களோ.? இனி அடுத்து திமுக வந்தா இந்த புதுசுக்கு வருவாங்க.. தப்பி தவறி தேமுதிக வந்தா புதுசா ஒண்ணு கட்டுவாங்களோ.!? என்ன தான் சார் நடக்குது.? குறைகளை சுட்டுவோம்.. தடம் மாறும் நேரத்தில் நல்லவைகளை பாராட்டுவோம்..

    ReplyDelete
  18. @நிரூ://முன்னேற்றத்திற்கு வேண்டிய பல விடயங்களையும் நீங்கள் அலச வேண்டும் சகோ, //

    கண்டிப்பாக அலசுவோம்.! நாட்டின் முன்னேற்றத்துக்கு கடுகு அளவாவது உதவுவோம்..

    ReplyDelete
  19. @சதீஷ்: உங்களுக்கு ரொம்ப கொண்டாட்டமா இருக்கும்னு எனக்கு தெரியும் பாஸ்.. ஜமாய்ங்க..

    ReplyDelete
  20. @பாரதி: வாருங்கள்.. ஆட்சியாளர்களின் நிரைகளை மட்டும் நான் சொல்ல சொல்லவில்லை.. ஏன் குறைகளை மட்டுமே சொல்கிறார்கள் என்பது தான் என் கேள்வி.!? நீங்கள் சொல்வது போல ஆட்சியாளர்களின் குறைகளை மட்டும் சொல்வது மீடியா வேலையில்லை.. மக்களிடம் உண்மைகளை சேர்ப்பதே மீடியாவின் வேலை.. தெரிந்தே மறைக்கப்பட்ட, ஒடுக்கப்பட்ட எத்தனையோ உண்மைகள் மீடியா உள்ளடக்கி வைத்திருக்கிறது.. அது எல்லாம் தவறில்லையா.?

    //இனி பதிவுலகில் அதிகம் எழுதுவீர்களா//

    நான் அதிகமா எழுதிட்டு இருந்தவன் தான் பாஸ்.. நடுவுல கொஞ்சம் இடைவெளியில் இருந்தேன்.. இப்போது கொஞ்சம் சுமாராக தான் வருவேன்.. அநேகமாக ஜூனுக்கு பிறகு சூறாவளியாகலாம்..ஹி ஹி..

    ReplyDelete
  21. இந்த முறையாவது மக்களுக்கு நல்லது நடந்தால் நலம். ஆட்சியில் இருப்பவர்கள் சுயநலம் பாராது மக்களுக்காக உழைக்க வேண்டும்.

    ReplyDelete
  22. //விஜயகாந்த் எதிர்கட்சி தலைவர்(அய்யய்யோ!!)//

    இனிதான் ஆட்டம் ஆரம்பம்..களை கட்டும் தமிழக அரசியல்..ஆங்!!

    ReplyDelete
  23. முதலில் கமெண்ட் எழுதிய எல் கே வுக்கு,
    நீங்கள் கேட்ட ஆறு மாதம் டைம் லாம் அம்மாவுக்கு காத்திருக்க நேரமில்லையாம்...
    சமச்சீர் கல்வியிலே முதல் கோணலை போட்டுட்டாங்களே...

    ReplyDelete
  24. ராஜ நடராஜன்5 June 2011 at 16:25

    எனக்கு கருத்து சொல்லவே வரல.அதுலயும் நான் சீரியஸ் பதிவர்ன்னு வேற சொன்னீங்களா!எனக்கு பதிவைப் படிச்சு சிரிச்சு...சிரிச்சு...அப்புறம் பின்னூட்டம் கூட போட முடியல:))))

    ஒவ்வொரு மூஞ்சுக்கும் ஏத்த கமெண்டு வேற...சிரிச்சிகிட்டு வாரேன்:)))

    ReplyDelete
  25. ராஜ நடராஜன்5 June 2011 at 16:30

    சிரிச்சு முடிச்சிட்டேன்:)

    ஊறுகாய்,மீன் கொழம்பு மாதிரி சில விசயங்களை ஊறப்போடற மாதிரி மறு வாசிப்பு செஞ்சப்போ ருசியோ ருசி போங்க!

    ReplyDelete
  26. @வானதி:சூப்பரா உழைக்கிறாங்களே பாத்தீங்களா.? ஹி ஹி.. தமிழக்கத்துக்கு விடிவே இல்லீங்கோ

    ReplyDelete
  27. @சூர்யஜீவா:இன்னும் பல நடக்குது பாஸ்.. அந்த சுவாரஸ்யத்த மிஸ் பண்ணாம போய் பாருங்க..

    ReplyDelete
  28. @ராஜ நட:லேட்டா படிச்சிட்டு இது ஒரு சாக்கு.. ம்ம்..

    ReplyDelete

Post a Comment

Popular posts from this blog

மெரினாவில் ஓர் இரவு! போராட்டக்களம்..

சிட்லபாக்கத்தில் தொடரும் வாழ்வியல் போராட்டம்!

ஏழு நாட்கள்...